Ore i mexü̃ ga Márcu ümatüxü̃ 13:17 - Tupanaarü Ore

¹⁷ Rü ngẽma ngunexü̃gügu, rü wüxi i ngechaü̃ tá nixĩ i tümaca̱x ya yíxema ngexegü ya itacharaü̃güxe rü yíxema mãĩxãcügüxe.

Ore i mexü̃ ga Márcu ümatüxü̃ 13:17 Referans Kwoze

Ore i mexü̃ ga Luca ümatüxü̃ 23:29

Erü nawa tá nangu i ngunexü̃gü i nagu ñagüxü̃ tá i duü̃xü̃gü: “Tataãẽgü ya yíxema ngexegü ya taxuacüma ãxacügüxe, rü taguma íxraxacügüxe, rü taguma mãĩxãcügüxe”, ñagüxü̃.

Auxexü̃chiga 4:10

Rü yema nax nataxuxü̃ ga õna, rü yemaca̱x ga yema ngexü̃gü ga mamagü ga naxacügüxü̃ ngechaxü̃güchirexü̃ rü düxwa naxacü tüxü̃ nadai nax tüxü̃ namuxragüxü̃ca̱x nax yemaacü tümamaxã naxãwemügüxü̃ca̱x ga yexguma nagu napogüegu ga Yerucharéü̃.

Ore i mexü̃ ga Luca ümatüxü̃ 21:23

Rü ngẽma ngunexü̃gügu rü tá poraãcü tüxü̃́ naguxcha ya yíxema ngexegü ya itacharaü̃güxe rü yíxema imaixacügüxe. Erü tá nangẽxma i taxü̃ i ngúxü̃, rü Tupana rü poraãcü tá nanapoxcue i ngẽma duü̃xü̃gü.

Ochéa 13:16

Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Ochéa 9:14

Rü Ochéa rü ñanagürü: —¡Pa Chorü Tupanax, ẽcü napoxcue i ngẽma duü̃xü̃gü! ¡Rü ẽcü yangexacügüxẽxẽ i ngẽma naxma̱xgü! ¡Rü ngẽxguma ngürüãchi yaxãxacügu, rü ẽcü yangegüneníü̃xẽxẽgü! —ñanagürü.

Ore i mexü̃ ga Matéu ümatüxü̃ 21:16

Rü ñanagürügü Ngechuchuxü̃: —¿Nüxü̃ cuxĩnüxü̃ i ngẽma ore i buxü̃gü namaxã ngéma icagüexü̃? —ñanagürügü. Rü Ngechuchu nanangãxü̃, rü ñanagürü: —Ngü̃, nüxü̃ chaxĩnü. ¿Natürü taguma ẽ̱xna nawa pengúe i Tupanaarü ore i buxü̃güchiga ümatüxü̃ i ñaxü̃: “Ngẽma buxü̃gü i íxraxü̃ rü õxchanagü rü tá ta cuxü̃ nicua̱xüü̃gü”, ñaxü̃? —ñanagürü.

Ore i mexü̃ ga Márcu ümatüxü̃ 13:16

Rü texé ya tümaanewa ngẽxmaxe rü tama name i tümapataca̱x tataegu nax tümachirugü tayayaxuxü̃ca̱x.

Ore i mexü̃ ga Márcu ümatüxü̃ 13:18

¡Rü Tupanana naxca̱x peca i perü yumüxẽwa nax tama gáuane ixüyane pexü̃ nax nangupetüxü̃ca̱x i ngẽma chixexü̃!