Miquéa 7:8 - Tupanaarü Ore

⁸ Pa Chorü Uanüx ¡taxṹ i cutaãxẽxü̃ nax guxchaxü̃ choxü̃ ngupetüxü̃! Erü woo ichayanguxgu, natürü wena táxarü ícharüdaama. Rü woo ẽanexü̃wa changexmagu i ñu̱xmax, rü nümatama ya Cori ya Tupana rü chorü omü nixĩ.

Miquéa 7:8 Referans Kwoze

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

Ichaía 9:2

Rü ngẽma Gariréaanecüã̱x ga noxri ẽanexü̃wa yexmagüxü̃ rü nüxü̃ nadaugü ga wüxi ga taxü̃ ga omü ga nangóonexẽẽruxü̃. Rü yema omü rü poraãcü tüxü̃ nangóonetanüxẽxẽ ga guxema ẽanexü̃wa yexmagüxe.

Wiyaegü 112:4

Rü yimá yatü rü ñoma wüxi i omü i ẽanexü̃wa ibáxixü̃rüxü̃ nixĩ naxca̱x i ngẽma togü i duü̃xü̃gü i mexü̃. Rü nüma rü namecüma rü nangechaü̃wa̱xe rü nixaixcüma.

Wiyaegü 27:1

Nüma ya Cori ya Tupana rü chorü omü rü chorü maxẽxẽruxü̃ nixĩ. ¿Rü texéxü̃ tá nixĩ i chamuü̃xü̃? Rü nüma ya Cori nixĩ i ínapoxü̃ãxü̃ i chorü maxü̃. ¿Rü texéxü̃ tá nixĩ i chamuü̃xü̃?

Abdía 1:12

Rü yema ngunexü̃ ga guxchaxü̃ nüxü̃ ngupetüxü̃gu ga peenexẽgü ga Acóbutanüxü̃, rü pemax, Pa Echaútanüxü̃, rü taxũchima name ga namaxã petaãẽgüama ga yema nüxü̃ ngupetüxü̃. Rü yema ngunexü̃ ga guxchaxü̃wa nagu nayexmagüxü̃gu ga Yudáanecüã̱xgü, rü taxũchima name ga pemax petaãẽgüama namaxã ga yema nüxü̃ ngupetüxü̃. Rü yexguma ngúxü̃wa nayexmagügu rü pema rü taxũchima name ga nüxü̃ pecugüeama.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Wiyaegü 38:16

Rü ngẽma cuxna naxca̱x chacaxü̃ nixĩ nax tama choxü̃ nacugüexü̃ i chorü uanügü rü tama nügü yacua̱xüü̃güxü̃ca̱x i ngẽxguma changuxgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:5

Rü ngéma rü tagutáma nachüta. Rü ngẽma norü duü̃xü̃gü, rü taxuca̱xtama nanaxwa̱xe i daparínaarü omü rü ẽ̱xna üa̱xcüarü ngóonexü̃, erü nümatama ya tórü Cori ya Tupana rü norü ngóonexẽẽruxü̃ tá nixĩ. Rü nümagü rü guxü̃gutáma ãẽ̱xgacügü nixĩgüecha.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Yox 31:29

Rü yexguma guxchaxü̃ naxca̱x ínguxgu ga yema chorü uanü rü taguma yemaca̱x chataãxẽ.

Wiyaegü 97:11

Rü ngẽma duü̃xü̃gü i mea maxẽxü̃ca̱x nixĩ i yangunexü̃xü̃. Rü ngẽma taãxẽ i aixcüma ixĩxü̃ rü ngẽma duü̃xü̃gü i tama chixexü̃ ügüxü̃ca̱x nixĩ.

Echequié 35:15

Rü cuma rü poraãcü cutaãxẽ ga yexguma nagu yanachixegu ga yema naane ga Iraétanüxü̃ noxrüxü̃ yauxgüxü̃. Natürü ngẽma guxcha tátama nixĩ i pexü̃ ngupetüxü̃ Pa Cheíarü Ma̱xpǘnex, rü guxü̃ma i curü naane Pa Edóü̃x. Rü ngẽma curü naane rü chianexü̃xü̃ tá nayanguxuchi. Rü ngẽxguma i curü duü̃xü̃gü rü tá nüxü̃ nicua̱xãchitanü nax choma chixĩxü̃ ya Cori ya Tupana’ ” —ñanagürü.

Wiyaegü 35:19

Rü tama chanaxwa̱xe i natüca̱xma choxü̃ nacugüe i chorü uanügü. Rü tama chanaxwa̱xe nax choxna nanuxetügüxü̃ i ngẽma duü̃xü̃gü i chauxchi aiexü̃ woo taxuxü̃ma i chixexü̃ chaxüyane.

Ore i mexü̃ ga Cuáü̃ ümatüxü̃ 16:20

Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Miquéa 7:10

Rü ñu̱xũchi nüma i ngẽma chorü uanü rü tá nüxü̃ nadau i ñuxãcü Tupana choxü̃ rüngü̃xẽẽxü̃ rü ngẽmaca̱x tá poraãcü naxãnee. Rü nüma i ngẽma chorü uanü rü choxü̃ ñanagürüchire̱x: —¿Ngexcü nixĩ ya yimá curü Cori ya Tupana? —ñanagürüchire̱x. Natürü wüxi i ngunexü̃ rü tá chataãxẽ i ngẽxguma nüxü̃ chada̱u̱xgu nax nagu napúgüxü̃ i chorü uanü ñoma namaarü ãcharaxü̃gu napúgüxü̃rüxü̃.

