Ore i mexü̃ ga Márcu ümatüxü̃ 10:23 - Tupanaarü Ore

²³ Rü Ngechuchu rü nüxü̃ nidaugüãchi, rü ñanagürü norü ngúexü̃güxü̃: —Naguxchaxüchi tá nixĩ nax Tupana ãẽ̱xgacü íyixĩxü̃wa yachocuxü̃ i ngẽma diẽruã̱xü̃chigüxü̃ —ñanagürü.

Ore i mexü̃ ga Márcu ümatüxü̃ 10:23 Referans Kwoze

1 Corintios 1:26

Pa Chauenexẽgüx, name nixĩ i nagu perüxĩnüe nax Tupana pexü̃ dexü̃ nax norü duü̃xü̃gü pixĩgüxü̃ca̱x woo noxretama pixĩgü nax nüxü̃ pecua̱xüchixü̃ ega duü̃xü̃gü pexü̃ ngugügu. Rü woo noxretama pixĩgü nax ãẽ̱xgacügü pixĩgüxü̃, rü woo noxretama pixĩgü i ngẽma itaarü diẽruã́xü̃tanüxü̃ pixĩgüxü̃, natürü Tupana rü pexü̃ nade nax norü duü̃xü̃gü pixĩgüxü̃ca̱x.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Ore i mexü̃ ga Luca ümatüxü̃ 18:24

Rü yexguma Ngechuchu nüxü̃ da̱u̱xgu ga ñuxãcü nax nangechaü̃xü̃, rü ñanagürü nüxü̃ ga norü ngúexü̃gü: —Naguxchaxüchi nixĩ nax Tupana ãẽ̱xgacü ixĩxü̃wa yachocuxü̃ i ngẽma diẽruã̱xü̃chigüxü̃.

Ore i mexü̃ ga Márcu ümatüxü̃ 3:5

Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

Norü taxre ga popera ga Pedru ümatüxü̃ 1:11

Rü ngẽmaãcü ya Tupana, rü tá mea pexca̱x nayawãxna i ĩã̱x nax tauxchaãcü pichocuxü̃ca̱x i ngextá guxü̃gutáma ãẽ̱xgacü íyixĩxü̃wa ya tórü Cori ya Ngechuchu ya Cristu ya tórü Maxẽxẽẽruxü̃.

Popera ga Chantiágu ümatüxü̃ 4:4

Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.

Ore i mexü̃ ga Cuáü̃ ümatüxü̃ 3:5

Rü Ngechuchu nanangãxü̃ rü ñanagürü: —Rü aixcüma cumaxã nüxü̃ chixu rü yíxema tama nüxü̃ rüxoxe i tümaarü pecadu rü íbaie rü tama Tupanaãxẽ i Üünexü̃wa nayaxúxe i maxü̃ i ngexwaca̱xü̃xü̃, rü taxucürüwama Tupana ãẽ̱xgacü ixĩxü̃wa tixücu.

Ore i mexü̃ ga Márcu ümatüxü̃ 10:15

Rü aixcüma pemaxã nüxü̃ chixu rü texé ya tama wüxi i buxü̃rüxü̃ Tupanaxü̃ yaxúxe nax tümaarü ãẽ̱xgacü yixĩxü̃ca̱x, rü taxũtáma nagu taxücu ya Tupana ãẽ̱xgacü íyixĩxü̃wa —ñanagürü.

Ore i mexü̃ ga Márcu ümatüxü̃ 5:32

Natürü ga Ngechuchu rü nüxü̃ nidaugüãchi nax tüxü̃ nadauxü̃ca̱x nax texé tixĩxü̃ ya yíxema nüxü̃ ingõgüxe.

Ore i mexü̃ ga Matéu ümatüxü̃ 18:3

Rü ñu̱xũchi ñanagürü nüxü̃: —Dücax, aixcüma pemaxã nüxü̃ chixu, rü ngẽxguma tama nüxü̃ perüxoegu i ngẽma nax togüarü yexera pegü pixĩgüxẽẽchaü̃xü̃ rü ñu̱xũchi tama ñaa buxü̃rüxü̃ pegü íperüxíragu, rü taxucürüwa pichocu ya Tupana ãẽ̱xgacü ixĩxü̃wa.

Yox 31:24

Rü taguma chorü ngẽmaxü̃güna charüyoe.

Ore i mexü̃ ga Márcu ümatüxü̃ 10:22

Natürü nüma ga gumá yatü rü nanaxĩ̱xãchiãxẽ ga yexguma nüxü̃ naxĩnügu ga yema ore. Rü nangechaü̃ãcüma ínixũ, yerü namuxũchi ga norü yemaxü̃gü.