Ore i mexü̃ ga Márcu ümatüxü̃ 12:1 - Tupanaarü Ore

¹ Rü Ngechuchu rü inanaxügü ga ore ga cua̱xruü̃gügu ixuxü̃maxã nax nangúexẽẽtaexü̃. Rü ñanagürü nüxü̃: —Nayexma ga wüxi ga yatü ga norü naanegu úbanecü ücü. Rü ínanapoxegu, rü nanaxü ga wüxi ga úbaarü yauxtüxü̃ruxü̃, rü wüxi ga dauxü̃taechica nax yemawa nax dauxü̃taegüxü̃ca̱x. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü to ga nachixü̃anewa naxũ.

Ore i mexü̃ ga Márcu ümatüxü̃ 12:1 Referans Kwoze

Ore i mexü̃ ga Márcu ümatüxü̃ 13:34

Rü guxü̃ma i ngẽma pemaxã nüxü̃ chixuxü̃, rü ñoma wüxi ga yatü ga ixũãchichaü̃cü nax to ga nachixü̃anewa naxũxü̃ca̱xrüxü̃ nixĩ. Rü yemaca̱x norü puracütanüxü̃na naxãga nax mea nüxna nadaugüxü̃ca̱x ga gumá napata. Rü ñu̱xũchi wüxichigüna nanaxã ga norü puracü. Rü yema ĩã̱xarü dauruxü̃ rü nagu nanamu nax mea nadauxü̃taegüxü̃ca̱x.

Ore i mexü̃ ga Márcu ümatüxü̃ 4:2

Rü yexguma ga Ngechuchu rü inanaxügü ga muxü̃ma ga ore ga cua̱xruü̃wa nax nangúexẽẽãxü̃ ga duü̃xü̃gü. Rü norü ngu̱xẽẽtaewa rü ñanagürü: —¡Dücax, iperüxĩnüe i ñaa ore! Wüxi ga yatü ga toecü rü tríguarü towa naxũ.

Ore i mexü̃ ga Matéu ümatüxü̃ 25:14

Rü ñanagürü ta ga Ngechuchu: —Ngẽma Tupana nax duü̃xü̃güarü ãẽ̱xgacü yixĩxü̃, rü nanangẽxgumaraxü̃ ga wüxi ga yatü ga ixũãchichaü̃cü ga to ga nachixü̃anewa nax naxũxü̃ca̱x. Rü nüma ga gumá yatü rü norü duü̃xü̃güca̱x naca, rü nüxna inaxã ga diẽru nax nüxü̃́ ngĩxna nadaugüxü̃ca̱x.

Ngechuchuarü ngúexü̃gü ga yamugüxü̃arü puracüchiga 7:38

Rü nümatama ga Moiché nixĩ ga nũxcümaü̃güxü̃ ga tórü o̱xigümaxã nangutaque̱xexü̃ ga yema chianexü̃wa. Rü tórü o̱xigümaxã nayexma ga Chinaí ga ma̱xpǘnewa ga yexguma namaxã yadexaxgu ga Tupanaarü orearü ngeruxü̃ ga daxũcüã̱x. Rü nümatama ga Moiché nixĩ ga naya̱u̱xãxü̃ ga Tupanaarü ore i maxẽxẽẽruxü̃ nax nüxĩ́ tüxna naxããxü̃ca̱x.

Ore i mexü̃ ga Luca ümatüxü̃ 19:12

Rü yexguma ga Ngechuchu rü ñanagürü nüxü̃: —Nayexma ga wüxi ga yatü ga ãẽ̱xgacü nane ixĩcü. Rü nüma rü yáxü̃wa naxũ ga to ga nachixü̃anewa nax yéma nüxü̃ yaxǘcuchigüãxü̃ca̱x ga norü nga̱xcueruxü̃ nax nüma rü gumá nawa ne naxũxü̃ne ga ĩanearü ãẽ̱xgacü yixĩxü̃ca̱x.

Ore i mexü̃ ga Luca ümatüxü̃ 15:13

Rü ñuxre ga ngunexü̃guwena rü gumá nane ga rübumaecü rü nananutaque̱xe ga guxü̃ma ga norü yemaxü̃gü rü namaxã nataxe. Rü yema diẽrumaxã to ga nachixü̃anewa naxũ. Rü chixri yéma namaxü̃, rü yemaacü ngĩxü̃ nagu̱xẽxẽ ga guxcüma ga norü diẽru.

Ore i mexü̃ ga Luca ümatüxü̃ 8:10

Rü Ngechuchu ñanagürü nüxü̃: —Tupana nanaxwa̱xe nax pemaxã nüxü̃ chixuxü̃ nax ta̱xacüchiga yixĩxü̃ i ngẽma ore i ẽxü̃guxü̃ i ñuxãcü ãẽ̱xgacü nax yixĩxü̃ i nümax. Natürü ngẽma togü i duü̃xü̃gü rü cua̱xruü̃gügu chayaxuãcüma namaxã nüxü̃ chixu i ore. Rü ngẽxguma woo nüxü̃ nadaugügu rü ñoma tama nüxü̃ nadaugüxü̃rüxü̃ nixĩgü, rü woo nüxü̃ naxĩnüegu rü ñoma tama nüxü̃ naxĩnüexü̃rüxü̃ nixĩgü —ñanagürü.

