Miquéa 7:17 - Tupanaarü Ore

¹⁷ Rü ngẽma duü̃xü̃gü rü ñoma ãxtaperüxü̃ waixü̃müte̱xe tá nadexgü, ngẽma togü i waixü̃mügu nügü itúgüxü̃rüxü̃. Rü ngẽma íyacu̱xgüxü̃wa tá ínachoxü̃ rü norü muü̃maxã tá cuxca̱x naxĩ, Pa Cori, Pa Torü Tupanax.

Miquéa 7:17 Referans Kwoze

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Wiyaegü 72:9

Rü ngẽma ãẽ̱xgacüarü uanügü i chianexü̃gu ãchiü̃güxü̃ rü name nixĩ i yimá ãẽ̱xgacüpe̱xewa waixü̃müte̱xegu nanangücuchigü.

Wiyaegü 18:45

Rü ngẽma togü i nachixü̃anecüã̱xgü rü choxü̃ namuü̃e, rü ngẽma íyacu̱xgüxü̃wa rü du̱xruxeãcü ínachoxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Chacaría 14:5

Rü pema rü ngẽma ngategu tá pibuxmü nax pixüxü̃ca̱x. Erü ngẽma ngate rü tá nida ñu̱xmata Acháxwa nangu i norü tocüwawa ya yima ma̱xpǘne. Rü ngẽmaãcü tá pibuxmü naxrüxü̃ ga perü o̱xigü ga yexguma ĩã̱xãchianecha̱xwa nabuxmügu ga yexguma Uchía ãẽ̱xgacü ixĩxgu ga Yudáanewa. Rü Cori ya Tupana rü tá núma naxũ namaxã i guxü̃ma i ngẽma üünegüxü̃.

Auxexü̃chiga 3:29

Rü name nixĩ i Cori ya Tupanape̱xegu nügü ínaxíraxü̃, rü waixü̃müanegu nayangücuchixü̃. Rü bexmana ngẽmaãcü Cori ya Tupana tá nüxü̃́ nüxü̃ narüngüma i norü chixexü̃.

Yeremía 33:9

Rü Yerucharéü̃ rü tá choxü̃ nataãxẽxẽxẽ rü tá choxü̃ natachigaxẽxẽ rü tá choxü̃ nicua̱xüxü̃ nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü ngẽxguma ngẽma nachixü̃anegü nüxü̃ cuáchigagügu i guxü̃ma i ngẽma ngü̃xẽẽgü i Yerucharéü̃arü duü̃xü̃güca̱x íchanguxẽẽxü̃ rü ngẽma mexü̃gü i nüxna chaxãxü̃, rü ngẽma nachixü̃anegü rü norü muü̃maxã tá nidu̱xruxe’ ” —ñanagürü.

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

Ichaía 65:25

Rü ngẽma airu i naixnecücüã̱x rü tá carnérumaxã wüxiwa nachibüe. Rü ngẽma leóü̃ rü wocarüxü̃ tá maxẽ nangõ̱x. Rü ngẽma ãxtape rü marü taxũtáma tüxü̃ nangõ̱x, erü ngẽma waixü̃mü tá nangõ̱x. Rü guxü̃wama ya yima ma̱xpǘne ya chopata nawa ngẽxmanewa rü taxúetama ya texé chixexü̃ taxü —ñanagürü. Rü nüma ya Cori ya Tupana nixĩ i ngẽma ñaxü̃.

Ichaía 64:2

Rü ngẽxguma núma cuxũxgu rü ñoma üxü i chuchuxü̃necü ixaxexẽẽxü̃rüxü̃ tá quixĩ, rü ñoma üxü i dexá idocachiüxẽẽxü̃rüxü̃ tá quixĩ. Rü ngẽxguma i ngẽma curü uanügü rü tá nüxü̃ nacua̱xgü nax cuxicatama Tupana quixĩxü̃. Rü ngẽma nachixü̃anegüarü duü̃xü̃gü rü tá cupe̱xewa nidu̱xrue.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Ichaía 59:19

Rü ngẽxguma nüxü̃ nadaugügu i Tupanaarü pora, rü guxü̃ma i duü̃xü̃gü i éstewa rü ñu̱xmata oéstewa maxẽxü̃ rü tá muü̃maxã nidu̱xrugü. Erü nüma ya Cori ya Tupana rü ñoma natü i nagoxü̃chíüxü̃ i tacü ya buanecü icuexü̃chíüxü̃rüxü̃ tá ínangu.

