Ore i mexü̃ ga Márcu ümatüxü̃ 15:19 - Tupanaarü Ore

¹⁹ Rü wüxi ga naixmena̱xãmaxã naeruwa nanacua̱i̱xcagü, rü nüxna nacua̱i̱xgüe. Rü nape̱xegu nacaxã́pü̱xügü rü nüxü̃ nicua̱xüü̃güneta.

Ore i mexü̃ ga Márcu ümatüxü̃ 15:19 Referans Kwoze

Ore i mexü̃ ga Márcu ümatüxü̃ 14:65

Rü ñuxre ga nümagü rü inanaxügüe ga nüxna nax nacua̱i̱xgüexü̃. Rü nanatüxetügü rü ñu̱xũchi nüxü̃ nidagügü ñaxü̃maxã: —¡Nüxü̃ nacua̱x nax texé cuxü̃ idagüxü̃! —ñanagürügü. Rü yema Tupanapata ga taxü̃nearü dauruü̃gü ga purichíagü rü nanapechiwegü.

Popera ga Yudíugü ga yaxõgüxü̃ca̱x ümatüxü̃ 13:13

Rü ngẽmaca̱x name nax nüxna ixĩgachixü̃ ga yema mugü ga nũxcüma nagu ixĩxü̃ rü ngĩxã Ngechuchuwe tarüxĩ rü naxrüxü̃ ãne tingegü.

Filipenses 2:10

Rü yemaacü nanaxü ga Tupana nax Ngechuchupe̱xegu tacaxã́pü̱xügüxü̃ca̱x rü nüxü̃ ticua̱xüü̃güxü̃ca̱x ya guxãma ya texé ya daxũguxü̃ i naanewa ngẽxmagüxe, rü guxãma i ñoma i naanewa ngẽxmagüxe, rü guxãma ya marü yuexe.

Romanos 11:4

Natürü Tupana nanangãxü̃, rü ñanagürü: “Dücax, choma rü marü choxü̃́ nangẽxma i 7,000 i yatügü i chaugüxü̃́ chidexechixü̃. Rü nümagü rü taguma nüxü̃ nicua̱xüü̃gü i ngẽma tupananetachicüna̱xã i Baá”, ñanagürü.

Ore i mexü̃ ga Luca ümatüxü̃ 23:36

Rü yema churaragü rü ta Ngechuchuxü̃ nacugüe. Rü naxü̃tawa naxĩ, rü nüxna nanaxã ga bínu ga üxchíücü.

Ore i mexü̃ ga Luca ümatüxü̃ 23:11

Rü yexguma ga Eróde rü norü churaragü rü poraãcü chixri Ngechuchumaxã nachopetü, rü nagu nidauxcüraxü̃gü. Rü wüxi ga naxchiru ga mexẽchixü̃gu nayacu̱xẽẽgü nax nüxü̃ nacugüexü̃ca̱x. Rü yemawena ga Eróde rü wenaxarü Pirátuxü̃ta Ngechuchuxü̃ namu.

Ore i mexü̃ ga Luca ümatüxü̃ 22:63

Rü yema yatügü ga Ngechuchuna daugüxü̃, rü nagu nidauxcüraxü̃gü, rü nüxna nanacua̱i̱xcagüxü̃.

Ore i mexü̃ ga Márcu ümatüxü̃ 10:34

Rü ngẽmagü tá nagu nidauxcüraxü̃gü. Rü tá nüxna nacua̱i̱xgüe, rü tá nanacua̱i̱xgü, rü tá nayama̱xgü. Natürü tomaepü̱x i ngunexü̃guwena rü tá wena namaxü̃ —ñanagürü.

Ore i mexü̃ ga Márcu ümatüxü̃ 9:12

Rü Ngechuchu nanangãxü̃, rü ñanagürü nüxü̃: —Aixcüma nixĩ i Ería tá nüxíra núma naxũxü̃ nax chauxü̃pa namexẽxẽãxü̃ca̱x i guxü̃ma. ¿Natürü tü̱xcüü̃ i ore i ümatüxü̃wa i ñaxü̃: “Tupana Nane ya duü̃xü̃xü̃ ixĩcü rü tá ngúxü̃ ninge, rü duü̃xü̃gü rü tá nüxü̃ naxoe”, ñaxü̃?

