Ore i mexü̃ ga Márcu ümatüxü̃ 1:20 - Tupanaarü Ore

²⁰ Rü Ngechuchu rü naxca̱x naca. Rü nümagü rü yéma nguewa tüxü̃ nata̱xgü ga nanatü ga Chebedéu namaxã ga tümaarü puracütanüxü̃, rü Ngechuchuwe narüxĩ.

Ore i mexü̃ ga Márcu ümatüxü̃ 1:20 Referans Kwoze

Ore i mexü̃ ga Luca ümatüxü̃ 14:26

—Rü ngẽxguma texé chowe rüxũxchaü̃gu, rü tanaxwa̱xe i choxü̃ tangechaü̃ tümanatüarü yexera, rü tümaéarü yexera, rü tümama̱xarü yexera, rü tümaxacügüarü yexera, rü tümaenexẽgüarü yexera, rü tümaeya̱xgüarü yexera, rü tümaarü maxü̃arü yexera rü ta. Rü ngẽxguma tama ngẽmaãcü choxü̃ tangechaü̃gu rü taxucürüwama aixcüma chorü ngúexü̃ tixĩ.

Ore i mexü̃ ga Márcu ümatüxü̃ 10:29

Rü Ngechuchu nanangãxü̃, rü ñanagürü: —Aixcüma pemaxã nüxü̃ chixu rü texé ya chaugagu rü ore i maxẽxẽxẽruü̃gagu tümapatana, rüe̱xna tümaenexẽgüna, rüe̱xna tümaeya̱xgüna, rüe̱xna tümaéna, rüe̱xna tümanatüna, rüe̱xna tümaxacügüwa, rüe̱xna tümaanegüna ngéma ixũxẽ, rü tá tanayaxu i tümaarü natanü. Rü aixcüma ñu̱xma i ñoma i naanewa rü tá tanayaxu i 100 e̱xpü̱xcüna ya tümapatagü, rü tümaenexẽgü, rü tümaeya̱xgü, rü tümaégu, rü tümaxacügü, rü tümaanegü. Natürü ngẽxgumarüxü̃ tá ta tanayaxu i ngúxü̃gü i togü tá tüxü̃ ingexẽẽgüxü̃. Natürü yixcamaxü̃ra i daxũguxü̃ i naanewa rü tá tanayaxu i maxü̃ i taguma gúxü̃.

Ore i mexü̃ ga Matéu ümatüxü̃ 10:37

Rü yíxema choxü̃ nax tangechaü̃xü̃arü yexera tümanatüxü̃ rüe̱xna tümaéxü̃ ngechaü̃xe, rü taxucürüwama chorü duü̃xü̃ tixĩ. Rü yíxema choxü̃ nax tangechaü̃xü̃arü yexera tümanexü̃ rüe̱xna tümaxacüxü̃ ngechaü̃xe, rü taxucürüwama chorü duü̃xü̃ tixĩ.

2 Corintios 5:16

Rü ngẽmaca̱x i toma rü tama ñoma i naanecüã̱x i duü̃xü̃gü nagu rüxĩnüexü̃ãcü nixĩ i nagu tarüxĩnüexü̃. Rü woo ga ü̃pa rü duü̃xü̃gü nagu rüxĩnüexü̃ãcü chixri Cristumaxã nagu tarüxĩnüe, natürü i ñu̱xma rü tama ngẽmaãcü namaxã nagu tarüxĩnüe.

Nüxíraxü̃xü̃ ga popera ga ãẽ̱xgacügüchiga 19:20

Rü nüma ga Erichéu rü nüxna yéma niña ga norü wocagü, rü Eríawe nangẽ, rü ñanagürü nüxü̃: —Chanaxwa̱xe i choxü̃ cuxüchica nax chaunatüxü̃ rü chauéxü̃ chayameãẽxü̃ca̱x, rü ñu̱xmachi tá cuwe charüxũ —ñanagürü. Rü yexguma ga nüma ga Ería rü ñanagürü nüxü̃: —Marü name i ngéma cuxũ, natürü ¡nüxna nacua̱xãchi nax Tupana marü cuxca̱x caxaxü̃ nax norü orearü uruxü̃ quixĩxü̃ca̱x! —ñanagürü.

Wenaxarü naxümatü ga Tupanaarü mugü 33:9

Rü ngẽma Lebítanüxü̃ rü nanatüxü̃ rü naéxü̃ nangechaxü̃güarü yexera cuga naxĩnüe rü nayanguxẽxẽ i curü uneta. Rü naenexẽgüxü̃ rü naxacügüxü̃ nangechaxü̃güarü yexera cuga naxĩnüe rü nayanguxẽxẽ i curü uneta.

Ore i mexü̃ ga Márcu ümatüxü̃ 1:19

Rü yéamaxü̃ra naxũ ga Ngechuchu, rü yéma nüxü̃ nadau ga Chantiágu rü naenexẽ ga Cuáü̃. Rü nümagü rü Chebedéu nanegü nixĩgü. Rü wüxi ga nguewa nayexmagü, rü yéma ínanangáitagü ga norü püchagü.

Ore i mexü̃ ga Márcu ümatüxü̃ 1:21

Rü ĩane ga Capernáü̃wa nangugü. Rü yexguma ngü̃xchigaarü ngunexü̃wa nanguxgu, rü Ngechuchu rü ngutaque̱xepataü̃wa naxũ rü inanaxügü ga nax nangúexẽẽtaexü̃.

Ore i mexü̃ ga Luca ümatüxü̃ 5:11

Rü yexguma naxãnacüwa namaxã nangugügu ga naweü̃gü, rü yéma nanawogü ga norü guxü̃ma rü Ngechuchuwe narüxĩ.