Ore i mexü̃ ga Márcu ümatüxü̃ 13:23 - Tupanaarü Ore

²³ ¡Pexũãxẽgü! Erü guxü̃ma i ngẽma tá ngupetüxü̃, rü marü naxü̃pa pemaxã nüxü̃ chixu.

Ore i mexü̃ ga Márcu ümatüxü̃ 13:23 Referans Kwoze

Norü taxre ga popera ga Pedru ümatüxü̃ 3:17

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax nüxü̃ pecuáxü̃ i ta̱xacü tá nax ngupetüxü̃, rü name nixĩ i pexuãẽgü nax tama pexü̃ nawomüxẽẽgüxü̃ca̱x i ngẽma chixexü̃ i duü̃xü̃gü rü tama nüxü̃ perüxoexü̃ca̱x nax mea peyaxõgüxü̃.

Ore i mexü̃ ga Cuáü̃ ümatüxü̃ 14:29

Rü naxü̃pa nax ínanguxü̃ i ngẽma tá ngupetüxü̃, rü pemaxã nüxü̃ chixu nax choxü̃́ peyaxõgüxü̃ca̱x i ngẽxguma ínanguxgu.

Ore i mexü̃ ga Luca ümatüxü̃ 21:8

Rü Ngechuchu rü ñanagürü: —¡Pexũãxẽgü nax taxuxü̃táma pexü̃ womüxẽẽxü̃ca̱x! Erü muxũchixü̃ tá chauégagu ínangugü rü ñanagürügü tá: “Choma nixĩ i Cristu, rü paxa tá nagu̱x i naane”, ñanagürügü tá. ¡Natürü taxũtáma nüxü̃́ peyaxõgü!

Ore i mexü̃ ga Márcu ümatüxü̃ 13:5

Rü yexguma ga Ngechuchu rü nanangãxü̃ rü ñanagürü nüxü̃: —¡Pexũãẽgü nax taxúema pexü̃ womüxẽẽxü̃ca̱x!

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ore i mexü̃ ga Márcu ümatüxü̃ 13:33

Rü ngẽmaca̱x, ¡ipedaue rü pexuãẽgü! Erü tama nüxü̃ pecua̱x i ta̱xacürü ora tá ínangu i ngẽma pemaxã nüxü̃ chixuxü̃.

Ore i mexü̃ ga Márcu ümatüxü̃ 13:9

¡Rü mea pegüna pedaugü! Erü ãẽ̱xgacügüpe̱xewa tá pexü̃ nagagü, rü ngutaque̱xepataü̃gügu tá pexü̃ nicua̱i̱xgü. Rü nachixü̃anegüarü ãẽ̱xgacügüpe̱xewa tá pexü̃ nagagü naxca̱x nax chorü duü̃xü̃gü pixĩgüxü̃. Natürü ngẽmaãcü tá pexü̃́ natauxcha nax ngẽma ãẽ̱xgacügümaxã nüxü̃ pixuxü̃ i chauchiga.

Ore i mexü̃ ga Matéu ümatüxü̃ 7:15

Rü naxca̱x pexuãẽgü i ngẽma dorata̱a̱xgüxü̃ i nügü ixugünetaxü̃ nax Tupanaarü orearü uruü̃gü yixĩgüxü̃. Erü nümagü rü ñoma carnérugü i tama ãũcümaxü̃rüxü̃ pepe̱xewa nügü nixĩgüxẽxẽ, natürü norü ĩnüwa rü ñoma dauxchitacüã̱x i airugü i düraexü̃rüxü̃ nixĩgü.

Ore i mexü̃ ga Matéu ümatüxü̃ 24:25

Dücax, naxü̃pa nax nangupetüxü̃ i guxü̃ma i ngẽma ngúxü̃, rü choma rü marü pemaxã nüxü̃ chixu i ngẽma.

Ore i mexü̃ ga Márcu ümatüxü̃ 13:22

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽmaãcü, ega nüxü̃́ natauxchagu, rü tá tüxü̃ nawomüxẽẽgü woo ya yíxema duü̃xẽgü ya Tupanatama tüxü̃ dexe.

Ore i mexü̃ ga Márcu ümatüxü̃ 13:24

Natürü marü nangupetügu i ngẽma ngúxü̃gü, rü ngẽma ngunexü̃gügu rü tá nixo ya üa̱xcü rü taxũtáma inabaxi ya tauemacü.