Ore i mexü̃ ga Márcu ümatüxü̃ 10:41 - Tupanaarü Ore

⁴¹ Rü yexguma yemaxü̃ naxĩnüegu ga yema togü ga 10 ga ngúexü̃gü, rü Chantiágumaxã rü Cuáü̃maxã nanue.

Ore i mexü̃ ga Márcu ümatüxü̃ 10:41 Referans Kwoze

Filipenses 2:3

Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü yexera yixĩgüxü̃.

Romanos 12:10

Rü name nixĩ i wüxichigü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü name nixĩ i pegümaxã petaãẽxẽxẽ rü pegü perüngü̃xẽxẽ erü pegüenexẽ pixĩgü.

Ucu̱xẽgüchiga 13:10

Ngẽma nügü icua̱xüxü̃xü̃ rü daica̱x nadau. Natürü ngẽma tama nügü icua̱xüü̃güxü̃, rü cua̱x nüxü̃́ nangẽxmagü.

Popera ga Chantiágu ümatüxü̃ 4:5

Rü tama natüca̱xma nixĩ i ngẽma Tupanaarü ore i ñaxü̃: “Tupanaaxü̃́ nachu̱xu i ngẽma taãxẽ i tüxna namuxü̃”, ñaxü̃.

Ore i mexü̃ ga Luca ümatüxü̃ 22:24

Rü yexguma ga yema ngúexü̃gü rü nügümaxã niporagatanücüü nachiga nax texé tá tixĩxü̃ ya natanüwa guxãarü yexera ixĩxẽ.

Ore i mexü̃ ga Matéu ümatüxü̃ 20:24

Rü yexguma yemaxü̃ naxĩnüegu ga yema togü ga 10 ga Ngechuchuarü ngúexü̃gü, rü Chantiágumaxã rü Cuáü̃maxã nanue.

Ore i mexü̃ ga Márcu ümatüxü̃ 10:42

Natürü Ngechuchu naxca̱x naca rü ñanagürü nüxü̃: —Pema nüxü̃ pecua̱x i togü i nachixü̃anegüwa rü nangẽxmagü i ãẽ̱xgacügü i nagu naxĩnüegu nax namexü̃ nax nuãcü namaxã inacuáxü̃ i norü duü̃xü̃gü. Rü ngẽma duü̃xü̃gü i pora nüxü̃́ ngẽxmagüxü̃ rü duü̃xü̃güétüwa nügü naxügüxẽxẽ.

Ore i mexü̃ ga Luca ümatüxü̃ 22:25

Natürü ga Ngechuchu rü ñanagürü nüxü̃: —Ñoma i naanewa rü ngẽma nachixü̃anegüarü ãẽ̱xgacügü rü poragaãcü norü duü̃xü̃güxü̃ namu. Rü ngẽma ãẽ̱xgacügü ga duü̃xü̃gümaxã inacua̱xgüxü̃ rü nügü yaxugügu rü duü̃xü̃güarü ngü̃xẽẽruxü̃ nixĩgü.