Ore i mexü̃ ga Márcu ümatüxü̃ 11:18 - Tupanaarü Ore

¹⁸ Natürü yexguma yemaxü̃ naxĩnüegu ga chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü inanaxügüe ga naxca̱x nax nadaugüxü̃ ga ñuxãcü Ngechuchuxü̃ nax yama̱xgüxü̃. Natürü duü̃xü̃güxü̃ namuü̃e, rü yemaca̱x taxucürüwama duü̃xü̃güpe̱xegu nayayauxgü. Yerü nüma ga duü̃xü̃gü rü namaxã nataãẽgü ga yema Ngechuchuarü ngu̱xẽẽtae.

Ore i mexü̃ ga Márcu ümatüxü̃ 11:18 Referans Kwoze

Ore i mexü̃ ga Matéu ümatüxü̃ 7:28

Rü yexguma yagúegagu ga Ngechuchu, rü duü̃xü̃gü rü naba̱i̱xãchiãẽgü namaxã ga norü ngúexẽẽtae.

Ore i mexü̃ ga Márcu ümatüxü̃ 12:12

Rü yexguma ga yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yudíugüarü ãẽ̱xgacügü, rü Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruü̃gu yaxuxü̃. Natürü duü̃xü̃güxü̃ namuü̃e rü yemaca̱x taxuxü̃ma namaxã naxüe. Rü nüxna yéma ínixĩmare.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

Ore i mexü̃ ga Cuáü̃ ümatüxü̃ 7:46

Rü yema purichíagü rü nanangãxü̃gü rü ñanagürügü: —Taguma texé tidexa i ngẽma yatü idexaxü̃rüxü̃ —ñanagürügü.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Ore i mexü̃ ga Luca ümatüxü̃ 19:47

Rü guxü̃ ga ngunexü̃gu rü Tupanapata ga taxü̃newa nayanguxẽẽtae ga Ngechuchu. Natürü yema chacherdótegüarü ãẽ̱xgacügü, rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Yerucharéü̃arü ãẽ̱xgacügü, rü naxca̱x nadaugü nax ñuxãcü tá yama̱xgüãxü̃.

Ore i mexü̃ ga Luca ümatüxü̃ 4:22

Rü guxü̃ma ga duü̃xü̃gü rü mea Ngechuchuchiga nidexagü. Rü naba̱i̱xãchiãẽgü namaxã ga yema ore ga mexü̃ ga namaxã nüxü̃ yaxuxü̃. Rü nügüna nacagü rü ñanagürügü: “¿Taux ẽ̱xna daa yixĩxü̃ ya Yúche nane?” ñanagürügü.

Ore i mexü̃ ga Márcu ümatüxü̃ 11:32

¿Rü ñuxũcürüwa rü: “Yatügümare núma nanamu”, ñatarügügü tá? —ñanagürügü. Rü yema ñanagürügü yerü duü̃xü̃güxü̃ namuü̃e. Yerü guxü̃ma ga duü̃xü̃gü rü nayaxõgü nax Tupana yixĩxü̃ ga namuxü̃ ga Cuáü̃ nax nüxü̃ yaxuxü̃ca̱x ga norü ore.

Ore i mexü̃ ga Márcu ümatüxü̃ 6:20

Yerü ngĩte ga Eróde rü Cuáü̃xü̃ namuü̃, yerü nüxü̃ nacua̱xchire̱x nax wüxi ga yatü ga mecü rü üünecü nax yixĩxü̃, rü yemaca̱x nixĩ ga naétüwa nachogüxü̃. Rü yexguma Cuáü̃arü orexü̃ naxĩnügu ga Eróde, rü naxoegaãxẽ, natürü mea nüxü̃́ inarüxĩnü.

Ore i mexü̃ ga Márcu ümatüxü̃ 3:6

Natürü nüma ga Parichéugü rü ínachoxü̃ rü Eródetanüxü̃maxã inanaxügüe nax naxca̱x nadaugüxü̃ nax ñuxãcü tá Ngechuchuxü̃ yama̱xgüxü̃.

