Ore i mexü̃ ga Márcu ümatüxü̃ 13:10 - Tupanaarü Ore

¹⁰ Natürü naxü̃pa nax nagúxü̃ i naane rü tá nüxü̃ nixugüe i Tupanaarü ore i guxü̃ i nachixü̃anegüwa.

Ore i mexü̃ ga Márcu ümatüxü̃ 13:10 Referans Kwoze

Ore i mexü̃ ga Matéu ümatüxü̃ 24:14

Rü ngẽma Tupanaarü ore i mexü̃ rü guxü̃ i naanewa tá nüxü̃ nixugügü nax guxü̃ i duü̃xü̃gü nüxü̃ nacua̱xgüxü̃ca̱x. Rü ngẽmawena tá nixĩ i nagúxü̃ i naane.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:6

Rü ñu̱xũchi nüxü̃ chadau ga wüxi ga to ga orearü ngeruxü̃ ga daxũguxü̃ ga naanegu íxexeü̃xü̃ ga yangexü̃ ga Tupanaarü ore i guxü̃gutáma ixĩxü̃, nax namaxã nüxü̃ yaxuxü̃ca̱x ga duü̃xü̃gü ga ñoma ga naanewa maxẽxü̃, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga duü̃xü̃gü ga to ga nagawa idexagüxü̃, rü naguxü̃raü̃xü̃ ga ĩanegücüã̱x.

Colosenses 1:6

Rü ngẽmatama ore i mexü̃ ga pexü̃tawa nguxü̃, rü guxü̃wama nangu i ñu̱xmax. Rü ngẽma ore rü guxü̃wama duü̃xü̃güarü maxü̃xü̃ naxüchicüü, yema perü maxü̃xü̃ nax naxüchicüüxü̃rüxü̃ ga yexguma nüxü̃ pexĩnüegu nax Tupana pexü̃ ngechaü̃güxü̃ rü nüxü̃ pecua̱xgügu nax aixcüma yixĩxü̃ ga yema norü ore.

Romanos 10:18

Natürü i ñu̱xma rü pexna chaca, ¿ẽ̱xna ngẽma Yudíugü rü taguma nüxü̃ naxĩnüe i ngẽma ore i mexü̃ i Cristuchiga? Ngẽmáacü, marü nüxü̃ naxĩnüe. Erü Tupanaarü ore i ümatüxü̃wa rü ñanagürü: “Ngẽma Tupanaarü orearü uruü̃gü, rü guxü̃wama i ñoma i naanewa rü nüxü̃ nixugüe i norü ore”, ñanagürü i ngẽma ore.

Ore i mexü̃ ga Márcu ümatüxü̃ 16:15

Rü ñanagürü nüxü̃: —¡Guxü̃ i naanewa pexĩ rü guxü̃ i duü̃xü̃gümaxã nüxü̃ peyarüxu i ore i mexü̃!

Romanos 1:8

Rü ñu̱xma rü Ngechuchu ya Cristuégagu Tupanana moxẽ pexca̱x chaxã i wüxichigü i pema. Erü guxü̃ i naanewa rü duü̃xü̃gü nüxü̃ nixugügü nax aixcüma Cristuaxü̃́ peyaxõgüxü̃.

Ore i mexü̃ ga Matéu ümatüxü̃ 12:41

Rü ngẽxguma Tupana duü̃xü̃güna caxgux i norü pecaduchiga, rü nüma i Nínibecüã̱xgü rü tá inachigü rü Tupanape̱xewa tá ínanaxuaxü̃gü i ñaa duü̃xü̃gü i ñu̱xma maxẽxü̃. Yerü nümagü ga Nínibecüã̱x rü nüxü̃ narüxoe ga nacümagü ga chixexü̃ ga yexguma Yoná namaxã nüxü̃ ixuxgu ga Tupanaarü ore. Natürü ñu̱xma nua petanüwa nangẽxma i wüxi i Yonáarü yexera ixĩcü.