Ore i mexü̃ ga Márcu ümatüxü̃ 1:34 - Tupanaarü Ore

³⁴ Rü nüma nanameexẽxẽ ga muxü̃ma ga duü̃xü̃gü ga naguxü̃raü̃xü̃ ga da̱xawemaxã ida̱xaweexü̃. Rü ínanawoxü̃ ga muxü̃ma ga ngo̱xogü, natürü nüxna nanachu̱xu nax yadexagüxü̃, yerü nümagü ga ngo̱xogü rü nüxü̃ nacua̱xgü nax texé yixĩxü̃ ga nümax.

Ore i mexü̃ ga Márcu ümatüxü̃ 1:34 Referans Kwoze

Ore i mexü̃ ga Luca ümatüxü̃ 4:41

Rü nanameexẽxẽ ga muxü̃ma ga duü̃xü̃gü ga ida̱xaweexü̃ ga ngo̱xo nawa yexmagüxü̃. Rü yema ngo̱xogü rü aita naxüe, rü ñanagürügü: —Cuma nixĩ ya Tupana Nane quixĩxü̃ —ñanagürügü. Natürü ga Ngechuchu rü nayangagü ga yema ngo̱xogü. Rü nüxna nanachu̱xu ga nax yadexagüxü̃, yerü yema ngo̱xogü rü nüxü̃ nacua̱xgü nax Cristu yixĩxü̃.

Ore i mexü̃ ga Márcu ümatüxü̃ 3:12

Natürü nüma ga Ngechuchu rü poraãcü nayaxucu̱xẽgü nax tama duü̃xü̃gümaxã nüxü̃ yaxugüexü̃ca̱x nax texé yixĩxü̃ ga nümax.

Ore i mexü̃ ga Matéu ümatüxü̃ 4:23

Rü guxü̃ ga Gariréaanegu nixũgüchigü ga Ngechuchu. Rü wüxichigü ga ĩanewa, rü duü̃xü̃güarü ngutaque̱xepataü̃wa ningu̱xẽẽtaechigü. Rü duü̃xü̃gümaxã nüxü̃ nixuchigü ga ore ga mexü̃ nax ãẽ̱xgacü yixĩxü̃ ya Tupana. Rü yema duü̃xü̃gü ga ida̱xaweexü̃ rü nanameexẽxẽ nawa ga guxü̃ma ga norü da̱xawegü rü norü ngu̱xunegü.

Ore i mexü̃ ga Márcu ümatüxü̃ 1:25

Rü Ngechuchu nananga ga yema ngo̱xo, rü ñanagürü: —¡Iyarüngea̱x rü ínaxũxũ nawa ya yimá yatü! —ñanagürü.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.