Miquéa 6:8 - Tupanaarü Ore

⁸ Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Miquéa 6:8 Referans Kwoze

Ucu̱xẽgüchiga 21:3

¡Nagu namaxü̃ i ngẽma nacümagü i mexü̃, rü ngẽma nixĩ i guxü̃ma i ãmaregüarü yexera Tupanaca̱x rümemaexü̃!

Colosenses 3:12

Rü ñu̱xma ya Tupana rü pexü̃ nangechaü̃ i pema rü pexü̃ nidexechi nax noxrü pixĩgüxü̃ca̱x. Rü ngẽmaca̱x name nixĩ i nagu pexĩ i ngẽma mexü̃ i nacümagü, rü pexü̃́ nangechaü̃tümüü̃gü i duü̃xü̃gü, rü namaxã pemecümagü, rü taguma pegü picua̱xüü̃gü rü tama penuxwa̱xegü, rü yáxna pexĩnüe ega guxchaxü̃ pexca̱x ínguxgu.

Yeremía 22:3

¡Rü mea duü̃xü̃gümaxã inacua̱x rü mexü̃ i nacümagu pemaxẽ i ñaa nachicawa! ¡Rü ngẽma diẽruã̱xgüxü̃me̱xẽwa tüxü̃ ínanguxü̃xẽxẽ ya yíxema duü̃xẽgü i chixri tümamaxã inacua̱xgüxe! ¡Rü taxṹ i chixri namaxã pixĩgüxü̃ i ngẽma to i nachixü̃anecüã̱xgü, rü yíxema taxcutagü, rü ñu̱xũchi yíxema yutegüxe! ¡Rü taxṹ i ñaa nachicagu tüxü̃ pimáxü̃ ya yíxema duü̃xẽ ya taxuxü̃ma i chixexü̃ üxe!

Ochéa 6:6

Rü ngẽma choma pexü̃́ chanaxwa̱xexü̃ nixĩ nax aixcüma choxü̃ pengechaü̃xü̃, rü ngexrüma nax ta̱xacürü naxü̃nagü cha̱u̱xca̱x pedaixü̃. Rü ngẽma chanaxwa̱xexü̃ nixĩ nax aixcüma choxü̃ pecuáxü̃ nax perü Tupana chixĩxü̃ rü ngexrüma i ta̱xacürü ãmare i cha̱u̱xca̱x nax ípeguxü̃.

1 Chamué 15:22

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Nüxíraxü̃xü̃ ga popera ga Pedru ümatüxü̃ 3:8

Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.

Ore i mexü̃ ga Luca ümatüxü̃ 6:36

Rü name nixĩ i pexü̃́ nangechaü̃tümüxü̃gü i ngẽma togü, ngẽma Penatü ya Tupanaaxü̃́ pengechaxü̃tümüxü̃güxü̃rüxü̃.

Ore i mexü̃ ga Luca ümatüxü̃ 11:42

Natürü wüxi i ngechaü̃ nixĩ i pexca̱x, Pa Parichéugüx, erü pema rü ngẽma penetügü i mentawa rü rúdawa rü berdúrawa rü Tupanana penaxã i ngẽma nüxna üxü̃, natürü tama tümagu perüxĩnüe ya yíxema ngearü diẽruã̱xgüxe rü tama aixcüma Tupanaxü̃ pengechaxü̃gü. Rü name i Tupanana penaxã i ngẽma nüxna üxü̃, rü naétü name i ngẽma ngearü diẽruã̱xgüxü̃na penaxã i perü diẽru.

Amúx 5:24

Natürü ngẽma pexü̃́ chanaxwa̱xexü̃ nixĩ nax guxü̃guma pemücügümaxã pixaixcümaxü̃ ñoma natü i guxü̃guma nagoxü̃chiüechaxü̃rüxü̃. Rü chanaxwa̱xe i ñoma dexá i chuxchuxü̃ i taguma gúxü̃rüxü̃ guxü̃guma mexü̃ nax pexüxü̃.