Echequié 25:6

Rü choma ya Cori ya Tupana rü pemaxã nüxü̃ chixu rü ñachagürü pexü̃: “Pema, Pa Amóü̃tanüxü̃x, rü yexguma guxchawa nayexmagügu ga Iraétanüxü̃ rü pema rü perü taãẽmaxã pepéxme̱xgü rü piyuxnetanücüü rü yemaacü nüxü̃ pecugüe ga yema Iraétanüxü̃.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Yeremía 50:11

Rü pema, Pa Cadéugüx, rü yexguma chorü duü̃xü̃güarü yemaxü̃gü pinaxgu rü poraãcü petaãẽgü. Rü ñoma wocaxacü i mecü ya maxẽnecüwa yuxnagüxü̃rüxü̃ petaãẽgü. Rü ñoma cowarugürüxü̃ petagagü.

Ichaía 49:9

Rü pema rü tá ñaperügü nüxü̃ i ngẽma poxcuexü̃: “¡Marü ípenguxü̃!” ñaperügü tá. Rü ngẽma ẽanexü̃wa ngẽxmagüxü̃ rü tá ñaperügü nüxü̃: “¡Ípechoxü̃ rü nangóonexü̃wa pexĩ!” ñaperügü tá. Pema rü guxü̃ma i namagücüwawa tá nüxü̃ peyangau i mecü ya maxẽ, rü guxü̃ne ya ma̱xpǘnegüwa rü tá nayima ya maxẽ naxca̱x i perü wocagü.

Ichaía 2:5

Pa Acóbutanüxü̃x i Duü̃xü̃güx, ¡Ngĩxã, Cori ya Tupanaga taxĩnüe rü nüma nanaxwa̱xexü̃ãcüma nagu tamaxẽ i norü ore!

Wiyaegü 37:24

Rü woo ega nanguxgu ya yimá yatü rü taxũtáma ngéma nangẽxmaecha, erü nüma ya Cori ya Tupana rü naxme̱xgu ningĩ rü wenaxarü inanachixẽxẽ.

Wiyaegü 37:21

Rü ngẽma duü̃xü̃ i chixexü̃ rü ngẽxguma texéxü̃tawa diẽruca̱x ínaca̱xgu rü taguma nanatáeguxẽxẽ. Natürü yimá yatü ya mecü rü nüxü̃́ tangechaü̃tümüxü̃ ya namücü rü norü ngẽmaxü̃gü tümamaxã nangau.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

2 Corintios 4:9

Rü woo towe ingẽxü̃tanügu i torü uanügü, natürü ya Tupana rü taguma toxü̃ ínawogü. Rü woo duü̃xü̃gü toxü̃ napíexẽẽgu, natürü tama tayue.

Wiyaegü 20:8

Rü ngẽma tama Cori ya Tupanaxaxü̃́ yaxõgüxü̃ rü tá nayuemare, natürü yíxema i yaxõgüxe rü tá nüxü̃ tarüporamae i ngẽma uanügü.

Yeremía 8:4

Cori ya Tupana rü Yeremíaxü̃ ñanagürü: —Cuma Pa Yeremíax, ¡chauégagu duü̃xü̃gümaxã nüxü̃ ixu i ñaa ore! “Rü ngẽxguma wüxíe iyanguxgu, rü wena itachi. Rü ngẽxguma namana ítaxücugu, rü tügü tataegu naxca̱x i nama i noxri nagu tixũxü̃.

Yeremía 48:27

Rü pema i Moáanecüã̱xgüx, ¿tama ẽ̱xna ga ü̃pa rü nüxü̃ pecugüexü̃ ga Iraétanüxü̃ rü chixri nachiga pidexagüxü̃, ñoma wüxi i ngĩ́ta̱xaxü̃rüxü̃?

Echequié 36:5

Erü Cori ya Tupana rü ñanagürü: Choma rü chorü numaxã chidexa ga yexguma poxcu namaxã chaxueguxgu ga yema togü ga nachixü̃anegü. Rü yexera yema Edóü̃chixü̃aneca̱x nixĩ i ngẽma poxcu yerü taãẽãcüma nügüaxü̃́ nanayauxgü ga chorü naane rü ñu̱xũchi chorü duü̃xü̃gü ga Iraétanüxü̃xü̃ nacugüeãcüma norü naanegüwa nayabuxgü ga nanetügüarü o rü nayagagü ga naxü̃nagü’ ” —ñanagürü.

Miquéa 4:10

Pa Ĩane ya Chióü̃x, ¡ínaxã̱ũ̱xcüta rü aita naxü ñoma wüxi ya ngexe ya íxraxacüchaü̃xerüxü̃! Erü ngẽma curü duü̃xü̃gü rü cuwa tá ínachoxü̃ rü ngürüanegumare yapexü̃tanüãcü tá Babiróniawa nangugü. Natürü wüxi i ngunexü̃ rü nüma ya Cori ya Tupana rü tá ngéma norü uanügüme̱xẽwa ínananguxü̃xẽxẽ i curü duü̃xü̃gü.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Wiyaegü 143:3

Rü ngẽma chorü uanügü rü chowe ningẽxü̃tanü rü waixü̃müwa choxü̃ nayapotügü. Rü ẽanexü̃gu choxü̃ napoxcu nax ngéma chamaxü̃xü̃ca̱x naxrüxü̃ ga yema nũxcüma yuexü̃.