Ore i mexü̃ ga Márcu ümatüxü̃ 12:11 - Tupanaarü Ore

¹¹ Rü tórü Cori ya Tupana nixĩ ga naxücü ga yema, rü ñu̱xma rü taxca̱x rü namexẽchi” —ñanagürü i ngẽma ore.

Ore i mexü̃ ga Márcu ümatüxü̃ 12:11 Referans Kwoze

Wiyaegü 118:23

Rü Cori ya Tupana nixĩ ya ngẽmaãcü naxücü. Rü wüxi i mexẽchixü̃ nixĩ rü ngẽmaca̱x tataãẽgü.

Abacú 1:5

Rü nüma ga Cori ya Tupana rü Abacúxü̃ nangãxü̃ rü ñanagürü: —¡Dücax, nüxü̃ pedau i ngẽma nachixü̃anegü i pexü̃ íchomaeguãchixü̃ nax ta̱xacü nüxü̃ ngupetüxü̃! ¡Rü nüxü̃ pedau rü peba̱i̱xãchie! Erü ngẽma tá chaxüxü̃ rü pema rü taxũchima peyaxõgü woo ega texé pemaxã nüxü̃ ixuxgu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ngechuchuarü ngúexü̃gü ga yamugüxü̃arü puracüchiga 2:12

Rü guxü̃ma poraãcü naba̱i̱xãchiãẽgü rü tama nüxü̃ nacua̱xgü nax ta̱xacü yixĩxü̃ ga yema ngupetüxü̃. Rü yemaca̱x nügüna nacagüe, rü ñanagürügü: —¿Ta̱xacüchiga nixĩ i guxü̃ma i ñaa? —ñanagürügü.

Iraétanüxü̃arü muxchiga 23:23

Rü taxucürüwa i yuüxü̃arü poramaxã tanachixexẽxẽ i ngẽma Acóbuarü duü̃xü̃gü, rü taxucürüwama ta̱xacürü chixexü̃maxã tanachixexẽxẽ i ngẽma Iraétanüxü̃. Rü ngẽmaca̱x i duü̃xü̃gü rü tá nüxü̃ nixugüe nax poraãcü Tupana nüxü̃ rüngü̃xẽẽxü̃ i ngẽma Iraétanüxü̃ i Acóbuarü duü̃xü̃gü ixĩgüxü̃, rü ñanagürügü tá: “Tupana rü taxü̃ i norü poramaxã ínananguxü̃xẽxẽ nawa ga yema taxü̃ ga norü guxchaxü̃ ga nüxü̃́ yexmagüxü̃”, ñanagürügü tá.

Naanearü ügüchiga 24:50

Rü yexguma ga Labáü̃ rü Betué rü nanangãxü̃gü, rü ñanagürügü: —Guxü̃ma i ngẽma nüxü̃ quixuxü̃ rü Cori ya Tupanawa ne naxũ. Rü ngẽmaca̱x taxucürüwa ñuxü̃ ñatagürü.

Wiyaegü 118:22

Rü yimá nuta ya ĩpataarü üruü̃gü nüxü̃ oecü rü yima nixĩ ya ñu̱xma nüxíra yaxǘcuchigüãcü.

Ore i mexü̃ ga Matéu ümatüxü̃ 21:42

Rü Ngechuchu rü ñanagürü nüxü̃: —¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü rü ñu̱xma rü yimá nuta nixĩ ya nüxíra ixücuchicü nax namaxã inaxügüãxü̃ca̱x ya ĩpata. Rü tórü Cori ya Tupana nixĩ ga naxücü ga yema, rü ñu̱xma rü taxca̱x namexẽchi”, ñanagürü i ngẽma ore.