Ore i mexü̃ ga Márcu ümatüxü̃ 1:35 - Tupanaarü Ore

³⁵ Rü ngunetüxü̃ ga tauta yangóonegu, rü inaxũãchi ga Ngechuchu. Rü ínaxũxũ ga ĩpatawa, rü wüxi ga nachica ga taxúema íxãpataxü̃wa naxũ nax yéma yayumüxẽxü̃ca̱x.

Ore i mexü̃ ga Márcu ümatüxü̃ 1:35 Referans Kwoze

Ore i mexü̃ ga Luca ümatüxü̃ 6:12

Rü yexguma ga Ngechuchu rü wüxi ga ma̱xpǘnewa naxũ nax yéma yayumüxẽxü̃ca̱x. Rü guxü̃ ga yema chütaxü̃gu rü norü yumüxẽwa Tupanamaxã nidexa.

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Ore i mexü̃ ga Luca ümatüxü̃ 5:16

Natürü Ngechuchu rü ñuxguacü rü taxúema íxãpataxü̃wa naxũũxü̃. Rü yéma nayayumüxẽxü̃.

Wiyaegü 5:3

Rü ẽxü̃wa noxri yangóonegu rü tá nüxü̃ cuxĩnü i chorü yumüxẽ. Rü pa̱xmama tá cumaxã nüxü̃ chixu i ngẽma cuxna naxca̱x chaca̱xaxü̃. Rü íchanangu̱xẽxẽ nax choxü̃ cungãxü̃xü̃.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Ore i mexü̃ ga Cuáü̃ ümatüxü̃ 6:15

Natürü ga Ngechuchu rü nüxü̃ nicua̱xãchi nax norü ãẽ̱xgacüxü̃ yangucuchixẽẽgüchaü̃ãxü̃ ga yema duü̃xü̃gü. Rü yemaca̱x nüxna nixũgachi rü yéamaxü̃ra naxũ nawa ga guma ma̱xpǘne nax nüxicatama nayexmaxü̃ca̱x.

Ore i mexü̃ ga Matéu ümatüxü̃ 14:23

Rü yexguma duü̃xü̃güxü̃ íyamugüguwena rü guma ma̱xpǘnewa ínaxü̃ãchi ga Ngechuchu nax nüxica yéma yayumüxẽxü̃ca̱x. Rü yexma nüxicatama nachütaü̃.

Filipenses 2:5

Rü name nixĩ ga yema Ngechuchu ya Cristu nagu rüxĩnüxü̃gu nax perüxĩnüexü̃ i pemax.

Ore i mexü̃ ga Cuáü̃ ümatüxü̃ 4:34

Natürü ga Ngechuchu rü ñanagürü nüxü̃: —Chorü õna nixĩ nax chanaxüxü̃ i norü ngúchaü̃ ya yimá nua choxü̃ mucü, rü nax chayanguxẽẽxü̃ i norü puracü.

Wiyaegü 109:4

Rü ngẽma chorü ngechaü̃ i ngẽma duü̃xü̃güca̱x ichaxãxü̃ rü chixexü̃maxã choxü̃́ nanaxütanügü. Natürü i chomax rü naxca̱x chayumüxẽama.

Ore i mexü̃ ga Matéu ümatüxü̃ 14:13

Rü yexguma yemaxü̃ nacuáchigagu ga Ngechuchu, rü nüxicatama wüxi ga nguegu nixüe, rü ínaxũxũ ga yéma. Rü wüxi ga nachica ga taxúema íxãpataxü̃wa naxũ. Natürü ga duü̃xü̃gü rü nüxü̃ nacua̱xgüama ga ngextá nax naxũxü̃. Rü ínachoxü̃ ga norü ĩanegüwa, rü dauxchitagu nawe narüxĩ.

Ore i mexü̃ ga Márcu ümatüxü̃ 1:36

Rü Chimóü̃ rü namücügümaxã Ngechuchuca̱x nayadaugü.