Ore i mexü̃ ga Márcu ümatüxü̃ 12:13 - Tupanaarü Ore13 Rü Ngechuchuxü̃tawa nanamugü ga ñuxre ga Parichéugü rü Eródetanüxü̃ nax Ngechuchuna nacagüxü̃ca̱x rü ngürüãchi chixri nangaxü̃güãgu yemaca̱x ãẽ̱xgacüxü̃tawa ínaxuaxü̃güãxü̃ca̱x. Gade chapit la |
Rü yema duü̃xü̃gü rü ñanagürügü: —Ngĩxã nagu tarüxĩnüe i ta̱xacü namaxã taxü i Yeremía nax nüxü̃ naxoxü̃ca̱x nax guxchaxü̃chiga tamaxã yaxuxü̃. Erü tagutáma nataxu i togü i chacherdótegü i tüxü̃ ngúexẽẽxü̃, rü tagutáma nataxu i togü i yatügü i nüxü̃ icuáxü̃ i tüxü̃ ucu̱xẽgüxü̃, rü tagutáma nataxu i togü i orearü uruü̃gü i Tupanaarü orexü̃ tamaxã ixugüxü̃. Ngĩxã ãẽ̱xgacüpe̱xewa ítanaxuaxü̃ nax ngẽmaãcü yama̱xgüãxü̃ca̱x. Rü taxũtáma naga taxĩnüe i ngẽma nüxü̃ yaxuxü̃ —ñanagürügü.
Rü nümagü rü naxü̃tawa naxĩ, rü ñanagürügü nüxü̃: —Pa Ngúexẽxẽruxü̃, nüxü̃ tacua̱x rü aixcüma nixĩ i ngẽma nüxü̃ quixuxü̃ i ore. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. ¡Tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü ¿rü namexü̃ yixĩxü̃ nax nüxna ngĩxü̃ taxãxü̃, rü ẽ̱xna tama? —ñanagürügü.