Miquéa 7:6 - Tupanaarü Ore

⁶ Rü ngẽma nanegü rü tauxü̃táma nanatüga naxĩnüe, rü ngẽma ingexü̃ i naxacügü rü naémaxã tá nanue. Rü ngẽma naneã̱xgü rü na̱xẽgüchi tá naxai. Rü ngẽma tümaarü uanü ixĩgüxü̃ rü tümatanüxü̃tama nixĩgü.

Miquéa 7:6 Referans Kwoze

Ore i mexü̃ ga Luca ümatüxü̃ 12:53

Rü papa rü tá nayaxõ rü nane rü tama nayaxõ, rüe̱xna nane rü tá nayaxõ natürü nanatü rü tama nayaxõ. Rü ngẽxgumarüxü̃ ta i mama rü tá iyaxõ rü ngĩxacü rü tama iyaxõ, rüe̱xna ngĩxacü rü tá iyaxõ rü ngĩé rü tama iyaxõ. Rü ngĩ̱xẽ rü tá iyaxõ rü ngĩneã̱x rü tama iyaxõ, rüe̱xna ngĩneã̱x rü tá iyaxõ rü ngĩ̱xẽ rü tama iyaxõ —ñanagürü ga Ngechuchu.

Ore i mexü̃ ga Matéu ümatüxü̃ 10:21

Rü nügüenexẽgüwa rü tá nügü ínaxuaxü̃gü nax ãẽ̱xgacügü yama̱xgüxü̃ca̱x. Rü ngẽxgumarüxü̃ ta i nanatügü rü tá naxacügüxü̃ ínaxuaxü̃gü, rü naxacügü rü tá nanatügüxü̃ ínaxuaxü̃gü nax ãẽ̱xgacügü tüxü̃ da̱i̱xü̃ca̱x.

Wiyaegü 41:9

Rü woo ga yema rümemaexü̃ ga chomücü ga nüxü̃́ chayaxõxü̃ rü wüxiwa chomaxã chibüchiréxü̃, rü ñu̱xma rü chomaxã narüxuanü.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.

Ore i mexü̃ ga Cuáü̃ ümatüxü̃ 13:18

Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.

Ucu̱xẽgüchiga 30:11

Nangexma i duü̃xü̃gü i nanatümaxã chixexü̃ uegugüxü̃ rü tama naéxü̃ ngechaü̃güxü̃.

Ore i mexü̃ ga Luca ümatüxü̃ 21:16

Natürü i pema rü woo penatügü, rü peégü, rü peenexẽgü, rü peeya̱xgü, rü petanüxü̃, rü pemücügü rü tá napeechitaegü nax ãẽ̱xgacügüxü̃tawa pexü̃ íyaxuaxü̃güxü̃. Rü ñuxre i pemax rü tá pexü̃ nadai.

Ore i mexü̃ ga Matéu ümatüxü̃ 26:23

Rü nüma ga Ngechuchu nanangãxü̃ rü ñanagürü: —Ngẽma yimátama poratuwa wüxigu chomaxã yawaixẽẽxü̃ i norü paũ, rü ngẽma tá nixĩ i chauechita choxü̃ íyaxuaxü̃xü̃.

Abdía 1:7

Rü guxü̃ma ga yema nachixü̃anegü ga cuxü̃ ípoxü̃güchiréxü̃, rü ñu̱xma rü curü naanewa cuxü̃ ínata̱xüchigü. Rü woo ngẽma cumücügüxüchi ixĩgüxü̃ rü cumaxã narüxuanügü. Rü ngẽma cumücügü i nagu cuyaxõxü̃ rü guxchaxü̃ cuxca̱x ínanguxẽxẽ. ¡Pa Edóü̃x, cuma rü tama cua̱x cuxü̃́ nangẽxma! —ñanagürü ga Tupana.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Yeremía 12:6

Rü woo ngẽma cuenexẽgü rü woo cupatacüã̱xgü rü cuechita chixexü̃ cumaxã nixugüe. ¡Rü taxṹ i nüxü̃́ cuyaxõxü̃ ega woo mexü̃ i dexamaxã cumaxã yadexagügu! —ñanagürü ga Cori ya Tupana.

Ucu̱xẽgüchiga 30:17

Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.

2 Chamué 16:11

Rü nüma ga Dabí rü yexgumatama Abicháixü̃ rü guxü̃ma ga norü churaragüeruxü̃ ñanagürü: —Rü ñu̱xma nax chaunetamachire̱x choxü̃ imáxchaxü̃xü̃ rü yexera ñaa yatü i Bẽyamíü̃tanüxü̃ nüxü̃́ nangẽxma i ta̱xacüca̱x choxü̃ yamáxchaü̃xü̃. Rü nüetama nax ta̱xacü chomaxã yaxugüxü̃. Rü bexmana woetama ngẽmaãcü nixĩ i Cori ya Tupana namuxü̃.

Naanearü ügüchiga 49:4

Natürü i ñu̱xma rü taxũtáma marü cuma nixĩ i cuenexẽgüétüwa cungexmaxü̃. Erü cuma rü ñoma yuape ya tacü ya taxucürüwama íyachaxãchixẽẽcürüxü̃ quixĩ rü chixexü̃ chomaxã cuxü ga yexguma cho̱xma̱xmaxã icupexgu”.

Ichaía 9:19

Rü yimá Cori ya Tupana ya Guxãétüwa Ngẽxmacüarü nugagu nixĩ i yaxãxü̃ i Iraétanüxü̃arü naane, rü ngẽma üxüema nixĩ i yaguxü̃ ya ĩane. Rü duü̃xü̃gü rü taxũtáma nügüenexẽmaxã nügü nangechaü̃gü. Rü taiyamaxã tá nanaxĩ̱xãchiãẽgü. Rü yíxema norü tügünecüwagu ãchixü̃xẽ rü tá tümawemüca̱x nangĩ̱x rü noxtacüma nayaga, natürü tá nataiyaama. Rü ngẽma to rü tá yíxema norü to̱xwecüwagu ãchiü̃xẽ rü tá tüxna nanapu i tümaarü õna, natürü taxũtáma nüxü̃́ ningu. Rü duü̃xü̃gü rü düxwa tá naxacügümaxã nixãwemü.

Yeremía 9:4

Rü wüxichigü i pema rü pegüna pedaugü nax tama pexü̃ nawomüxẽẽxü̃ca̱x i pemücü. Rü woo i peenexẽxü̃chi rü tama name i nüxü̃́ peyaxõgü. Erü guxü̃ma i ngẽma peenexẽgü rü nawomüxẽẽwa̱xegü. Rü guxü̃ma i pemücügü rü chixri pechiga nidexagü.

Ichaía 3:5

Rü perü ĩanewa rü tá taxü̃ i guxchaxü̃ ínangu, rü duü̃xü̃gü rü tá nügü nadai, rü woo nügümücügümaxã rü tá ta nügü nadai. Rü ngẽma ingextü̱xüxü̃ rü tá yaxguã̱xgüxü̃ tachoxü̃gagü, rü ngẽma duü̃xü̃gü i taxúema nüxü̃ cuáxchaxü̃xü̃ rü tá naxchi naxaie i ngẽma duü̃xü̃gü i tachigaxü̃.