Ore i mexü̃ ga Márcu ümatüxü̃ 13:24 - Tupanaarü Ore

²⁴ Natürü marü nangupetügu i ngẽma ngúxü̃gü, rü ngẽma ngunexü̃gügu rü tá nixo ya üa̱xcü rü taxũtáma inabaxi ya tauemacü.

Ore i mexü̃ ga Márcu ümatüxü̃ 13:24 Referans Kwoze

Ichaía 13:10

Rü ngẽma i ngunexü̃gu rü ngẽma woramacurigü rü ẽxtagü i daxũguxü̃ i naanewa ngẽxmagüxü̃ rü tá nixogü. Rü üa̱xcü rü noxri tátama iyanagoxgu rü nixo, rü tauemacü rü tá ta nixo.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Amúx 5:20

Rü ngẽma ngunexü̃ ya Tupana nagu pexü̃ poxcuexü̃ rü wüxi i ngunexü̃ i ẽanexü̃ tá nixĩ i pexca̱x, rü marü taxũtáma ngóonexü̃wa pengẽxmagü. Rü poraãcü tá pexca̱x nawaanexü̃chi rü bai i wüxi i ta̱xacürü ngóonexü̃ tá nangẽxma.

Joel 3:15

Rü tá nixogü ya üa̱xcü rü tauemacü. Rü taxũtáma marü ninaigü i ẽxtagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Norü taxre ga popera ga Pedru ümatüxü̃ 3:12

Rü name nixĩ i mea ípenangu̱xẽxẽ i ngẽma ngunexü̃ i nagu tá ínanguxü̃ ya tórü Cori. Rü ngẽma ngunexü̃gu rü guxü̃ma i daxũwa nüxü̃ idauxü̃ rü tá nixa rü tá inachaxichigü. Rü ñoma i naane rü üa̱xcü rü tauemacü rü ẽxtagü rü woramacurigü rü yima üxümaxã tá inachaxichigü.

Joel 2:10

Rü ngẽma munügüpe̱xewa rü naxĩã̱xãchi i ñoma i naane rü caixanexü̃gü. Rü üa̱xcü rü tauemacü rü tá nixogü. Rü woramacurigü rü ẽxtagü rü taxũtáma ninaigü.

Danié 12:1

Rü ñanagürü ta: —Rü tá ínangugü i ngunexü̃gü i nagu tá nangẽxmaxü̃ i taxü̃ i guxchaxü̃gü i taguma ñuxgu nüxü̃ idauxü̃ ga yexguma noxritama nangóegu ga nachixü̃anegü. Rü ngẽxguma ngẽma ngunexü̃güwa nanguxgu rü tá nango̱x ya Miguére ya dauxü̃cüã̱xarü ãẽ̱xgacü ya curü duü̃xü̃gü i Iraétanüxü̃xü̃ ípoxü̃cü. Rü ngẽxguma ngẽma ngunexü̃güwa nanguxgu rü guxü̃ma i ngẽma curü duü̃xü̃gü i Iraétanüxü̃ i Tupanaarü poperagu ümatüégaxü̃ rü tá namaxẽ naétüwa i ngẽma guxchaxü̃gü.

Echequié 32:7

Rü ngẽxguma cuxü̃ chima̱xgu, rü choma rü tá chayaxẽãchianexẽxẽ i dauxü̃wa. Rü tá nixogü ya ẽxtagü. Rü caixanexü̃maxã tá chayadüxtachiwe ya üa̱xcü. Rü yimá tauemacü rü tagutáma inabaxi.

Yeremía 4:28

Rü ngẽma naane rü ngechaü̃maxã tá nayapa, rü dauxü̃wa rü tá naxẽane. Rü ngẽma nixĩ i nüxü̃ chixuxü̃ i nagu charüxĩnüxü̃ rü ngẽmaca̱x taxũtáma nüxü̃ charüchau nax chayanguxẽẽxü̃ i ngẽma poxcu. Rü taxũtáma chanangexrü nax chanaxüxü̃ i ngẽma —ñanagürü.

Ore i mexü̃ ga Márcu ümatüxü̃ 13:23

¡Pexũãxẽgü! Erü guxü̃ma i ngẽma tá ngupetüxü̃, rü marü naxü̃pa pemaxã nüxü̃ chixu.