Ore i mexü̃ ga Márcu ümatüxü̃ 10:22 - Tupanaarü Ore

²² Natürü nüma ga gumá yatü rü nanaxĩ̱xãchiãxẽ ga yexguma nüxü̃ naxĩnügu ga yema ore. Rü nangechaü̃ãcüma ínixũ, yerü namuxũchi ga norü yemaxü̃gü.

Ore i mexü̃ ga Márcu ümatüxü̃ 10:22 Referans Kwoze

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Norü taxre ga popera ga Timutéuca̱x naxümatüxü̃ ga Pauru 4:10

Dema rü ñoma i naanearü ngẽmaxü̃gügu narüxĩnü rü choxna nixũ, rü ĩane ga Techarónicawa naxũ, Rü Crechénte rü Gárataanewa naxũ, rü Títo i Damáchiaanewa naxũ.

Efesios 5:5

Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

2 Corintios 7:10

Rü ngẽma ngechaü̃ ya Tupana pexca̱x ínguxẽẽxü̃, rü ngẽmagagu nüxü̃ perüxoe i pecüma i chixexü̃ rü penayaxu i maxü̃ i taguma gúxü̃. Rü ngẽmaca̱x taxuca̱xma tü̱xcüü̃ pexoegaãẽgü. Natürü ngẽma ngechaü̃ i ñoma i naanewa ngẽxmaxü̃ rü yuwa tüxü̃ naga.

Ore i mexü̃ ga Luca ümatüxü̃ 18:23

Natürü yemaxü̃ naxĩnügu ga gumá yatü rü poraãcü inayarümaãchi, yerü namuarü diẽruã̱xü̃chi.

Ore i mexü̃ ga Matéu ümatüxü̃ 19:22

Natürü yexguma yemaxü̃ naxĩnügu ga gumá ngextü̱xücü rü poraãcü nangechaü̃, yerü namu ga norü yemaxü̃gü.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ore i mexü̃ ga Márcu ümatüxü̃ 6:26

Rü nüma ga ãẽ̱xgacü rü poraãcü inayarümaãchi, natürü yema norü petatanüxü̃pe̱xewa marü ngĩmaxã nax inaxunetaxü̃ca̱x, rü tama ngĩxü̃ nawomüxẽẽchaü̃.

Ore i mexü̃ ga Matéu ümatüxü̃ 27:3

Rü nüma ga Yúda ga Ngechuchuxü̃ íyaxuaxü̃xü̃ rü yexguma nüxü̃ nada̱u̱xgu nax Ngechuchumaxã yu naxuegugüxü̃ rü poraãcü nüxü̃́ nangu̱x ga yema chixexü̃ ga nümatama naxüxü̃. Rü yéma naxũ naxü̃tawa ga yema chacherdótegüarü ãẽ̱xgacügü rü yema Yudíugüarü ãẽ̱xgacügü. Rü ngĩxü̃ nayatáeguxẽxẽ ga yema 30 tachinü ga diẽru ga nüxna ngĩxü̃ naxãgücü.

Ore i mexü̃ ga Márcu ümatüxü̃ 6:20

Yerü ngĩte ga Eróde rü Cuáü̃xü̃ namuü̃, yerü nüxü̃ nacua̱xchire̱x nax wüxi ga yatü ga mecü rü üünecü nax yixĩxü̃, rü yemaca̱x nixĩ ga naétüwa nachogüxü̃. Rü yexguma Cuáü̃arü orexü̃ naxĩnügu ga Eróde, rü naxoegaãxẽ, natürü mea nüxü̃́ inarüxĩnü.

Ore i mexü̃ ga Márcu ümatüxü̃ 10:21

Rü yexguma ga Ngechuchu rü nüxü̃ nangechaü̃ãcüma nüxü̃ nadawenü, rü nanangãxü̃ rü ñanagürü: —Rü wüxixicatama cuxü̃́ nataxu. ¡Rü íixũ, rü namaxã yataxe i guxü̃ma i curü ngẽmaxü̃gü, rü ñu̱xũchi togü i ngearü ngẽmaxü̃ã̱xgüxü̃na naxã i ngẽma curü natanü! Rü ngẽmaãcü tá cuxü̃́ nangẽxma i cuchica i daxũguxü̃ i naanewa. Rü ngẽmawena rü marü name i chowe curüxũ —ñanagürü.

Ore i mexü̃ ga Márcu ümatüxü̃ 10:23

Rü Ngechuchu rü nüxü̃ nidaugüãchi, rü ñanagürü norü ngúexü̃güxü̃: —Naguxchaxüchi tá nixĩ nax Tupana ãẽ̱xgacü íyixĩxü̃wa yachocuxü̃ i ngẽma diẽruã̱xü̃chigüxü̃ —ñanagürü.