Ore i mexü̃ ga Márcu ümatüxü̃ 10:34 - Tupanaarü Ore

³⁴ Rü ngẽmagü tá nagu nidauxcüraxü̃gü. Rü tá nüxna nacua̱i̱xgüe, rü tá nanacua̱i̱xgü, rü tá nayama̱xgü. Natürü tomaepü̱x i ngunexü̃guwena rü tá wena namaxü̃ —ñanagürü.

Ore i mexü̃ ga Márcu ümatüxü̃ 10:34 Referans Kwoze

Ore i mexü̃ ga Márcu ümatüxü̃ 14:65

Rü ñuxre ga nümagü rü inanaxügüe ga nüxna nax nacua̱i̱xgüexü̃. Rü nanatüxetügü rü ñu̱xũchi nüxü̃ nidagügü ñaxü̃maxã: —¡Nüxü̃ nacua̱x nax texé cuxü̃ idagüxü̃! —ñanagürügü. Rü yema Tupanapata ga taxü̃nearü dauruü̃gü ga purichíagü rü nanapechiwegü.

Ore i mexü̃ ga Matéu ümatüxü̃ 26:67

Rü yexguma rü Ngechuchuchiwewa nacua̱i̱xgüe. Rü nüxna nanacua̱i̱xcagü. Rü togü rü nanapegüchiwegü.

Ore i mexü̃ ga Matéu ümatüxü̃ 16:21

Rü yemawena inanaxügü nax norü ngúexü̃gümaxã nüxü̃ yaxuxü̃ ga yema tá nüxü̃ üpetüxü̃. Rü ñanagürü: —Choma rü Yerucharéü̃wa tá chaxũ. Rü ngéma poraãcü ngúxü̃ tá choxü̃ ningexẽẽgü i Yudíugüarü ãẽ̱xgacügü rü chacherdótegüarü ãẽ̱xgacügü rü ngẽma ngúexẽẽruü̃gü i mugüwa ngu̱xẽẽtaegüxü̃, rü tá choxü̃ nima̱xgü. Natürü ngẽma tomaepü̱x i ngunexü̃gu rü wena táxarü ícharüda —ñanagürü.

1 Corintios 15:4

Rü yexgumarüxü̃ ta pexü̃ changúexẽxẽ nax inata̱xgüãxü̃, rü norü tomaepü̱x ga ngunexü̃gu rü wena nax namaxü̃xü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Ore i mexü̃ ga Cuáü̃ ümatüxü̃ 2:10

Rü ñanagürü nüxü̃: —Guxü̃ i naanewa rü duü̃xü̃gü rü noxri rü namaxã nabae ya mecü ya bínu. Rü ngẽxguma marü meama guxü̃ma axegügu i ngẽma nüxna naxuxü̃, rü ngẽmawena rü nüxna nanaxã ya ngexcürüücümare ya bínu. Natürü i cuma rü marü nagúxchaü̃gu i peta, rü mexẽchicü ya bínumaxãtama cuyaxaxegüxẽxẽ i duü̃xü̃gü —ñanagürü.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Ore i mexü̃ ga Luca ümatüxü̃ 23:11

Rü yexguma ga Eróde rü norü churaragü rü poraãcü chixri Ngechuchumaxã nachopetü, rü nagu nidauxcüraxü̃gü. Rü wüxi ga naxchiru ga mexẽchixü̃gu nayacu̱xẽẽgü nax nüxü̃ nacugüexü̃ca̱x. Rü yemawena ga Eróde rü wenaxarü Pirátuxü̃ta Ngechuchuxü̃ namu.

Ore i mexü̃ ga Márcu ümatüxü̃ 14:63

Rü yexguma ga yema chacherdótegüarü ãẽ̱xgacü rü norü numaxã nügüchirugu nagáugü. Rü ñanagürü: —¿Tü̱xcüü̃ tanaxwa̱xe i to i duü̃xü̃gü i nüxü̃ ixugüxü̃ i nachiga?

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ichaía 50:6

Rü chauca̱xwe̱x nüxna chaxã nax choxü̃ nacua̱i̱xgüxü̃ca̱x. Rü yexguma choxü̃ natuxchinagugügu rü tama nüxna chayanuxü̃. Rü tama chidaugachi ga yexguma chauchametüwa nacua̱i̱xgügu rü chixexü̃ chomaxã yaxugügügu.

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Ochéa 6:2

Rü ngẽmaãcü paxa tá inayanaxoxẽxẽ i ngẽma ngúxü̃ i ingegüxü̃ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.

Wiyaegü 22:13

Rü ñoma leóü̃ i norü taiyamaxã ichogüxü̃ rü aita üexü̃rüxü̃ choxna nayu̱xgu.

Yox 30:10

Rü chowa naxãũã̱xgüãcü choxna nixĩgachitanü rü ñu̱xmata chauchiwewa nacua̱i̱xgü.

Ore i mexü̃ ga Matéu ümatüxü̃ 27:63

Rü ñanagürügü nüxü̃: —Pa Corix, nüxna tacua̱xãchie ga yema yatü ga Ngechuchu ga idorata̱xáxü̃ rü yexguma namaxü̃gu rü ñanagürü tomaxã: “Ngẽxguma chayu̱xgu rü tomaepü̱x i ngunexü̃guwena rü wena táxarü ícharüda”, ñanagürü tomaxã.