Ore i mexü̃ ga Márcu ümatüxü̃ 11:13 - Tupanaarü Ore

¹³ Rü yáxü̃gu nüxü̃ nadau ga wüxi ga nanetü ga igunecü ga ãátüxü̃. Rü nüma ga Ngechuchu rü naxca̱x nixũ nax íyadauãxü̃ca̱x rü aixcüma nayexma̱x ga norü o. Natürü yexguma naxü̃tawa nanguxgu, rü taxuxü̃ma ga norü o inayangau, rü naatüxü̃xicatama, yerü taxũta norü owa nangu.

Ore i mexü̃ ga Márcu ümatüxü̃ 11:13 Referans Kwoze

Ore i mexü̃ ga Matéu ümatüxü̃ 21:19

Rü namacüwawa nüxü̃ nadau ga wüxi ga nanetü ga igunecü. Rü naxca̱x nixũ, natürü taxuxü̃ma ga norü oxü̃ inayangau, rü naatüxicaxü̃ inayangau. Rü yemaca̱x ñanagürü nüxü̃ ga yema nanetü: —Tagutáma wena cuxo̱x —ñanagürü. Rü yexgumatama narüñexẽ ga yema nanetü.

Ichaía 5:7

Rü ngẽma norü úbanecü i nüxü̃́ ngúchaü̃xü̃ ya Cori ya Tupana ya Guxãxétüwa Ngẽxmacü, rü ngẽma nixĩ i Iraétanüxü̃ i Yudáanewa ngẽxmagüxü̃. Rü nüma ya Cori ya Tupana rü nanaxwa̱xe i nagu naxĩxü̃ i ngẽma norü mugü. Natürü ngẽma Iraétanüxü̃ rü máetaguxicatama narüxĩnüe. Rü nüma ya Tupana rü ínananguxẽxẽ nax nügü nangechaü̃güxü̃, natürü ngẽma natanüwa nüxü̃ ĩnüxü̃ nixĩ nax ngúxü̃maxã aita naxüexü̃.

Ore i mexü̃ ga Luca ümatüxü̃ 10:31

Rü yematama namawa naxüpetü ga wüxi ga Yudíugüarü chacherdóte. Natürü yexguma yema yatüxü̃ nada̱u̱xgu rü nüxü̃ yéma naxüpetümare.

1 Chamué 6:9

Rü pema rü mea tá penangugü rü ngextáama naxĩ i ngẽma wocagü namaxã i ngẽma baú. Rü ngẽxguma Iraéanecüã̱xgüarü naanewaama naxĩxgu i Bex-cheméwaama, rü ngẽmawa tá nüxü̃ tacua̱x nax yimá Iraéanecüã̱xgüarü Tupana yixĩxü̃ i taxca̱x ínanguxẽẽxü̃ i ngẽma da̱xaweane. Natürü ngẽxguma tama ngémaama naxĩxgu rü ngẽmawa tá nüxü̃ tacua̱x nax tama Iraéanecüã̱xgüarü Tupana yixĩxü̃ ga tüxü̃ poxcucü rü woetama ngẽma taxca̱x ínangumare —ñanagürügü.

Rux 2:3

Rü yexguma ga Rux rü wüxi ga naanewa ixũ rü yema buxetatanüxü̃we iyadeetanü ga chebádaya̱xa ga yéma iyietanüxü̃. Rü megu ingu yerü yema naane rü Boó ga Erimérextanüxü̃arü nixĩ.

Ichaía 5:2

Rü nanaxaiegumüane rü inananugü ga nutagü rü yema rümemaexü̃ ga úba yexma natogü. Rü yemanecügu nanaxü ga wüxi ga dauxü̃taechica rü wüxi ga nachica ga bínu nawa naxüxü̃. Rü nüma ga chomücü rü nagu narüxĩnü nax yema úba rü chi yamaixcuraxü̃ ga norü o, natürü ga yema úbagü rü ningúchia̱x ga norü o.

Ore i mexü̃ ga Márcu ümatüxü̃ 11:12

Rü moxü̃ãcü yexguma Betániawa inaxĩãchigu ga Ngechuchu rü nataiya.

Ore i mexü̃ ga Márcu ümatüxü̃ 11:14

Rü yexguma rü ñanagürü igunecüxü̃: —¡Tagutáma texé wena cuxü̃ tamúarü oõ̱x! —ñanagürü. Rü norü ngúexü̃gü rü nüxü̃ naxĩnüe ga yema.