Ore i mexü̃ ga Márcu ümatüxü̃ 12:12 - Tupanaarü Ore

¹² Rü yexguma ga yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yudíugüarü ãẽ̱xgacügü, rü Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruü̃gu yaxuxü̃. Natürü duü̃xü̃güxü̃ namuü̃e rü yemaca̱x taxuxü̃ma namaxã naxüe. Rü nüxna yéma ínixĩmare.

Ore i mexü̃ ga Márcu ümatüxü̃ 12:12 Referans Kwoze

Ore i mexü̃ ga Márcu ümatüxü̃ 11:18

Natürü yexguma yemaxü̃ naxĩnüegu ga chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü inanaxügüe ga naxca̱x nax nadaugüxü̃ ga ñuxãcü Ngechuchuxü̃ nax yama̱xgüxü̃. Natürü duü̃xü̃güxü̃ namuü̃e, rü yemaca̱x taxucürüwama duü̃xü̃güpe̱xegu nayayauxgü. Yerü nüma ga duü̃xü̃gü rü namaxã nataãẽgü ga yema Ngechuchuarü ngu̱xẽẽtae.

Ore i mexü̃ ga Cuáü̃ ümatüxü̃ 7:44

Rü ñuxre ga yema duü̃xü̃gü rü Ngechuchuxü̃ niyauxgüchaü̃, natürü taxuxü̃ma nayayauxgü.

Ore i mexü̃ ga Cuáü̃ ümatüxü̃ 7:30

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxuxü̃ma nayayauxgü, yerü tauta nawa nangu ga ora nax yayauxgüãxü̃ rü yama̱xgüãxü̃ca̱x.

Ore i mexü̃ ga Cuáü̃ ümatüxü̃ 7:25

Rü ñuxre ga yema duü̃xü̃gü ga Yerucharéü̃gu ãchiü̃güxü̃ rü nügüna nacagüe, rü ñanagürügü: —¿Taux ẽ̱xna daa yixĩxü̃ ya yimá yatü ya ãẽ̱xgacügü naxca̱x daugücü nax yama̱xgüãxü̃ca̱x?

Ore i mexü̃ ga Márcu ümatüxü̃ 11:32

¿Rü ñuxũcürüwa rü: “Yatügümare núma nanamu”, ñatarügügü tá? —ñanagürügü. Rü yema ñanagürügü yerü duü̃xü̃güxü̃ namuü̃e. Yerü guxü̃ma ga duü̃xü̃gü rü nayaxõgü nax Tupana yixĩxü̃ ga namuxü̃ ga Cuáü̃ nax nüxü̃ yaxuxü̃ca̱x ga norü ore.

Ore i mexü̃ ga Matéu ümatüxü̃ 22:22

Rü yexguma yema orexü̃ naxĩnüegu, rü naba̱i̱xãchiãẽgü. Rü Ngechuchuna ínixĩ.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Ore i mexü̃ ga Luca ümatüxü̃ 20:6

Rü ngẽxguma chi ñagügu: “Yatügümare nua nanamu”, ñagügu, rü nüma i duü̃xü̃gü chi nutamaxã tüxü̃ ínamuxũchigü rü tüxü̃ chi nadai. Erü guxü̃ma i duü̃xü̃gü rü nüxü̃ nacua̱xgü nax Tupana yixĩxü̃ ga Cuáü̃xü̃ mucü —ñanagürügü

Ore i mexü̃ ga Matéu ümatüxü̃ 21:26

Rü ngẽxguma chi nüxü̃ ixuxgu nax yatügümare núma namuxü̃ rü taxca̱x rü tá naxãũcüma, erü duü̃xü̃gü tá tüxü̃ nadai. Erü guxü̃ma i duü̃xü̃gü rü nayaxõgü nax Tupana yixĩxü̃ ga Cuáü̃xü̃ núma muxü̃ —ñanagürügü.