Ichaía 25:3

Rü ngẽmaca̱x wüxi i nachixü̃ane i poraxü̃ rü tá cuxü̃ nicua̱xüxü̃, Pa Tupanax, rü ngẽma duü̃xü̃gü i taxúxexü̃ma ngechaü̃xü̃ rü tá cuxü̃ namuü̃e.

Wiyaegü 9:20

Pa Corix ¡namuü̃exẽxẽ i ngẽma tama cuxü̃ cua̱xgüxü̃! ¡Rü nüxü̃ nüxü̃ nacua̱xẽxẽ nax nümagü rü duü̃xü̃gümare yixĩgüxü̃!

1 Chamué 14:11

Rü yemaacü ga yema taxre rü Firitéugüarü churaragütücumüxü̃ nügü nadauxẽẽgü. Rü yexguma nüxü̃ nadaugügu, rü ñanarügügü: —Dücax, yea Ebréugü rü marü ngẽma naxmaxü̃gü i nagu yacu̱xgüxü̃wa ínachoxü̃ —ñanagürügü.

Yochué 9:24

Rü nümagü rü Yochuéxü̃ nangãxü̃gü rü ñanagürügü: —Rü ngẽmaãcü pemaxã nüxü̃ tixu erü poraãcü pexü̃ tamuü̃e erü nagu tarüxĩnüe nax toxü̃ pedaixü̃. Yerü nüxü̃ tacuáchigagü ya yimá perü Cori ya Tupana rü norü duü̃ ga Moichéxü̃ namu nax pexna naxããxü̃ i guxü̃ma i ñaa naane rü nadaiaxü̃ i guxü̃ma i duü̃xü̃gü i ñaa naanegu ãchiü̃güxü̃.

Wenaxarü naxümatü ga Tupanaarü mugü 32:24

Rü ngẽxma tá taiyamaxã rü axü̃nemaxã nayue. Rü wüxi i da̱xaweane i poraxü̃maxã tá chayanaxoxẽxẽ. Rü naxca̱x tá ngéma chanamugü i naeü̃gü i düraexü̃ rü ãxtapegü i waixü̃mügu itúgüxü̃ i ngṍxwa̱xegüxü̃.

2 Chamué 22:46

Rü ngẽma duü̃xü̃gü i togü i nachixü̃anecüã̱x rü choxü̃ namuü̃e rü ngẽma íyacu̱xgüxü̃wa du̱xrueãcü ínachoxü̃.

Norü taxre ga to ga popera ga ãẽ̱xgacügüchiga ümatüxü̃ 17:10

Rü norü ãẽ̱xgacügü ga yema togü ga nachixü̃anegü ga nüxna ngaicamagüxü̃ rü Cori ya Tupanaxü̃ namuü̃e. Rü yemaca̱x taxuxü̃ma ga yema ãẽ̱xgacügü rü Yochapámaxã nügü nadaixchaü̃.

Wiyaegü 72:11

Rü guxü̃ma i togü i nachixü̃anegüarü ãẽ̱xgacügü, rü name nixĩ i torü ãẽ̱xgacüpe̱xegu nacaxã́pü̱xügü. Rü guxü̃ma i ngẽma togü i nachixü̃anegüarü duü̃xü̃gü, rü name nixĩ i torü ãẽ̱xgacüaxü̃́ napuracüe.

Ichaía 7:19

Rü guxü̃ma i ngẽma churaragü rü tá nügü ninu nagu i ngẽma doxonexü̃gü, rü nutaarü ãxmaxü̃gu, rü naanegü i tuxunecüã́xü̃gu, rü nachicagü i wocagü nawa axegüxü̃gu.