Ore i mexü̃ ga Márcu ümatüxü̃ 14:11 - Tupanaarü Ore

¹¹ Rü yexguma yemaxü̃ naxĩnüegu, rü nümagü ga yema ãẽ̱xgacügü rü nataãẽgü. Rü diẽru Yúdana ngĩxü̃ naxuaxü̃gü. Rü yexgumama inanaxügü ga Yúda ga naxca̱x nax nadauxü̃ ga ñuxãcü nüxü̃́ nax natauxchaxẽẽgüãxü̃ nax duü̃xü̃güechita Ngechuchuxü̃ yayauxgüxü̃ca̱x.

Ore i mexü̃ ga Márcu ümatüxü̃ 14:11 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:10

Erü ngẽma nax diẽruguama rüxĩnüxü̃ rü ngẽma nixĩ i guxü̃ma i chixexü̃güarü ügü. Rü nangẽxma i ñuxre i yaxõgüxü̃ i diẽruguama rüxĩnüexü̃ rü ngẽmaca̱x Tupanana nixĩgachi. Rü ngẽmaãcü nügünatama guxchaxü̃ naxãgü rü nügüxü̃tama ngechaü̃ nangu̱xẽẽgü.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Ore i mexü̃ ga Matéu ümatüxü̃ 26:15

Rü Yúda rü ñanagürü nüxü̃: —¿Ñuxre tá choxü̃́ penaxütanüxü̃ i ngẽxguma pexü̃́ chanatauxchaxẽxẽgu nax Ngechuchuxü̃ piyauxgüxü̃ca̱x? —ñanagürü. Rü yexguma ga yema chacherdótegüarü ãẽ̱xgacügü rü 30 tachinü ga diẽru nüxü̃́ nanaxütanügü.

Ochéa 7:3

Rü nüma i duü̃xü̃gü rü norü diẽrumaxã rü womüxẽẽmaxã nanataãẽxẽxẽ i norü ãẽ̱xgacü rü norü ngü̃xẽẽruü̃gü.

Norü taxre ga popera ga ãẽ̱xgacügüchiga 5:26

Natürü nüma ga Erichéu rü nüxna nicachigüama rü ñanagürü: —¿Tama ẽ̱xna nüxü̃ cucua̱x i ngẽxguma Naamáü̃ naweü̃wa cuxca̱x ixüegu rü Tupana rü choxü̃ nüxü̃ nacua̱xẽxẽ i ngẽma? Natürü ñu̱xma nax Tupanaarü poramaxã yixĩxü̃ i naxca̱x yataanexü̃ i ngẽma yatü, rü ngẽmaca̱x tama name nax naxü̃tawa naxca̱x ícaxü̃ i naxchiru, rü nayauxtanüxü̃ nax naxca̱x itaxexü̃ca̱x i naanegü, rü úbanecügü, rü carnérugü, rü wocagü, rü puracütanüxü̃ i yatüxü̃gü rü ngexü̃gü.

Nüxíraxü̃xü̃ ga popera ga ãẽ̱xgacügüchiga 21:20

Rü nüma ga Acáx rü Eríaxü̃ nangãxü̃ rü ñanagürü: —¿Cumax, Pa Chorü Uanüx, rü choxü̃ icuyangauama? —ñanagürü. Rü nüma ga Ería rü nanangãxü̃ rü ñanagürü nüxü̃: —Ngü̃, cuxü̃ ichayangau nax cumaxã nüxü̃ chayarüxuxü̃ca̱x nax Cori ya Tupanape̱xewa poraãcü chixexü̃ nax cuxüxü̃.

Ore i mexü̃ ga Matéu ümatüxü̃ 26:14

Rü ñu̱xũchi wüxi ga Ngechuchuarü ngúexü̃ ga Yúda ga Ichariótegu ãégaxü̃ rü chacherdótegüarü ãẽ̱xgacügüxü̃tawa naxũ.

Ore i mexü̃ ga Márcu ümatüxü̃ 14:10

Rü Yúda ga Icharióte ga wüxi ga yema 12 ga ngúexü̃tanüxü̃ ixĩxü̃, rü Yudíugüarü chacherdótegüarü ãẽ̱xgacügütanüwa naxũ nax namaxã yamexẽẽãxü̃ca̱x nax ñuxãcü tá Ngechuchuxü̃ yayauxgüxü̃ca̱x.

Ore i mexü̃ ga Márcu ümatüxü̃ 14:12

Rü nawa nangu ga ngunexü̃ ga nagu inaxügüxü̃ ga yema peta ga paũ ga ngearü pu̱xẽẽruü̃ã́xü̃ nagu nangõ̱xgüxü̃. Rü yema nixĩ ga ngunexü̃ ga nagu carnéruxacü naxca̱x yama̱xgüxü̃ ga Üpetüchigaarü peta. Rü yexguma ga norü ngúexü̃gü rü Ngechuchuna nacagüe, rü ñanagürügü: —¿Ngextá cunaxwa̱xe nax tanamexẽxẽxü̃ i õna i Üpetüchigaarü petagu ingṍxü̃? —ñanagürügü.

Ore i mexü̃ ga Luca ümatüxü̃ 22:3

Rü yexguma ga Chataná rü Yúda ga Ichariótegu nangaxi. Rü nüma ga Yúda rü yema 12 ga Ngechuchuarü ngúexü̃tanüxü̃chire̱x nixĩ.