Ore i mexü̃ ga Márcu ümatüxü̃ 1:16 - Tupanaarü Ore

¹⁶ Rü yexguma naxtaxa ga Gariréaanacügu yaxũxgu ga Ngechuchu, rü yéma nüxü̃ nadau ga Chimóü̃ rü naenexẽ ga André. Rü nümagü rü woetama püchaetanüxü̃ nixĩgü rü yéma naxtaxawa napüchaegü.

Ore i mexü̃ ga Márcu ümatüxü̃ 1:16 Referans Kwoze

Ore i mexü̃ ga Cuáü̃ ümatüxü̃ 6:8

Rü yexguma ga André ga Ngechuchuarü ngúexü̃ ga Pedru ga Chimóü̃ naenexẽ, rü ñanagürü: —Nua nangẽxma i wüxi i buxü̃ rü nüxü̃́ nangẽxma i 5 i paũ i chebádanaxca̱x rü taxre ta i choxni. ¿Natürü ta̱xacüwa name i ngẽma naxca̱x i ñaa muxũchixü̃ i duü̃xü̃gü? —ñanagürü.

Ore i mexü̃ ga Luca ümatüxü̃ 6:14

Rü yema yatügü ga nadexü̃ rü Chimóü̃ ga Pedrugu nanaxüéga nixĩ ga wüxi. Rü to nixĩ ga André ga Chimóü̃ naenexẽ, rü Chantiágu rü Cuáü̃, rü Ferípe, rü Barturumé,

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Cuáü̃ ümatüxü̃ 12:22

Rü Ferípe rü Andrémaxã nüxü̃ nayarüxu. Rü yema taxre rü wüxigu Ngechuchuxü̃tawa naxĩ, rü namaxã nüxü̃ nayarüxugü.

Ore i mexü̃ ga Márcu ümatüxü̃ 3:18

Rü togü nixĩ ga André, rü Ferípe, rü Barturumé, rü Matéu, rü Tumáchi, rü Chantiágu ga Arupéu nane, rü Tadéu, rü Chimóü̃ ga Poraãẽxü̃.

Ore i mexü̃ ga Márcu ümatüxü̃ 3:16

Rü ñaagü nixĩ ga naéga ga yema 12 ga norü ngúexü̃gü ga nadexü̃. Rü wüxi nixĩ ga Chimóü̃ ga Pedrugu naxüégaxü̃.

Ore i mexü̃ ga Matéu ümatüxü̃ 10:2

Rü ñaa nixĩ ga naégagü ga yema 12 ga Ngechuchuarü ngúexü̃gü ga imugüxü̃. Rü yema nüxíra naxca̱x naca̱xaxü̃ nixĩ ga Chimóü̃ ga Pedrugu ãégaxü̃. Rü to nixĩ ga Pedruenexẽ ga André. Rü to nixĩ ga Chantiágu, rü to nixĩ ga Chantiáguenexẽ ga Cuáü̃. Rü yema taxre rü Chebedéu nanegü nixĩgü.