Ore i mexü̃ ga Márcu ümatüxü̃ 1:11 - Tupanaarü Ore

¹¹ Rü daxũwa inanaxũ ga wüxi ga naga ga ñaxü̃: —Cuma nixĩ i Chaune i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.

Ore i mexü̃ ga Márcu ümatüxü̃ 1:11 Referans Kwoze

Ichaía 42:1

Nüma ya Cori ya Tupana rü ñanagürü: —Daa nixĩ ya yimá chorü duü̃ ya chaporaxẽẽcü rü nüxü̃ chaxunetacü rü namaxã chataãẽcü. Rü nüxna nixĩ i chanamuxü̃ i Chauãxẽ i Üünexü̃ nax ngẽmaãcü guxü̃ i nachixü̃anegümaxã mea inacuáxü̃ca̱x.

Ore i mexü̃ ga Márcu ümatüxü̃ 9:7

Rü yexgumatama wüxi ga caixanexü̃ ínarüxĩ, rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe! —ñaxü̃.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Wiyaegü 2:7

Rü choma rü tá chanaxunagü i ngẽma Cori ya Tupana nagu rüxĩnüxü̃, rü chomaxã nüxü̃ yaxuxü̃ i ñaxü̃: —Cuma rü chaune quixĩ, rü choma rü Cunatü chixĩ i ñu̱xma.

Colosenses 1:13

Yerü nüma ga Tupana rü marü Chatanáme̱xẽwa tüxü̃ ínanguxü̃xẽxẽ rü Nane ya nüxü̃ nangechaü̃cüme̱xẽwa tüxü̃ nangẽxmagüxẽxẽ.

Romanos 1:4

Natürü nümatama ya Ngechuchu rü üünecü nixĩ. Rü yexguma Tupanaãxẽarü poramaxã yuwa ínadaxgu rü Tupana tüxü̃ nüxü̃ nadauxẽxẽ nax aixcüma Nanexü̃chi nax yixĩxü̃.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Ore i mexü̃ ga Cuáü̃ ümatüxü̃ 5:37

Rü ngẽxgumarüxü̃ ta ya Chaunatü ga gumá núma choxü̃ mucü, rü marü chauétüwa nachogü, woo taguma nüxü̃ pexĩnüe ga naga rü taguma nüxü̃ pedau.

Ore i mexü̃ ga Cuáü̃ ümatüxü̃ 1:34

Choma rü marü yimá Ngechuchuxü̃ chadau rü pemaxã nüxü̃ chixu nax nüma rü aixcüma Tupana Nane yixĩxü̃ —ñanagürü.

Ore i mexü̃ ga Luca ümatüxü̃ 9:35

Rü yema caixanexü̃wa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe!” ñaxü̃.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Ore i mexü̃ ga Cuáü̃ ümatüxü̃ 6:69

Toma rü marü cuxü̃́ tayaxõgü, rü nüxü̃ tacua̱x nax cuma quixĩxü̃ ya Cristu ya Üünecü ya Tupana Nane —ñanagürü.

Ore i mexü̃ ga Matéu ümatüxü̃ 12:18

“Daa nixĩ ya chorü duü̃ ya chomatama nüxü̃ chaxunetacü rü nüxü̃ changechaü̃cü rü namaxã chataãẽxü̃chicü. Rü nüxna tá chanamu i Chauãxẽ i Üünexü̃. Rü nüma rü ngẽma duü̃xü̃gü i tama Yudíugü ixĩgüxü̃maxã tá nüxü̃ nixu i ore i mexü̃ i aixcüma ixĩxü̃.

Ore i mexü̃ ga Márcu ümatüxü̃ 1:10

Rü yexguma dexáwa ínaxü̃ãchigu, rü Ngechuchu nüxü̃ nadau nax yangenaxü̃ ga daxũwa. Rü yema Tupanaãxẽ ya Üünecü rü wüxi ga muxtucurüxü̃ inanago, rü Ngechuchuna nangu.

Ore i mexü̃ ga Luca ümatüxü̃ 3:22

Rü Tupanaãxẽ ya Üünecü rü wüxi ga muxtucurüxü̃ inanago rü Ngechuchuna nangu. Rü daxũwa inanaxũ ga wüxi ga naga ga ñaxü̃: —Cuma nixĩ, Pa Chaunex, i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.