Ore i mexü̃ ga Márcu ümatüxü̃ 13:8 - Tupanaarü Ore

⁸ Erü wüxi i nachixü̃ane rü to i nachixü̃anemaxã tá nügü nadai. Rü wüxi ya ãẽ̱xgacüarü churaragü rü to i ãẽ̱xgacüarü churaragümaxã tá nügü nadai. Rü muxü̃ma i nachicawa rü tá naxĩã̱xãchiane. Rü tá taiya nangu̱x. Natürü guxü̃ma i ngẽma rü norü ügümare nixĩ i ngẽma ngúxü̃ i tá ínguxü̃.

Ore i mexü̃ ga Márcu ümatüxü̃ 13:8 Referans Kwoze

Ore i mexü̃ ga Matéu ümatüxü̃ 24:8

Rü guxü̃ma i ngẽma pemaxã nüxü̃ chixuxü̃, rü ngẽma nixĩ i norü ügümare i ngẽma ngúxü̃ i tá ínguxü̃.

Ichaía 37:3

Rü Ichaíamaxã nüxü̃ nixugüe ga ãẽ̱xgacüarü ore ga ñaxü̃: —Ñu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tamaxã naguxchigagü rü tüxü̃ nacugüe. Rü poraãcü ngúxü̃ tingegü ñoma wüxi i ngexü̃ i ixraxacüchaü̃xü̃ rü turaxü̃rüxü̃.

Wiyaegü 48:6

Rü poraãcü namuü̃e. Rü nanaxĩ̱xãchiãẽgü ñoma wüxi i nge i ixíxraxacüchaü̃cürüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:4

Rü inaxũãchi ga wüxi ga to ga cowaru rü yema rü nadau. Rü yema naétüwa rütoxü̃ rü wüxi ga tara ga taxü̃ nüxna naxã. Rü pora nayaxu nax iyanaxoxẽẽãxü̃ca̱x nax nügü nangechaü̃güxü̃ ga duü̃xü̃gü rü nügü nax nada̱i̱xü̃ca̱x

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Ngechuchuarü ngúexü̃gü ga yamugüxü̃arü puracüchiga 11:28

Rü natanüwa nayexma ga wüxi ga orearü uruxü̃ ga Agábu ga naéga. Rü wüxi ga ngutaque̱xewa rü inachi ga Agábu rü Tupanaãxẽ ya Üünecü nanamu nax yadexaxü̃, rü nüxü̃ nixu nax wüxi i taiya i taxü̃ tá ínguxü̃ i guxü̃ i nachixü̃anegüwa. Rü aixcüma ínangu ga yema taiya ga yexguma Cláudiu rü Rómaarü ãẽ̱xgacü ixĩxgu.

Chacaría 14:13

Rü ngẽma ngunexü̃gu ya Cori ya Tupana rü tá nanamuü̃exẽxẽ i ngẽma togü i nachixü̃anecüã̱xgü. Rü wüxichigü rü tá namücüchacüüwa nichü̱xüx nax nügü nada̱i̱xü̃ca̱x.

Aguéu 2:22

Rü guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü rü tá ichayanaxoxẽxẽ i norü pora. Rü tá nagu chapogü i ngẽma ãẽ̱xgacügüarü tochicaxü̃gü. Rü tá chanangüegutanü i norü carugü i daiwexü̃ wüxigu namaxã i norü ũxẽẽruü̃gü. Rü tá nayue i norü cowarugü wüxigu namaxã i ngẽma nagu ĩxü̃. Rü wüxichigü rü tá naenexẽarü taragu tátama nayu.

Yeremía 50:43

Rü nüma ya Babiróniaanearü ãẽ̱xgacü rü ngẽxguma nüxü̃ nacuáchigagu nax ínangugüchaxü̃xü̃ i ngẽma uanügü, rü norü muü̃maxã inayanguãxẽ rü naxoegaãxẽ rü poraãcü ngúxü̃ ningẽgü ñoma wüxi i ngexü̃ i íxraxacüchaü̃xü̃rüxü̃.

Yeremía 49:24

Rü Damácu rü inayanguãxẽ rü ínamemaregü nax naxĩgüxü̃. Rü poraãcü namuü̃e, rü naxoegaãxẽ, rü poraãcü ngúxü̃ ningẽgü ñoma wüxi i ngexü̃ i íxraxacüchaü̃xü̃rüxü̃.

