Ore i mexü̃ ga Márcu ümatüxü̃ 11:23 - Tupanaarü Ore

²³ Rü aixcüma pemaxã nüxü̃ chixu rü ngẽxguma chi texé tama chixri yaxõõcüma daa ma̱xpǘnexü̃ ñagügu: “Ixũgachi i nua rü márwa cugü yatáe”, ñagügu, rü chi tümaga naxĩnü ega aixcüma tayaxõõcüma ngẽmaãcü namaxã nüxü̃ tixuxgu.

Ore i mexü̃ ga Márcu ümatüxü̃ 11:23 Referans Kwoze

Ore i mexü̃ ga Matéu ümatüxü̃ 17:20

Rü Ngechuchu nanangãxü̃, rü ñanagürü nüxü̃: —Pema rü taxuacüma ípenata̱xüchi erü tama aixcüma peyaxõgü. Rü aixcüma pemaxã nüxü̃ chixu, rü ngẽxguma chi woo wüxi ya motachachirerüxü̃ naxíraxü̃chigu i perü õ, rü chi daa ma̱xpǘnemaxã nüxü̃ pixuxgu nax yaxũgachixü̃ca̱x, rü chi pega naxĩnü. Rü taxuxü̃chima pexü̃́ naguxcha ega aixcüma peyaxõgügu.

Ore i mexü̃ ga Cuáü̃ ümatüxü̃ 15:7

Rü ngẽxguma chowa peyaxũ̱xgüechagu rü taguma nüxü̃ ipeyarüngümaegu i ngẽma ore i pexü̃ changúexẽẽxü̃, rü marü name i naxca̱x ípeca i ta̱xacü i penaxwa̱xexü̃, rü choma rü tá pexna chanaxã.

Ore i mexü̃ ga Matéu ümatüxü̃ 21:21

Rü Ngechuchu nanangãxü̃ rü ñanagürü: —Pemaxã nüxü̃ chixu rü ngẽxguma chi aixcüma peyaxõgügu rü tama ngẽma igunecümaxã chaxüxü̃xica chi pexü, natürü ngẽmaarü yexeraxü̃ chi pexü. Rü ngẽxguma chi daa ma̱xpǘnexü̃ ñapegügu: ¡Ixũgachi i nua rü márwa cugü yatáe!, ñapegügu nüxü̃, rü pega chi naxĩnü.

Wiyaegü 37:4

¡Rü aixcüma nüxü̃ nangechaxü̃ ya Cori ya Tupana! Rü nüma rü tá nayanguxẽxẽ i ngẽma cuma nagu curüxĩnüxü̃.

Ore i mexü̃ ga Cuáü̃ ümatüxü̃ 14:13

Rü guxü̃ma i ta̱xacü i chauégagu Tupanaxü̃tawa naxca̱x ípecaxü̃ rü tá pexna chanaxã. Rü ngẽmaãcü tá chanaxü nax chaugagu nangóxü̃ca̱x i Chaunatüarü pora.

Ore i mexü̃ ga Luca ümatüxü̃ 17:6

Rü yexguma ga Cori ga Ngechuchu rü ñanagürü nüxü̃ ga norü ngúexü̃gü: —Rü ngẽxguma chi woo wüxi i motachachirerüxü̃ naxíraxüchigu i perü õ, rü daa nai rü chi pega naxĩnü ega ñapegügu: “¡Cugü nabe̱x i nua rü már-chiügu cugü yato!” ñapegügu, rü chi pega naxĩnü.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

Ore i mexü̃ ga Matéu ümatüxü̃ 14:13

Rü yexguma yemaxü̃ nacuáchigagu ga Ngechuchu, rü nüxicatama wüxi ga nguegu nixüe, rü ínaxũxũ ga yéma. Rü wüxi ga nachica ga taxúema íxãpataxü̃wa naxũ. Natürü ga duü̃xü̃gü rü nüxü̃ nacua̱xgüama ga ngextá nax naxũxü̃. Rü ínachoxü̃ ga norü ĩanegüwa, rü dauxchitagu nawe narüxĩ.