Ore i mexü̃ ga Márcu ümatüxü̃ 1:22

Rü duü̃xü̃gü rü naba̱i̱xãchiãẽgü namaxã ga norü ngu̱xẽẽtae, yerü aixcüma Tupanaarü poramaxã mea nanangúexẽxẽ rü tama ngúexẽẽruü̃gü ga Moichéarü mugüwa ngu̱xẽẽtaegüxü̃rüxü̃ nixĩ.

Ore i mexü̃ ga Matéu ümatüxü̃ 21:15

Natürü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃, rü nüxü̃ nadaugü ga yema mexü̃gü ga Tupanaarü poramaxã naxüxü̃ ga Ngechuchu. Rü buxü̃güxü̃ naxĩnüe nax Tupanapata ga taxü̃newa ñagüxü̃: —¡Namaxü̃ ya daa Ngechuchu ya Dabítaxa! —ñagüxü̃. Rü yemaca̱x ga yema chacherdótegüarü ãẽ̱xgacügü rü ngúexẽẽruü̃gü rü nanue.

Ichaía 49:7

Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 22:18

Rü nüma ga Iraéanecüã̱xarü ãẽ̱xgacü rü ñanagürü Yochapáxü̃: —Ngẽma nixĩ i cumaxã nüxü̃ chixuxü̃. Rü ñaa yatü rü taguma ta̱xacürü mexü̃xü̃ chomaxã nixu. Rü ngẽma nüxü̃ yaxuxü̃ rü chixexü̃xicatama nixĩ —ñanagürü.

Nüxíraxü̃xü̃ ga popera ga ãẽ̱xgacügüchiga 22:8

Rü nüma ga Iraéanecüã̱xarü ãẽ̱xgacü ga Acáx rü Yochapáxü̃ nangãxü̃ rü ñanagürü: —Ngü̃, nangẽxma nixĩ ya wüxi nax tüxü̃́ Tupanana nacaxacü, rü nüma nixĩ ya Micaía ya Imrá nane. Natürü naxchi chaxai erü taguma ta̱xacürü mexü̃xü̃ chomaxã nixu, rü guxü̃guma chixemarexü̃xicatama nixu —ñanagürü. Natürü nüma ga Yochapáx rü nanangãxü̃ rü ñanagürü: —¡Taxṹ i ngẽma ñacuxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 21:20

Rü nüma ga Acáx rü Eríaxü̃ nangãxü̃ rü ñanagürü: —¿Cumax, Pa Chorü Uanüx, rü choxü̃ icuyangauama? —ñanagürü. Rü nüma ga Ería rü nanangãxü̃ rü ñanagürü nüxü̃: —Ngü̃, cuxü̃ ichayangau nax cumaxã nüxü̃ chayarüxuxü̃ca̱x nax Cori ya Tupanape̱xewa poraãcü chixexü̃ nax cuxüxü̃.

Ore i mexü̃ ga Luca ümatüxü̃ 2:47

Rü guxü̃ma ga yema duü̃xü̃gü ga Ngechuchuxü̃ ĩnüexü̃, rü namaxã naba̱i̱xãchiãẽgü ga norü cua̱x rü norü ngãxü̃ga.

Ore i mexü̃ ga Cuáü̃ ümatüxü̃ 7:1

Rü yemawena ga Ngechuchu rü Gariréaanewa yexmagüne ga ĩanegügu nixũãgüchigü. Rü tama Yudéaanewa nayexmachaü̃ yerü yémacüã̱x ga Yudíugüarü ãẽ̱xgacügü rü naxca̱x nadaugü nax yama̱xgüãxü̃ca̱x.

Ore i mexü̃ ga Cuáü̃ ümatüxü̃ 7:19

¿Tama ẽ̱xna aixcüma yixĩxü̃ ga Tupanaarü mugü ga Moiché pexna ãxü̃? Natürü taxúema i pema naga pexĩnüe i ngẽma mugü. ¿Rü ñu̱xma rü tü̱xcüü̃ nixĩ i choxü̃ pima̱xgüchaü̃xü̃? —ñanagürü.