Yeremía 25:32

Rü nüma ya Cori ya Tupana ya Guxãétüwa Ngẽxmacü rü ñanagürü: —Ngẽma taxü̃ i guxchaxü̃ rü nachixü̃anegüwa tá ninguchigü. Rü ngẽma taxü̃ i guxchaxü̃ i ãũcümaxü̃ rü naane íyacuáxü̃wa tá ne naxũ —ñanagürü.

Yeremía 22:23

Rü ñu̱xma i cumax, Pa Ãẽ̱xgacüx, rü cutaãxẽ nawa ya yima mexü̃ne ya ãẽ̱xgacüpata i Líbanuwa ne naxü̃ i ocayiwamaxã pexcüwagüne. Natürü ngúxü̃ tá quinge i ngẽxguma ngẽma ãũcümaxü̃gü cuxca̱x íngugügu, ñoma wüxi ya ngexe ya íxraxacüxe i ngúxü̃ ingexerüxü̃ —ñanagürü ga Cori ya Tupana.

Yeremía 13:21

¿Rü ta̱xacüxü̃ tá quixu, Pa Yerucharéü̃x, i ngẽxguma ngẽma cumatama cungúexẽxẽxü̃ i duü̃xü̃gü cumaxã icua̱xgu? Rü tá ngúxü̃ cuxca̱x ínangu ñoma wüxi ya ngexe ya ãxacüxe ya ngu̱xnecaxerüxü̃.

Yeremía 6:24

Rü Yerucharéü̃wa i duü̃xü̃gü rü ñanagürügü: —Marü nüxü̃ taxĩnüe i nachiga i ngẽma uanügü. Rü ngẽma nax tamuü̃exü̃ rü taturae. Rü poraãcü tangechaü̃gü, rü ngúxü̃ tingegü ñoma wüxi i ngexü̃ i íxraxacüchaü̃xü̃rüxü̃.

Ichaía 19:2

Rü nüma ya Cori ya Tupana rü ñanagürü: —Choma rü tá chayatoye i Equítuanecüã̱xgü, rü norü duü̃xü̃gü rü tá nügü chanadaixẽxẽ. Rü nügümücü ixĩgüxü̃ i duü̃xü̃gü rü tá nügü chanadaixẽxẽ. Rü wüxi ya ĩanecüã̱xgü i duü̃xü̃gü rü nai ya ĩanecüã̱xgü i duü̃xü̃gümaxã tá nügü chanadaixẽxẽ, rü Equítuanecüã̱xgü rü tá to i nachixü̃anecüã̱xgümaxã nügü nadai.

Yeremía 4:31

Nüxü̃ chaxĩnü i naga i ñoma wüxi ya ngexe ya ngexwaca íxraxacüxerüxü̃ ixĩxü̃. Rü ngẽma naga rü Chióü̃cüã̱xgüga nixĩ. Rü nümagü rü naxugüme̱xẽãcü ñaãcü naxauxe: —¡Chaugümaxã changechaü̃, erü choxü̃ tá nadai i ngẽma máetatanüxü̃! —ñaxü̃.

Norü taxre ga to ga popera ga ãẽ̱xgacügüchiga ümatüxü̃ 15:6

Rü nachixü̃anegü rü togü ga nachixü̃anegümaxã nügü nadai rü ĩanegü rü naigü ga ĩanegümaxã nügü nadai. Yerü Cori ya Tupana rü duü̃xü̃güca̱x ínananguxẽxẽ ga naguxü̃raü̃xü̃ ga guxchaxü̃gü ga ãũcümaxü̃.

Ore i mexü̃ ga Márcu ümatüxü̃ 13:7

Rü ngẽxguma nüxü̃ pexĩnüegu nax nügü nada̱i̱xü̃ i nachixü̃anegü i ngaicamagüxü̃ rü togü i nachixü̃anegü i yáxü̃gugüxü̃, ¡rü taxũtáma ngẽmaca̱x peba̱i̱xãchiãẽgü! Erü woetama ngẽmaãcü tá nangupetü. Natürü taxũta naanearü gu̱x nixĩ i ngẽma.

Ore i mexü̃ ga Márcu ümatüxü̃ 13:9

¡Rü mea pegüna pedaugü! Erü ãẽ̱xgacügüpe̱xewa tá pexü̃ nagagü, rü ngutaque̱xepataü̃gügu tá pexü̃ nicua̱i̱xgü. Rü nachixü̃anegüarü ãẽ̱xgacügüpe̱xewa tá pexü̃ nagagü naxca̱x nax chorü duü̃xü̃gü pixĩgüxü̃. Natürü ngẽmaãcü tá pexü̃́ natauxcha nax ngẽma ãẽ̱xgacügümaxã nüxü̃ pixuxü̃ i chauchiga.