Ore i mexü̃ ga Matéu ümatüxü̃ 21:28

Rü ñanagürü ta ga Ngechuchu —¿Ñuxũ ñapegüxü̃ naxca̱x i ñaa ore i tá pemaxã nüxü̃ chixuxü̃? Rü wüxi ga yatü rü nüxü̃́ nayexma ga taxre ga nane. Rü wüxi ga gumá nanemaxã nüxü̃ nixu rü ñanagürü nüxü̃: “Pa Chaunex, chanaxwa̱xe i yea chorü úbanecüwa cuyapuracü”, ñanagürü.

Echequié 20:49

Rü yexguma ga choma rü Tupanaxü̃ ñacharügü: —¡Pa Chorü Tupanax, ngẽma duü̃xü̃gü rü nüxü̃ nixugüe nax choma rü ore i taxúema nüxü̃ cuáxü̃maxã chidexaxü̃! —ñacharügü.

Yeremía 2:21

Choma rü ñoma úbachire ya mexẽchínerüxü̃ pexü̃ ichato nax úba i baxcaxü̃ rü mexẽchixü̃rüxü̃ pixĩgüxü̃ca̱x. Natürü i pema rü ñoma úbachicürüxü̃ pegü pixĩgüxẽxẽ, rü ngẽmaca̱x i ñu̱xma rü marü tama pexü̃ chacua̱x.

Ichaía 7:23

Rü ngẽma ngunexü̃gu rü ngẽma naane ga noxri 1,000 i úba nawa rüxügüxü̃ rü 1,000 i diẽrugu ãtanüxü̃, rü tá tuxunecüxü̃ rü maxẽnecüxü̃ nananguxuchi.

Ore i mexü̃ ga Luca ümatüxü̃ 22:9

Rü nümagü rü Ngechuchuna nacagüe rü ñanagürügü: —¿Ngextá i cunaxwa̱xexü̃ nax tanamexẽẽxü̃? —ñanagürügü.

Ore i mexü̃ ga Matéu ümatüxü̃ 13:3

Rü yexguma ga Ngechuchu rü muxü̃ma ga ore ga cua̱xruü̃wa nanangúexẽxẽ ga duü̃xü̃gü. Rü norü ngu̱xẽẽtaewa rü ñanagürü: —Wüxi ga yatü ga toecü rü triguchiremaxã nanagüane.

Ore i mexü̃ ga Matéu ümatüxü̃ 21:33

Rü ñanagürü ta ga Ngechuchu: —Chanaxwa̱xe i iperüxĩnüe i ñaa to i ore i cua̱xruxü̃ i tá pemaxã nüxü̃ chixuxü̃. Rü nayexma ga wüxi ga yatü ga nüxü̃́ nayexmacü ga wüxi ga norü naane. Rü yexma nanato ga muxü̃ma ga ori̱x ga úba. Rü ñu̱xũchi ínanapoxegu, rü nanaxü ga wüxi ga úbaarü yauxtüü̃chica rü wüxi ga dauxü̃taechica. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü wüxi ga to ga nachixü̃ane ga yáxü̃guxü̃wa naxũ.

Ore i mexü̃ ga Matéu ümatüxü̃ 21:34

Rü yexguma úbaarü buxgüwa nanguxgu, rü yema naanearü yora rü yéma nanamugü ga ñuxre ga norü duü̃xü̃gü nax yema puracütanüxü̃na ngĩxca̱x yaca̱xaxü̃ca̱x ga yema úbatanü ga norü yorana ücü.

Ore i mexü̃ ga Márcu ümatüxü̃ 3:23

Natürü ga Ngechuchu rü naxca̱x naca ga yema ngúexẽẽruü̃gü. Rü wüxi ga ore ga cua̱xruü̃xü̃ namaxã nixu, rü ñanagürü: —¿Rü ñuxãcü i Chataná i nügütama ínata̱xüchixü̃?

Ore i mexü̃ ga Márcu ümatüxü̃ 11:33

Rü yemaca̱x Ngechuchuxü̃ nangãxü̃gü, rü ñanagürügü: —Tama nüxü̃ tacua̱x nax texé núma namuxü̃ ga Cuáü̃ ga báiü̃xẽẽruxü̃ —ñanagürügü. Rü yexguma ga Ngechuchu rü nanangãxü̃ rü ñanagürü nüxü̃: —Choma rü ta taxũtáma pemaxã nüxü̃ chixu nax texé choxü̃ muxü̃ nax chanaxüxü̃ i ngẽma choxna naxca̱x pecaxü̃ —ñanagürü.