Miquéa 6:9 - Tupanaarü Ore

^9-10 Rü nüma ya Cori ya Tupana rü naxca̱x naca i Yerucharéü̃cüã̱xgü. Rü ngẽma duü̃xü̃gü i naãẽxü̃ cuáxü̃ nixĩ i aixcüma naga ĩnüexü̃. Rü nüma rü ñanagürü: —¡Iperüxĩnüe, Pa Yerucharéü̃cüã̱xgü rü yima ĩanearü ucu̱xẽruxü̃gü! Rü ngẽma duü̃xü̃gü i chixexü̃gu maxẽxü̃patawa nangẽxma i ngẽmaxü̃gü i chixexü̃wa nayaxuxü̃. Rü ngéma nangẽxma i norü yáruxü̃ i chixexü̃ i naxchi chaxaixü̃.

Miquéa 6:9 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Chofonía 3:2

Rü tama Cori ya Tupanaarü ucu̱xẽ cuyaxu rü tama curü me nixĩ nax cuxü̃ naxucu̱xẽxü̃. Rü tama Cori ya Tupanaaxü̃́ cuyaxõ rü tama nüxna cungaicamachaü̃.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Ichaía 30:27

Dücax, nüma ya Cori ya Tupana rü yáxü̃wa ne naxũ. Rü ngẽma norü nu rü ninai caixemaxü̃ i pamüemaxü̃maxã. Rü ngẽma naberagü rü numaxã nanapagü. Rü yima norü conü rü ñoma üxüema i tüxü̃ iguxü̃rüxü̃ nixĩ.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Amúx 6:1

—¡Pegümaxã pengechaxü̃gü, Pa Chióü̃cüã̱x! Pema rü perü ĩanena perüyoü̃ rü petaãxẽgü erü nagu perüxĩnüe rü taxuxü̃táma pexü̃ nangupetü. Rü ngẽxgumarüxü̃ ta ¡pegümaxã pengechaxü̃gü i pema i Chamáriaarü ĩanena rüyoü̃xẽ! Pema rü nagu perüxĩnüe nax naporaxü̃ ya yima ĩane rü ngẽmaca̱x taxuxü̃táma pexü̃ nangupetü. Rü pema i Iraéanecüã̱x rü ngẽma ĩanearü ãẽ̱xgacügüaxü̃́ peyaxõ erü nagu perüxĩnüe rü tá pexü̃ ínapoxü̃gü.

Amúx 2:5

Rü ngẽmaca̱x tá üxümaxã chayagu i Yudáane. Rü ngẽma üxüema tá nixĩ i yima Yerucharéü̃arü ãẽ̱xgacüpatagü iguxü̃ —ñanagürü ga Cori ya Tupana.

Ochéa 13:16

Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Ichaía 66:6

Rü ĩanewa rü Tupanapata ya taxü̃newa inanaxũ i wüxi i naga. Rü ngẽma naga nixĩ i Tupanaga i namaxã yangagüãxü̃ i norü uanügü.

Ichaía 27:10

Rü yima ĩane ya ípoxegune rü nagu napogüe ñoma wüxi ya ĩpata ya ngéma ta̱xmarenerüxü̃. Rü ñoma naane i taxúema ixãpataxü̃warüxü̃ nixĩ. Rü wüxi i nachica i wocagü nawa chibüexü̃ rü naixchacüügü nawa nangõ̱xgüxü̃ rü ñu̱xũchi nagu nacagüxü̃ nixĩ.

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Ichaía 9:13

Natürü nüma i Iraétanüxü̃ rü tama yimá Tupana ya napoxcuecüca̱x nawoegu, rü tama naga naxĩnüechaü̃ ya yimá Tupana ya Guxãétüwa Ngẽxmacü ya poraxüchicü.

