Ore i mexü̃ ga Márcu ümatüxü̃ 10:29 - Tupanaarü Ore

^29-30 Rü Ngechuchu nanangãxü̃, rü ñanagürü: —Aixcüma pemaxã nüxü̃ chixu rü texé ya chaugagu rü ore i maxẽxẽxẽruü̃gagu tümapatana, rüe̱xna tümaenexẽgüna, rüe̱xna tümaeya̱xgüna, rüe̱xna tümaéna, rüe̱xna tümanatüna, rüe̱xna tümaxacügüwa, rüe̱xna tümaanegüna ngéma ixũxẽ, rü tá tanayaxu i tümaarü natanü. Rü aixcüma ñu̱xma i ñoma i naanewa rü tá tanayaxu i 100 e̱xpü̱xcüna ya tümapatagü, rü tümaenexẽgü, rü tümaeya̱xgü, rü tümaégu, rü tümaxacügü, rü tümaanegü. Natürü ngẽxgumarüxü̃ tá ta tanayaxu i ngúxü̃gü i togü tá tüxü̃ ingexẽẽgüxü̃. Natürü yixcamaxü̃ra i daxũguxü̃ i naanewa rü tá tanayaxu i maxü̃ i taguma gúxü̃.

Ore i mexü̃ ga Márcu ümatüxü̃ 10:29 Referans Kwoze

1 Corintios 9:23

Rü ngẽmaãcü nixĩ i chapuracüxü̃ nax guxü̃wama nanguxü̃ca̱x i ngẽma ore i mexü̃ i tüxü̃ maxẽxẽẽxü̃. Erü chanaxwa̱xe nax choma rü ta choxü̃́ nangẽxmaxü̃ i ngẽma maxü̃ i taguma gúxü̃, naxrüxü̃ i guxü̃ma i ngẽma duü̃xü̃gü i nüxü̃́ yaxõgüxü̃.

Ore i mexü̃ ga Márcu ümatüxü̃ 8:35

Erü yíxema tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü yíxema chaugagu rü ore i mexü̃gagu yuxe, rü tá tanayaxu i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:3

Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.

Ore i mexü̃ ga Matéu ümatüxü̃ 10:18

Rü chaugagu tá ãẽ̱xgacügüpe̱xewa pexü̃ nagagü. Rü ngẽmaãcü tá pexãchica nax chauchiga pidexagüxü̃ nape̱xewa i ngẽma ãẽ̱xgacügü rü nape̱xewa i ngẽma tama Yudíugü ixĩgüxü̃.

Naanearü ügüchiga 45:20

¡Rü taxṹ i norü naaneca̱x naxoegaãẽgüxü̃! Erü nua Equítuanewa rü ngẽma rümemaexü̃ i naane rü noxrügü tá nixĩ —ñanagürü.

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Ore i mexü̃ ga Matéu ümatüxü̃ 19:29

Rü guxãma ya yíxema tümapata cha̱u̱xca̱x ítáxe, rüe̱xna tümaenexẽgüxü̃ rü tümaeya̱xgüxü̃ cha̱u̱xca̱x ítáxe, rüe̱xna tümanatüxü̃ rü tümaéxü̃ cha̱u̱xca̱x ítáxe, rüe̱xna tümama̱xü̃ rü tümaxacügüxü̃ rü tümaarü naane cha̱u̱xca̱x ítáxe, rü 100 e̱xpü̱xcüna i ngẽma noxri tüxü̃́ ngẽxmaxü̃arü yexera tá tayaxu. Rü naétü tá tanayaxu i maxü̃ i taguma gúxü̃.

Ore i mexü̃ ga Luca ümatüxü̃ 18:29

Rü yexguma ga Ngechuchu rü ñanagürü nüxü̃ ga norü ngúexü̃gü: —Aixcüma pemaxã nüxü̃ chixu rü texé ya Tupanaca̱x tümapatana, rüe̱xna tümanatüna, rüe̱xna tümaéna, rüe̱xna tümaenexẽgüna, rüe̱xna tümaeya̱xgüna, rüe̱xna tümama̱xna, rüe̱xna tümaxacügüna ngéma ixũxe nax Tupanaaxü̃́ tapuracüxü̃ca̱x, rü ñoma i naanewa tátama ngẽma nüxna tixũxü̃arü yexeraxü̃ tayaxu. Rü daxũguxü̃ i naanewa rü tá ta tanayaxu i maxü̃ i taguma gúxü̃ —ñanagürü.