Ore i mexü̃ ga Márcu ümatüxü̃ 10:21 - Tupanaarü Ore

²¹ Rü yexguma ga Ngechuchu rü nüxü̃ nangechaü̃ãcüma nüxü̃ nadawenü, rü nanangãxü̃ rü ñanagürü: —Rü wüxixicatama cuxü̃́ nataxu. ¡Rü íixũ, rü namaxã yataxe i guxü̃ma i curü ngẽmaxü̃gü, rü ñu̱xũchi togü i ngearü ngẽmaxü̃ã̱xgüxü̃na naxã i ngẽma curü natanü! Rü ngẽmaãcü tá cuxü̃́ nangẽxma i cuchica i daxũguxü̃ i naanewa. Rü ngẽmawena rü marü name i chowe curüxũ —ñanagürü.

Ore i mexü̃ ga Márcu ümatüxü̃ 10:21 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 2:4

Natürü nangẽxma i wüxi i cucüma i tama chorü me ixĩxü̃. Rü ngẽma nixĩ nax tama noxrirüxü̃ choxü̃ cungechaü̃xü̃.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Popera ga Chantiágu ümatüxü̃ 2:10

Erü ngẽxguma chi texé naga ĩnügu i guxü̃ma i Tupanaarü mugü natürü chi wüxiwatama ítatüxgu nax tama naga taxĩnüxü̃, rü chi ñoma guxü̃ma i Tupanaarü mugü tama naga taxĩnüxü̃rüxü̃ tixĩ.

Ngechuchuarü ngúexü̃gü ga yamugüxü̃arü puracüchiga 2:45

Rü namaxã nataxegüxü̃ ga norü naanegü rü guxü̃ma ga togü ga norü yemaxü̃gü. Rü nügümaxã ngĩxü̃ nitoyegüxü̃ ga yema diẽru yexgumarüxü̃ nax ta̱xacü nüxü̃́ taxuxü̃ ga wüxichigü.

Ore i mexü̃ ga Luca ümatüxü̃ 18:22

Rü yemaxü̃ naxĩnügu ga Ngechuchu rü ñanagürü: —Wüxixicatama cuxü̃́ nataxu, rü ngẽma nixĩ nax namaxã cutaxexü̃ i guxü̃ma i curü ngẽmaxü̃gü rü ngẽma ngearü diẽruã̱xgüxü̃na naxã i curü natanü. Rü ngẽxguma rü tá cuxü̃́ nangẽxma i cuchica i daxũguxü̃ i naanewa. Rü ñu̱xũchi marü name i chowe curüxũ —ñanagürü.

Ore i mexü̃ ga Matéu ümatüxü̃ 16:24

Rü yexguma ga Ngechuchu rü norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!

Yema Cuáü̃ nüxü̃ dauxü̃ i yixcüra tá ngupetüxü̃chiga 2:20

Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:14

Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.

Popera ga Yudíugü ga yaxõgüxü̃ca̱x ümatüxü̃ 10:34

Rü pema rü pexü̃́ nangechaü̃tümüü̃gü ga yema petanüxü̃ ga yaxõgüxü̃ ga poxcupataü̃wa yexmagüxü̃. Rü taãẽãcüma yáxna namaxã pexĩnüe ga yema tama yaxõgüxü̃ ga pexna napuxü̃xü̃ ga perü yemaxü̃gü. Rü tama naxca̱x pexoegaãxẽ, yerü meama nüxü̃ pecua̱x rü daxũguxü̃ i naanewa pexü̃́ nangẽxma i ngẽmaarü yexera ixĩxü̃ i tagutáma gúxü̃.

Ore i mexü̃ ga Luca ümatüxü̃ 12:33

¡Rü namaxã petaxe i perü ngẽmaxü̃gü i pexü̃́ ngẽmagüxü̃, rü togü i duü̃xü̃gü i nüxü̃́ nataxuxü̃na penaxã i ngẽma diẽru! Rü ngẽmaãcü tá pegüxü̃́ penangexmaxẽxẽ i perü ngẽmaxü̃gü i taguma pexü̃́ ngauxü̃ rü taguma gúxü̃ i daxũguxü̃ i naanewa i ngextá ngĩ́ta̱xagüxü̃ tama íyaxücuxü̃wa rü naweane tama ínachixexẽẽxü̃wa.

Ore i mexü̃ ga Márcu ümatüxü̃ 8:34

Rü yexguma ga Ngechuchu rü norü ngúexü̃güca̱x rü duü̃xü̃güca̱x naca. Rü ñanagürü nüxü̃: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!

Ucu̱xẽgüchiga 23:23

¡Cugüãẽgu namaxã nanguxü̃ i ngẽma ore i aixcüma ixĩxü̃, rü taxṹ i nüxü̃ icurüngümaxü̃! ¡Rü nayaxu i ngẽma cua̱x, rü ngẽma ucu̱xẽ, erü name nax cuãẽxü̃ cucuáxü̃!

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.

Ore i mexü̃ ga Luca ümatüxü̃ 9:23

Rü yemawena rü guxü̃ma ga norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü yáxna namaxã taxĩnü i ngẽma guxchaxü̃gü i tümaca̱x ínguxü̃ i wüxichigü i ngunexü̃gu, rü ñu̱xũchi chowe tarüxũ!

Ore i mexü̃ ga Matéu ümatüxü̃ 19:21

Rü Ngechuchu nanangãxü̃ rü ñanagürü nüxü̃: —Ega aixcüma Tupanape̱xewa mecü quixĩxchaü̃gu, rü name nixĩ i namaxã cutaxe i guxü̃ma i curü ngẽmaxü̃gü rü togü i ngearü diẽruã̱xgüxü̃na cunaxã i ngẽma curü natanü. Rü ngẽxguma tá cuxü̃́ nangẽxma i cuchica i daxũguxü̃ i naanewa. Rü ñu̱xũchi marü name i chowe curüxũ —ñanagürü.

2 Corintios 12:15

Rü choma rü íchamemare nax chorü ngúchaü̃maxã pexca̱x ichanaxãxü̃ i guxü̃ma i ta̱xacü i choxü̃́ ngẽxmaxü̃ rü woo chaugütama rü ta nax ichaxãxü̃ nax aixcüma peyaxõgüxü̃ca̱x. Natürü cha̱u̱xca̱x rü ngẽxguma yexeraãcü pexü̃ changechaü̃gu, rü pema rü yexeraãcü choxü̃ perüxoetanü.

Ore i mexü̃ ga Cuáü̃ ümatüxü̃ 16:33

Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.

Ore i mexü̃ ga Cuáü̃ ümatüxü̃ 12:26

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Ore i mexü̃ ga Luca ümatüxü̃ 16:9

Rü pemaxã nüxü̃ chixu rü ngẽma diẽru i tama aixcüma mexü̃ i ñoma i naanewa pexü̃́ ngẽxmaxü̃ rü name nixĩ i ngẽmamaxã nüxü̃́ penangúchaü̃xẽxẽ i duü̃xü̃gü nax Tupanaxü̃tawa nangugüxü̃. Rü ngẽmaãcü i ngẽxguma nagu̱xgu i ngẽma ñoma i naanewa pexü̃́ ngẽxmaxü̃ rü peyuegu, rü tá pexü̃́ nangẽxma ya pemücügü ya pexü̃ yaxugüxü̃ i daxũguxü̃ i naanewa.

Norü taxre ga popera ga Timutéuca̱x naxümatüxü̃ ga Pauru 3:12

Rü aixcüma cumaxã nüxü̃ chixu rü guxãma ya yíxema naxwa̱xegüxe nax Ngechuchu ya Cristuca̱x tamaxẽxü̃, rü duü̃xü̃gü rü tá tümawe ningẽxü̃tanü rü guxchaxü̃ tá tümaca̱x ínangugü.

Naanearü ügüchiga 34:19

Rü nüma ga Chiquéü̃ rü tama nanũxcüãxẽ nax ínawiecha̱xmüü̃pe̱xechiraü̃xü̃, yerü yema Acóbuxacü rü poraãcü nüxü̃́ ingúchaü̃. Rü nüma ga Chiquéü̃ rü nanatüpatawa rü yexera nüxü̃ nangechaxü̃gücü nixĩ. Rü nüma rü nanatü ga Amóx rü guma ĩaneca̱x ixücuxü̃wa naxĩ ga ngextá duü̃xü̃gü ítaxegüxü̃wa. Rü yéma duü̃xü̃gümaxã nüxü̃ nixu rü ñanagürügü: —Ngẽma Acóbu nanegü rü wüxi i mexü̃ i duü̃xü̃gü nixĩ. Rü nua tá naxãchiü̃gü rü tá nataxegü, erü tórü naane rü nata nax nawa nangẽxmagüxü̃ca̱x. Rü ngẽmaãcü i yixemax rü tá naxacügümaxã tixãxma̱xgü, rü ngẽxgumarüxü̃ ta i nümagü rü tá taxacügümaxã nixãxma̱xgü.

Ore i mexü̃ ga Márcu ümatüxü̃ 10:22

Natürü nüma ga gumá yatü rü nanaxĩ̱xãchiãxẽ ga yexguma nüxü̃ naxĩnügu ga yema ore. Rü nangechaü̃ãcüma ínixũ, yerü namuxũchi ga norü yemaxü̃gü.