Ore i mexü̃ ga Márcu ümatüxü̃ 10:27 - Tupanaarü Ore

²⁷ Rü Ngechuchu rü nüxü̃ nadawenü, rü nanangãxü̃ rü ñanagürü nüxü̃: —Yatügü rü taxuacüma nügü namaxẽxẽ, natürü Tupanaaxü̃́ rü natauxcha i ngẽma, erü Tupanaca̱x rü nataxuma i ta̱xacü i guxchaxü̃ —ñanagürü.

Ore i mexü̃ ga Márcu ümatüxü̃ 10:27 Referans Kwoze

Ore i mexü̃ ga Matéu ümatüxü̃ 19:26

Rü Ngechuchu nüxü̃ nadawenü rü ñanagürü nüxü̃: —Duü̃xü̃gü rü taxuacüma nügü namaxẽxẽ, natürü Tupanaaxü̃́ rü guxü̃ma natauxcha —ñanagürü.

Yeremía 32:27

—Choma rü guxü̃arü Cori chixĩ rü guxü̃ i ta̱xacü i maxẽxü̃arü Tupana chixĩ. Rü nataxuma i ta̱xacü i choxü̃́ guxchaxü̃ nax chanaxüxü̃.

Yox 42:2

—Nüxü̃ chacua̱x nax guxü̃ma cuxü̃́ tauxchaxü̃, rü nataxuma i ta̱xacü i cuxü̃́ guxchaxü̃ nax cunaxüxü̃.

Yeremía 32:17

—Cumax, Pa Corix, nixĩ ga curü pora ga taxü̃maxã cunango̱xẽẽxü̃ ga dauxü̃guxü̃ ga naane rü ñoma ga naane. Rü nataxuma i ta̱xacü i cuxü̃́ guxchaxü̃ nax cunaxüxü̃.

Ore i mexü̃ ga Luca ümatüxü̃ 1:37

Erü Tupanaaxü̃́ rü taxuxü̃ma naguxcha —ñanagürü.

Ore i mexü̃ ga Luca ümatüxü̃ 18:27

Rü Ngechuchu rü ñanagürü nüxü̃: —Duü̃xü̃gü rü taxuacüma nügü namaxẽxẽ, natürü Tupanaaxü̃́ rü natauxcha nax namaxẽxẽxẽãxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 11:19

Yerü nüma ga Abráü̃ rü nayaxõ nax Tupanaaxü̃́ natauxchaxü̃ nax wena namaxẽxẽẽãxü̃ i yuexü̃. Rü yemaca̱x ga Tupana rü maxü̃cü nüxna nanamu ga nane ga Ichaá. Rü yema rü wüxi ga tórü cua̱xruxü̃ nixĩ nax ñuxãcü aixcüma yaxõõxü̃ ga Abráü̃.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Chacaría 8:6

Rü ngẽxguma ngẽmaãcü wena namexgu ya Yerucharéü̃ rü chorü duü̃xü̃gü i núma yaxügüxü̃ rü tá naba̱i̱xãchie, erü taguma nagu narüxĩnüe nax wena tá namexü̃ ya yima ĩane. Natürü cha̱u̱xca̱x rü taxuxü̃ma naguxcha i ngẽma. Rü choma i Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma.

Norü taxre ga popera ga ãẽ̱xgacügüchiga 7:2

Rü nüma ga ãẽ̱xgacüarü ngü̃xẽẽruxü̃ rü Erichéuxü̃ nangãxü̃ rü ñanagürü: —Rü woo chi Cori ya Tupana yawãxnagu i dauxü̃guxü̃ i naanewa rü taxũchima nangupetü i ngẽma nüxü̃ quixuxü̃ —ñanagürü. Natürü nüma ga Erichéu rü nanangãxü̃ rü ñanagürü: —Cuma rü tá cuxetümaxãxü̃chi nüxü̃ cudau natürü taxũtáma cunangõ̱x i ngẽma nüxü̃ cudauxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Norü taxre ga popera ga ãẽ̱xgacügüchiga 3:18

Rü ñaa nixĩ i wüxi i íxramarexü̃ i Cori ya Tupana pexü̃ wéxü̃ nax ngẽmawa nüxü̃ pecuáxü̃ca̱x nax nüxü̃́ natauxchaxü̃ nax ta̱xacü naxüxü̃. Rü naétü rü tá pexme̱xgu nanayixẽxẽ i ngẽma Moátanüxü̃ nax penada̱i̱xü̃ca̱x.

Ore i mexü̃ ga Márcu ümatüxü̃ 10:26

Rü yexguma yemaxü̃ naxĩnüegu ga norü ngúexü̃gü, rü yexeraãcü naba̱i̱xãchiãẽgü. Rü nügüna nacagüe, rü ñanagürügü: —¿Rü texé tá ẽ̱xna tixĩ ya nawa ichocuxe ya Tupana ãẽ̱xgacü ixĩxü̃wa? —ñanagürügü.