Ore i mexü̃ ga Márcu ümatüxü̃ 13:25 - Tupanaarü Ore

²⁵ Rü woramacurigü rü ẽxtagü rü tá narüyi. Rü guxü̃ma i daxũwa nüxü̃ idauxü̃ rü tá naxĩã̱xãchitanü.

Ore i mexü̃ ga Márcu ümatüxü̃ 13:25 Referans Kwoze

Ichaía 34:4

Rü yimá üa̱xcü rü tauemacü rü ẽxtagü rü tá inadexgü. Rü ngẽma ya̱u̱xtüweanexü̃ rü ñoma wüxi i poperarüxü̃ tá nadixcumü. Rü yima ẽxtagü rü tá narüyi. Rü ñoma úbaatügü i paxü̃ rüyi̱xü̃rüxü̃ tá nixĩgü. Rü ngẽma iguatügü i paxü̃ rüyi̱xü̃rüxü̃ tá nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:13

Rü woramacurigü rü ẽxtagü rü daxũwa narüyiixü̃ ñoma i naanegu, ñoma ori̱x i igu i doxüxü̃ma buanecü ya tacümaxã rüyi̱xü̃rüxü̃.

Joel 2:30

Rü daxũwa rü tá chanango̱xẽxẽ i ta̱xacü i taguma texé nüxü̃ dauxü̃. Rü ñoma i naanewa rü tá poraãcü nagü inaba. Rü tá nixa ya ĩanegü. Rü ngéma rü tá taxü̃ i caxixü̃ naxĩnagüema.

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.