Ore i mexü̃ ga Márcu ümatüxü̃ 12:25 - Tupanaarü Ore

²⁵ Rü ngẽxguma yuexü̃ wena maxẽgu, rü taxúetama tixãxma̱xgü rüe̱xna tixãtegü. Erü daxũcüã̱x i Tupanaarü orearü ngeruü̃gürüxü̃ tá tixĩgü i ngẽxguma.

Ore i mexü̃ ga Márcu ümatüxü̃ 12:25 Referans Kwoze

Nüxíraxü̃xü̃ ga popera ga Cuáü̃ ümatüxü̃ 3:2

Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.

Ore i mexü̃ ga Matéu ümatüxü̃ 22:30

Rü ngẽxguma yuexü̃wena maxẽgu rü taxúetama tixãxma̱xgü rüe̱xna tixãtegü. Erü daxũcüã̱x i Tupanaarü orearü ngeruü̃gürüxü̃ tá tixĩgü i ngẽxguma.

Ore i mexü̃ ga Márcu ümatüxü̃ 12:24

Rü yexguma ga Ngechuchu rü nanangãxü̃, rü ñanagürü nüxü̃: —Pema rü ípetüe erü tama nüxü̃ pecua̱x i Tupanaarü ore i ümatüxü̃, rü tama nüxü̃ pecua̱x nax naporaxü̃ ya Tupana.

Ore i mexü̃ ga Márcu ümatüxü̃ 12:26

Pema choxna peca i yuexü̃arü dagüchiga. ¿Natürü tama ẽ̱xna nawa pengúe i Tupanaarü ore ga Moiché ümatüxü̃ ga boetaxü̃ ga nai ga iya̱u̱xratanüxü̃ íyaxuxü̃wa? Erü yema orewa rü Moichéxü̃ ñanagürü ga Tupana: “Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü.