Biblia Todo Logo
Bib sou entènèt

- Piblisite -




Ore i mexü̃ ga Márcu ümatüxü̃ 10:17 - Tupanaarü Ore

17 Rü yexguma marü inaxũãchichaü̃gu ga Ngechuchu, rü yéma naxca̱x niña ga wüxi ga yatü. Rü nape̱xegu nayacaxã́pü̱xü, rü nüxna naca rü ñanagürü nüxü̃: —Pa Ngúexẽxẽruxü̃ ya Mecü, ¿ta̱xacü tá chaxüxü̃ nax chanayaxuxü̃ca̱x i maxü̃ i taguma gúxü̃? —ñanagürü.

Gade chapit la Kopi




Ore i mexü̃ ga Márcu ümatüxü̃ 10:17
28 Referans Kwoze  

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.


Rü yexguma inachi ga wüxi ga ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃tawa naxũ nax namaxã yanadexaxü̃ca̱x. Rü Ngechuchuxü̃ naxüxchaü̃, rü yemaca̱x nüxna naca rü ñanagürü: —Pa Ngúexẽẽruxü̃ ya Ngechuchux, ¿Ta̱xacü nixĩ i mexü̃ nax chanaxüxü̃ nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.


Rü yexguma ĩã̱xtüwa Pauruxü̃ rü Chíraxü̃ nagagü, rü ñanagürü nüxü̃: —Pa Corigüx, ¿Ta̱xacü tá chaxüxü̃ i choma nax choxü̃́ nangẽxmaxü̃ca̱x i maxü̃ i taguma gúxü̃? —ñanagürü.


Rü yexguma yemaxü̃ naxĩnüegu ga yema duü̃xü̃gü ga yéma yexmagüxü̃, rü poraãcü nanaxĩ̱xãchiãẽgü. Rü Pedruna nacagüe, rü yema togü ga Pedrumücügüna rü ta nacagüe, rü ñanagürügü: —Pa Toenexẽgüx, ¿ta̱xacü tá taxüexü̃ i ñu̱xmax? —ñanagürügü.


Rü ñu̱xmax, Pa Chauenexẽgüx, rü Tupanana pexü̃ chamugü. Rü chanaxwa̱xe i naga pexĩnüe i norü ore i tüxü̃ nüxü̃ cua̱xẽẽxü̃ nax aixcüma poraãcü tüxü̃ nangechaü̃xü̃. Erü ngẽma norü ore tá pexü̃ naporaexẽxẽ nax tórü Corica̱x pemaxẽxü̃ca̱x rü pexü̃́ nangẽxmaxü̃ca̱x i pechica namaxã i guxü̃ma i duü̃xü̃gü ya Tupana dexü̃.


¡Rü inachi, rü ngéma Damácuarü ĩanewa naxũ! Rü ngéma rü wüxi ya yatü tá cumaxã nüxü̃ nixu nax ta̱xacü tá cuxüxü̃ —ñanagürü.


Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!


Rü yexguma duü̃xü̃gü íyexmaxü̃wa nangugügu, rü wüxi ga yatü Ngechuchuca̱x nixũ. Rü nape̱xegu nayacaxã́pü̱xü rü ñanagürü nüxü̃:


Rü Chaunatü ya Tupanaarü ngúchaü̃ nixĩ nax guxãma ya texé ya Nanexü̃ daugüxe rü nüxü̃́ yaxõgüxe tüxü̃́ nangẽxmaxü̃ i maxü̃ i taguma gúxü̃. Erü choma tá nixĩ i tüxü̃ ícharüdagüxẽẽxü̃ i naanearü gu̱xgu —ñanagürü.


Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.


Pema meama nawa pengúe i Tupanaarü ore i ümatüxü̃, erü nagu perüxĩnüe rü ngẽmawa tá nüxü̃ ipeyangau i perü maxü̃ i taguma gúxü̃. Natürü woo ngẽmatama Tupanaarü ore i ümatüxü̃wa rü chauchiga mea nax yadexaxü̃, natürü i pemax, rü tama choxü̃́ peyaxõgüchaü̃ nax ngẽmaãcü penayauxgüxü̃ca̱x i ngẽma maxü̃.


Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.


Rü nümagü rü naxü̃tawa naxĩ, rü ñanagürügü nüxü̃: —Pa Ngúexẽxẽruxü̃, nüxü̃ tacua̱x rü aixcüma nixĩ i ngẽma nüxü̃ quixuxü̃ i ore. Rü tama duü̃xü̃gügamare cuxĩnü, erü tama norü düxétüxü̃negu cudawenü, natürü nacüma nixĩ i cungugüxü̃. Rü aixcüma cunangúexẽxẽ i duü̃xü̃gü nax Tupana naxwa̱xexü̃ãcüma namaxẽxü̃ca̱x. ¡Tomaxã nüxü̃ ixu! Rü ngẽma diẽru ya ãẽ̱xgacü ya Rómacüã̱x totanüwa ngĩxü̃ yaxucü ¿rü namexü̃ yixĩxü̃ nax nüxna ngĩxü̃ taxãxü̃, rü ẽ̱xna tama? —ñanagürügü.


Rü yexguma Ngechuchu nüxü̃ da̱u̱xgu nax muxü̃ma ga duü̃xü̃gü marü yexma ngutaque̱xexü̃, rü nananga ga yema ngo̱xo. Rü ñanagürü nüxü̃: —Pa Ngo̱xo i Ngegaxẽxẽruxü̃ rü Ngauchi̱xẽxẽẽruxü̃, ¡choma cuxü̃ chamu nax nawa ícuxũxũxü̃ ya daa bucü, rü tagutáma wena nagu cuyaxücuxü̃! —ñanagürü.


Rü Ngechuchuca̱x nixũ ga wüxi ga yatü ga chaxünemaxã ida̱xawexü̃. Rü nape̱xegu nayacaxã́pü̱xü rü ñanagürü nüxü̃: —Pa Corix, ngẽxguma cunaxwa̱xegu nax choxü̃ curümexẽxẽxü̃, rü cuxü̃́ natauxcha nax cha̱u̱xca̱x cuyataanexẽxẽxü̃ —ñanagürü.


Rü yexguma ga yema ngecügü rü paxãma nüxna íiyaxĩ ga yema naxmaxü̃. Rü imuü̃ẽ, natürü itaãẽgü ta. Rü poraãcü ixü̃ãchi nax Ngechuchuarü ngúexü̃gümaxã nüxü̃ nax yanaxugüexü̃ca̱x ga yema ore ga daxũcüã̱x ngĩmaxã nüxü̃ ixuxü̃.


Rü nümatama ya Ngechuchu ya Cristu nixĩ i tamaxã inaxunetaxü̃ nax tüxna naxããxü̃ca̱x i maxü̃ i taguma gúxü̃.


Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.


Rü Ngechuchu nanangãxü̃, rü ñanagürü nüxü̃: —¿Tü̱xcüü̃, “Mecü”, ñacurügü choxü̃? Erü Tupanaxicatama nixĩ ya mecü ixĩcü, rü nataxuma i to.


Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.


Rü yemaacü tamaxã namecüma rü tüxü̃ narüngü̃xẽxẽ ga Tupana nax nape̱xewa imexü̃ca̱x rü nayauxgüxü̃ca̱x i ngẽma ãmare i maxü̃ i taguma gúxü̃ i írüngu̱xẽẽgüxü̃.


Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.


Rü pema rü wüxi i ngunexü̃gu tá penayauxgü i guxü̃ma i ngẽma mexü̃gü ya Tupana tá pexna ãxü̃ i ñu̱xma daxũguxü̃ i naanegu pexü̃́ namaxã nanguxü̃xü̃. Rü ngẽma mexü̃gü ya Tupana tá pexna ãxü̃ rü tagutáma nachixe, rü tagutáma naxãũãchi, rü tagutáma nangau.


Swiv nou:

Piblisite


Piblisite