Ore i mexü̃ ga Márcu ümatüxü̃ 12:26 - Tupanaarü Ore

²⁶ Pema choxna peca i yuexü̃arü dagüchiga. ¿Natürü tama ẽ̱xna nawa pengúe i Tupanaarü ore ga Moiché ümatüxü̃ ga boetaxü̃ ga nai ga iya̱u̱xratanüxü̃ íyaxuxü̃wa? Erü yema orewa rü Moichéxü̃ ñanagürü ga Tupana: “Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü.

Ore i mexü̃ ga Márcu ümatüxü̃ 12:26 Referans Kwoze

Ore i mexü̃ ga Luca ümatüxü̃ 20:37

Rü yema ore ga naixacüchigawa rü Moiché tüxü̃ nüxü̃ nacua̱xẽxẽ rü yuexü̃ rü tá wena nax namaxẽxü̃. Erü yema orewa, rü ñanagürü ga Cori ga Tupana: “Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü.

Naanearü ügüchiga 33:20

Rü ñu̱xũchi nanaxü ga wüxi ga ãmarearü guruxü̃ rü Erué-iraégu nanaxüéga.

Ínachoxü̃xü̃chiga 3:16

¡Rü ngéma naxũ rü nangutaque̱xexẽxẽ i guxü̃ma i Iraétanüxü̃arü ãẽ̱xgacügü, rü namaxã nüxü̃ ixu rü ñacugürü nüxü̃!: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü gumá nixĩ ga cha̱u̱xca̱x ngócü. Rü gumátama nixĩ ga chomaxã nüxü̃ ixucü nax pegu naxĩnüxü̃ rü nüxü̃ nacuáxü̃ nax ñuxãcü chixri pemaxã nachopetüxü̃ i ngẽma Equítuanecüã̱xgü.

Naanearü ügüchiga 32:9

Rü ñu̱xũchi inanaxügü ga nax nayumüxẽxü̃, rü ñanagürü: —Pa Cori Pa Tupana Ya Chorü O̱xi Ya Abraáü̃arü Tupana, Rü Chaunatü Ya Ichaáarü Tupanax, cuma rü marü chomaxã nüxü̃ quixu nax chorü naaneca̱x rü chautanüxü̃ca̱x chataeguxü̃ rü cuma rü tá mea choxna cudauxü̃.

Naanearü ügüchiga 31:42

Rü yexguma taxũchima chomaxã nayexmagu ga Abraáü̃arü Tupana ga chaunatü ga Ichaá nüxü̃ icua̱xüxü̃cü, rü nüxü̃ chacua̱x nax taxuxü̃ma i ngẽmaxü̃maxã chi choxü̃ ícumuxũchixü̃. Natürü Tupana rü nüxü̃ nadau nax changechaü̃xü̃, rü nüxü̃ nadau i ngẽma puracü i chaxüxü̃, rü ngẽmaca̱x nixĩ i ngewa̱x chütacü i cuxü̃ nax naxoregüxü̃ —ñanagürü ga Acóbu.

Naanearü ügüchiga 26:24

Rü yema chütaxü̃gu rü nüma ga Cori ya Tupana rü Ichaáca̱x nango̱x, rü ñanagürü nüxü̃: —Choma nixĩ i cunatü ya Abraáü̃arü Tupana. ¡Taxṹ i cumuü̃xü̃! Choma rü cumaxã changexma. Rü yimá chorü duü̃ ga Abraáü̃gagu rü tá cuxü̃ charüngü̃xẽxẽxü̃, rü poraãcü tá chayamuxẽxẽ i ngẽma cutaagü —ñanagürü.

Ore i mexü̃ ga Márcu ümatüxü̃ 12:10

¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü, rü ñu̱xma rü yimátama nixĩ ya nüxíra ixücuchicü nax namaxã inaxügüãxü̃ca̱x ya ĩpata.

Naanearü ügüchiga 28:13

Rü yexgumarüxü̃ ta nüxü̃ nadau ga Cori ya Tupana ga naxü̃tagu chicü. Rü nüma ga Tupana rü ñanagürü nüxü̃: —Choma nixĩ i curü o̱xi ya Abraáü̃arü Tupana, rü cunatü ya Ichaáarü Tupana chixĩxü̃. Rü tá cuxna chanaxã i ñaa naane i nawa cupexü̃ nax cuxrü rü cutaagüarü yixĩxü̃ca̱x.

Ore i mexü̃ ga Márcu ümatüxü̃ 12:25

Rü ngẽxguma yuexü̃ wena maxẽgu, rü taxúetama tixãxma̱xgü rüe̱xna tixãtegü. Erü daxũcüã̱x i Tupanaarü orearü ngeruü̃gürüxü̃ tá tixĩgü i ngẽxguma.

Ore i mexü̃ ga Cuáü̃ ümatüxü̃ 20:17

Rü Ngechuchu rü ñanagürü ngĩxü̃: —¡Taxṹ i choxü̃ quingõgüxü̃, erü tauta Chaunatüxü̃tawa chaxũ! ¡Natürü ngéma chauenexẽgütanüwa naxũ rü namaxã nüxü̃ yarüxu nax choma rü tá Chaunatü ya Tupana ya Penatü ya Tupanaxü̃tawa chaxũxü̃! —ñanagürü.

Romanos 11:2

Rü nũxcümamatama Tupana Iraétanüxü̃maxã inaxuneta nax norü duü̃xü̃gü yixĩgüxü̃ca̱x, rü ñu̱xma rü tama Yudíugüxü̃ naxo. ¿Tama ẽ̱xna nüxü̃ pecua̱x nax ñuxũ ñaxü̃ ga Tupanaarü orearü uruxü̃ ga Ería? Rü Tupanaarü orewa nüxü̃ tadaugü rü Ería rü Tupanape̱xewa poraãcü yema Yudíugüxü̃ nixugü.