Miquéa 5:1

¡Rü ñu̱xma, Pa Yerucharéü̃x, ínamexẽxẽ i curü poxü̃ruxü̃! Erü marü cuxü̃ ínachomaeguãchi i curü uanügü. Rü poraãcü tá ngúxü̃ nüxü̃ ningexẽẽgü ya yimá Iraétanüxü̃arü ãẽ̱xgacü.

Ichaía 52:14

Natürü muxü̃ma i duü̃xü̃gü rü tá namaxã naba̱i̱xãchie i ngẽxguma nüxü̃ nadaugügu i nachiwe i poraãcü napíxü̃ rü ãũxü̃ rü ngẽmagagu marü tama nanaduü̃xẽchametüraxü̃.

Ichaía 50:6

Rü chauca̱xwe̱x nüxna chaxã nax choxü̃ nacua̱i̱xgüxü̃ca̱x. Rü yexguma choxü̃ natuxchinagugügu rü tama nüxna chayanuxü̃. Rü tama chidaugachi ga yexguma chauchametüwa nacua̱i̱xgügu rü chixexü̃ chomaxã yaxugügügu.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Ichaía 45:23

Rü ngẽma chauégagu nüxü̃ chixuxü̃ rü aixcüma nixĩ rü ngẽma chorü ore rü aixcüma tá ningu. Rü guxü̃táma, rü chope̱xegu tá nacaxã́pü̱xügü rü chauégagu tá nüxü̃ nixu nax chauga tá naxĩnüexü̃.

Wiyaegü 69:12

Rü duü̃xü̃gü rü ĩanearü plazawa chauchiga nidexagü rü ngẽma ngãxẽxü̃ rü chaugu nawiyaegü.

Yox 13:9

Natürü ¿ta̱xacü chi nangupetü ega Tupana pexna caxgu? ¿Rü pema rü chi penawomüxẽẽxü̃ ya Tupana ñoma wüxi i duü̃xü̃xü̃ pewomüxẽẽxü̃rüxü̃?

Nüxíraxü̃xü̃ ga popera ga ãẽ̱xgacügüchiga 19:18

Rü dücax, rü cumaxã nüxü̃ chixu rü choma rü marü íchayaxügüxẽxẽ i 7,000 i Iraéanecüã̱xgü i taguma Baápe̱xegu caxã́pü̱xügüxü̃ nax nüxü̃ yacua̱xüü̃güxü̃ca̱x —ñanagürü ga Tupana.

Naanearü ügüchiga 43:28

Rü naenexẽgü rü wenaxarü nape̱xegu nanangücuchitanü, rü ñanagürügü: —Pa Torü Ãẽ̱xgacüx, tüma ya tonatü rü taxuxü̃ma tüxü̃ naxüpetü. Rü tamaxü̃ ta nixĩ —ñanagürügü.

Naanearü ügüchiga 24:52

Rü yexguma yemaxü̃ naxĩnügu ga Abraáü̃arü duü̃ rü Cori ya Tupanape̱xegu nacaxã́pü̱xü rü ñu̱xmata waixü̃mügu yangücuchi.

Ore i mexü̃ ga Matéu ümatüxü̃ 27:30

Rü nanacua̱i̱xgüe. Rü nüxna nanayauxgü ga guma naixmena̱xãxãcü, rü naeruwa namaxã nanacua̱i̱xcagü.

Ore i mexü̃ ga Márcu ümatüxü̃ 15:18

Rü yemawena inanaxügüe nax tagaãcü ñagüxü̃: —¡Namaxü̃ ya Yudíugüarü Ãẽ̱xgacü! —ñagüxü̃.

Ore i mexü̃ ga Márcu ümatüxü̃ 15:20

Rü yexguma yemaacü nagu yadauxcüraxü̃güguwena, rü ínanacu̱xuchigü ga yema naxchiru ga daucharaxü̃. Rü wenaxarü naxchirugutama nayacu̱xẽẽgü. Rü ñu̱xũchi ínanagaxüchigü nax curuchawa yanapotagüãxü̃ca̱x.