Ore i mexü̃ ga Márcu ümatüxü̃ 14:12 - Tupanaarü Ore

¹² Rü nawa nangu ga ngunexü̃ ga nagu inaxügüxü̃ ga yema peta ga paũ ga ngearü pu̱xẽẽruü̃ã́xü̃ nagu nangõ̱xgüxü̃. Rü yema nixĩ ga ngunexü̃ ga nagu carnéruxacü naxca̱x yama̱xgüxü̃ ga Üpetüchigaarü peta. Rü yexguma ga norü ngúexü̃gü rü Ngechuchuna nacagüe, rü ñanagürügü: —¿Ngextá cunaxwa̱xe nax tanamexẽxẽxü̃ i õna i Üpetüchigaarü petagu ingṍxü̃? —ñanagürügü.

Ore i mexü̃ ga Márcu ümatüxü̃ 14:12 Referans Kwoze

Ínachoxü̃xü̃chiga 12:18

Rü yima nüxíraü̃cü ya tauemacüarü 14 arü yáuanexü̃gu rü tá ipenaxügü nax penangṍxü̃ i paũ i ngearü pu̱xẽẽruü̃ã́xü̃ ñu̱xmatáta yimatama ya tauemacüarü 21 arü yáuanexü̃wa nangu.

Ínachoxü̃xü̃chiga 12:6

Rü tá mea nüxna pedau ñu̱xmatáta doma ya tauemacüarü 14 i ngunexü̃wa nangu. Rü ngẽma ngunexü̃arü yáuanecü rü guxãma i pemax i Iraétanüxü̃ rü tá peyama̱x i ngẽma pexü̃na.

Ínachoxü̃xü̃chiga 12:8

Rü ngẽma chütaxü̃gu tá penangõ̱xgü i namachi i iguxü̃ ya maxẽ ya üxücümaxã ãéü̃xü̃. Rü namaxã tá penaxüxbüxü̃ i paũ i ngearü pu̱xẽẽruü̃ã́xü̃.

Gálatas 4:4

Natürü yexguma nawa nanguxgu ga yema ngunexü̃ ga inaxunetaxü̃ ga Tupana, rü núma nanamu ga Nane. Rü duü̃xü̃gürüxü̃ wüxi ga ngewa nabu ga gumá Nane. Rü yema Moiché ümatüxü̃ ga mugütüü̃wa nayexma ga yexguma nabuxgu.

Ínachoxü̃xü̃chiga 13:3

Rü nüma ga Moiché rü Iraétanüxü̃xü̃ ñanagürü: —¡Nüxna tá pecua̱xãchie i ñaa ngunexü̃ i nagu Cori ya Tupana taxü̃ i norü poramaxã pexü̃ ímuxü̃xü̃ ga Equítuanewa i ngexta chixri pemaxã inacua̱xgüxü̃wa rü norü puracütanüxü̃xü̃ pexü̃ yaxĩgüxẽẽxü̃wa! Rü ngẽmaca̱x i ngẽxguma penaxüchigagügu i ñaa ngunexü̃ rü taxũtáma paũ i pu̱xẽẽruü̃ã́xü̃ pengõ̱xgü.

Ore i mexü̃ ga Matéu ümatüxü̃ 3:15

Natürü ga Ngechuchu rü ñanagürü nüxü̃: —Name nixĩ i choxü̃ ícubaiexẽẽxü̃ i ñu̱xmax. Erü name nixĩ i tayanguxẽẽxü̃ i guxü̃ma i ngẽma Tupana tüxü̃ muxü̃ —ñanagürü. Rü yexguma ga Cuáü̃ rü: —Ngü̃ —ñanagürü.

Wenaxarü naxümatü ga Tupanaarü mugü 16:5

Rü natanüwa ya yima ĩanegü ya Tupana pexna ãxü̃newa, rü tama name ya ngexnerüxünemare ya ĩanegu penadai i ngẽma naxü̃nagü i Üpetüchigaca̱x ixĩxü̃.

Ore i mexü̃ ga Márcu ümatüxü̃ 14:1

Rü taxre ga ngunexü̃ nataxu nax nawa nanguxü̃ ga Yudíugüarü peta ga Üpetüchiga ga nagu nangõ̱xgüãxü̃ ga paũ ga ngearü pu̱xẽẽruü̃ã́xü̃. Rü nümagü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃ rü naxca̱x nadaugü nax ñuxãcü bexma duü̃xü̃güechita Ngechuchuxü̃ yayauxgüxü̃ nax yama̱xgüãxü̃ca̱x.

Ore i mexü̃ ga Márcu ümatüxü̃ 14:11

Rü yexguma yemaxü̃ naxĩnüegu, rü nümagü ga yema ãẽ̱xgacügü rü nataãẽgü. Rü diẽru Yúdana ngĩxü̃ naxuaxü̃gü. Rü yexgumama inanaxügü ga Yúda ga naxca̱x nax nadauxü̃ ga ñuxãcü nüxü̃́ nax natauxchaxẽẽgüãxü̃ nax duü̃xü̃güechita Ngechuchuxü̃ yayauxgüxü̃ca̱x.

Ore i mexü̃ ga Márcu ümatüxü̃ 14:13

Rü yexguma ga nüma rü nanamu ga taxre ga norü ngúexü̃gü, rü ñanagürü nüxü̃: —¡Ẽcüx, yea ĩanewa pexĩ! Rü ngẽxma tá nüxü̃ peyangau i wüxi i yatü i wüxi ya tü̃xü̃ ya dexámaxã ããcuxe ngẽxma tüxü̃ ingexü̃. ¡Rü nawe perüxĩ!