Ucu̱xẽgüchiga 22:3

Ngẽma naãẽxü̃ cuáxü̃, rü ngẽxguma nape̱xewa nangẽxmagu i wüxi i ãũcümaxü̃, rü naxcha̱xwa nixũgachi, natürü ngẽma naechitamare maxü̃xü̃ rü nawa naxũãma i ngẽma ãũcümaxü̃, rü nagagutama nagu nangu.

Wiyaegü 107:43

Rü yíxema tümaãẽxü̃ cuáxe rü name nixĩ i nagu tarüxĩnüxü̃ i ñaa tümamaxã nüxü̃ chixuxü̃ nax ngẽmaãcü nüxü̃ tacuáxü̃ca̱x nax poraãcü tüxü̃ nangechaü̃xü̃ ya tórü Cori ya Tupana.

Wiyaegü 83:18

Rü ngẽmaãcü tá nüxü̃ nacua̱xgü nax cuxicatama yixĩxü̃ i Cori ya Tupana quixĩxü̃, rü cuxicatama yixĩxü̃ i Guxãétüwa Cungexmaxü̃ i ñoma i naanewa.

Wiyaegü 48:10

Pa Tupanax, guxü̃wama i ñoma i naanewa rü cuxü̃ nicua̱xüü̃gü, rü nüxü̃ nicua̱xüü̃gü i cuéga. Rü yima curü tügünechacüüarü poramaxã mea tomaxã icucua̱x.

Wiyaegü 9:16

Rü nüma ya Cori ya Tupana rü nügü inawe̱x nax ãẽ̱xgacü ya aixcümacü yaxĩxü̃ rü tümaétüwa naxǘ ya yíxema mexü̃ üxe. Natürü nanangexrü i ngẽma chixexü̃ üxü̃ rü ngẽmaca̱x nagu tá nangu ya yima yüta ya nümatama naxüxü̃ne.

Yox 10:2

¡Pa Tupanax, rü taxṹ i cuyachoguãchixẽxẽxü̃! ¡Rü chomaxã nüxü̃ ixu ega ta̱xacürü chixexü̃ cupe̱xewa chaxüxgu!

Yox 5:17

Rü nataãxẽ ya yimá yatü ya Tupana ucu̱xẽcü. ¡Rü taxṹ i nüxü̃ cuxoxü̃ ya yimá Guxãétüwa Ngẽxmacüarü ucu̱xẽ!

2 Chamué 21:1

Yexguma Dabí ãẽ̱xgacü ixĩxgu rü 3 ga taunecü taiya nangu̱x. Rü nüma ga Dabí rü Cori ya Tupanamaxã nidexa. Rü nüma ga Cori ya Tupana rü Dabíxü̃ nangãxü̃ rü ñanagürü nüxü̃: —Ngẽma nax taiya ngúxü̃ rü nüma ga Chaú rü natanüxü̃ máetagüxü̃gagu nixĩ, yerü nanadai ga muxü̃ma ga Gabaóü̃cüã̱xgü —ñanagürü nüxü̃.

Yeremía 47:7

¿Natürü cumax, Pa Tarax, rü ñuxãcü tá ícuyachaxãchixü̃ ega Cori ya Tupana cuxna ãgagu rü cuxü̃ namuxgu nax naxca̱x ícuyagoõchixü̃ ya ĩane ya Acharóü̃ rü guxü̃ma i ngẽma duü̃xü̃gü i márcutüwa ngẽxmagüxü̃?

Miquéa 6:8

Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Yox 23:14

Rü ngẽma nüma nanaxwa̱xexü̃ nax chomaxã naxüaxü̃ rü tá nanaxü. Rü guxü̃ma i ngẽma nagu naxĩnüxü̃ rü tá chomaxã nanaxü.

Echequié 7:9

Rü marü taxũtáma choxü̃́ pengechaxü̃tümüxü̃gü. Rü ngẽma pecüma i chixexü̃gagu tá pexü̃ chapoxcu nax ngẽmaãcü penaxütanüxü̃ca̱x ga yema chixexü̃gü ga pexügüxü̃. Rü pema rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ nax pexü̃ chapoxcuexü̃.