Ore i mexü̃ ga Márcu ümatüxü̃ 1:41 - Tupanaarü Ore

⁴¹ Rü Ngechuchuaxü̃́ nangechaü̃tümüxü̃ ga gumá yatü. Rü nüxü̃ ningõgü rü ñanagürü nüxü̃: —Ngü̃, chanaxwa̱xe. Marü curüme —ñanagürü.

Ore i mexü̃ ga Márcu ümatüxü̃ 1:41 Referans Kwoze

Ore i mexü̃ ga Matéu ümatüxü̃ 9:36

Rü yexguma Ngechuchu nüxü̃ da̱u̱xgu ga yema muxü̃ma ga duü̃xü̃gü ga naxü̃tawa ngugüxü̃, rü nüxü̃́ nangechaü̃tümüü̃gü. Yerü carnérugü ga ngearü dauruü̃ã́xü̃rüxü̃ nanaxĩ̱xãchiãẽgü, rü tama nataãẽgü.

Popera ga Yudíugü ga yaxõgüxü̃ca̱x ümatüxü̃ 4:15

Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.

Popera ga Yudíugü ga yaxõgüxü̃ca̱x ümatüxü̃ 2:17

Rü nüma ga Ngechuchu rü nanaxwa̱xe nax yixema i naenexẽgü ixĩgüxü̃rüü̃tama nügü yaxĩxẽẽxü̃ nax yemaacü tórü chogüruxü̃ ya mecümacü ya nüxü̃́ ingechaü̃tümüxü̃gücü yixĩxü̃ca̱x i Tupanape̱xewa. Rü yemaca̱x nixĩ ga nügü inaxãxü̃ rü nayuxü̃ nax yemaacü Tupana duü̃xü̃güaxü̃́ nüxü̃ irüngümaxü̃ca̱x ga norü pecadugü.

Ore i mexü̃ ga Márcu ümatüxü̃ 6:34

Rü yexguma nguewa ínaxüegu ga Ngechuchu, rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü yerü ñoma carnérugü ga ngearü dauruü̃ã̱xgüxü̃rüxü̃ nixĩgü. Rü inanaxügü nax nangúexẽẽãxü̃ ga muxü̃ma ga ore.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Ore i mexü̃ ga Márcu ümatüxü̃ 5:41

Rü ngĩxme̱xgu nayayauxãchi, rü ñanagürü ngĩxü̃: —Tarita cumi —ñanagürü. Rü ngẽma ore rü ñaxü̃chiga nixĩ: “¡Írüda, Pa Bucü, ñacharügü cuxü̃!” ñaxü̃chiga nixĩ.

Ore i mexü̃ ga Márcu ümatüxü̃ 4:39

Rü yexguma ínarüda ga Ngechuchu. Rü buanecüna nachogü rü ñanagürü nüxü̃ ga guma naxtaxa: —¡Iyarüchiane rü íyachaxãchi! —ñanagürü. Rü ínayachaxãchi ga buanecü rü guxü̃wama ínachaxanemare.

Naanearü ügüchiga 1:3

Rü yexguma ga Tupana rü ñanagürü: —¡Nangexma̱x i nangóonexü̃! —ñanagürü. Rü ningóone.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Ore i mexü̃ ga Márcu ümatüxü̃ 1:40

Rü Ngechuchuca̱x nixũ ga wüxi ga yatü ga chaxünemaxã ida̱xawexü̃. Rü nape̱xegu nayacaxã́pü̱xü rü ñanagürü nüxü̃: —Pa Corix, ngẽxguma cunaxwa̱xegu nax choxü̃ curümexẽxẽxü̃, rü cuxü̃́ natauxcha nax cha̱u̱xca̱x cuyataanexẽxẽxü̃ —ñanagürü.

Ore i mexü̃ ga Márcu ümatüxü̃ 1:42

Rü yexgumatama nüxü̃́ inayarüxo ga nax nachaxü̃nexü̃ ga gumá yatü. Rü meama naxca̱x nitaane.