Ore i mexü̃ ga Matéu ümatüxü̃ 5:7

Tataãẽgü ya yíxema togü tüxü̃́ ngechaxü̃tümüxü̃güxe, erü tümagü rü tá ta Tupanaaxü̃́ tangechaxü̃tümüxü̃gü.

Efesios 4:32

Rü name nixĩ i pegü perüngü̃xẽẽgü rü pegümaxã pemecümagü, rü pegüxü̃́ pengechaü̃tümüxü̃gü i wüxichigü. Rü ngẽxguma petanüwa texé ta̱xacürü chixexü̃ pexca̱x ü̱xgu, rü name i tüxü̃́ nüxü̃ perüngü̃ma ya wüxíechigü, yema Cristugagu Tupana pexü̃́ nüxü̃ rüngü̃maxü̃rüxü̃ ga perü pecadugü.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Ochéa 12:6

¡Pa Iraétanüxü̃x, Tupanaca̱x pewoegu! ¡Rü aixcüma nüxü̃ pengechaü̃gü rü nüxü̃́xicatama peyaxõgü!

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Ore i mexü̃ ga Matéu ümatüxü̃ 5:3

“Tataãẽgü ya yíxema nüxü̃ icua̱xãchitanüxe i tümaarü pecadu rü Tupanawe rüxĩxe, erü tümaca̱x nixĩ i daxũguxü̃ i naane ya Tupana ãẽ̱xgacü ixĩxü̃wa.

Chofonía 2:3

Rü ngẽmaca̱x name nixĩ i Cori ya Tupanaca̱x pedaugü, Pa Guxãma i Aixcüma Nape̱xewa Mecümagüxe rü Naga Ĩnüexe i Norü Mugüx. ¡Rü nape̱xewa pixaixcümagü rü tama pegü picua̱xüü̃gü! Rü bexmana ngẽmaãcü nüma ya Cori ya Tupana rü tá pexü̃ ínapoxü̃ i ngẽma ngunexü̃ i nagu norü numaxã poxcu ínangu̱xẽẽxü̃.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Wiyaegü 37:26

Rü nüma ya yimá yatü ya mecü rü guxü̃guma duü̃xẽ nüxü̃́ tangechaü̃tümüxü̃ rü tüxna nanaxã ega ta̱xacüca̱x nüxna tacagügu. Rü nanegü rü norü taãẽxẽẽruxü̃ nixĩgü.

Neemía 9:13

Yemawena rü ma̱xpǘne ga Chinaígu ícurüxĩ, rü yéma daxũguxü̃ ga naanewa namaxã quidexa, rü yéma cunana ga mugü ga aixcüma mexü̃, rü ngu̱xẽẽtaegü ga aixcüma ixĩxü̃ rü ucu̱xẽgü ga mexü̃.

Wiyaegü 112:4

Rü yimá yatü rü ñoma wüxi i omü i ẽanexü̃wa ibáxixü̃rüxü̃ nixĩ naxca̱x i ngẽma togü i duü̃xü̃gü i mexü̃. Rü nüma rü namecüma rü nangechaü̃wa̱xe rü nixaixcüma.

Auxexü̃chiga 3:26

Rü name nixĩ i bexma ítanangu̱xẽẽgü ya Cori ya Tupanaarü ngü̃xẽxẽ.

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Wiyaegü 73:28

Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃. Rü cumax, Pa Cori Pa Tupanax, rü chorü poxü̃ruxü̃ quixĩ. Rü ngẽmaca̱x tá nüxü̃ chixuchiga i guxü̃ma i ngẽma cha̱u̱xca̱x cuxüxü̃.

Popera ga Chantiágu ümatüxü̃ 2:20

Pa Yatüx, tama name nax wüxi i duü̃xü̃ i tama naãxẽxü̃ cuáxü̃ quixĩ. ¿Tama ẽ̱xna nüxü̃ cucua̱x rü ngẽxguma cuyaxõmaregu, rü tama mexü̃ cuxü̱xgu, rü taxuwama name i ngẽma curü õ?

Romanos 7:16

Natürü i ñu̱xma nax chanaxüxü̃ i ngẽma tama chanaxwa̱xechiréxü̃ nax chaxüxü̃, rü ngẽmawa nüxü̃ chicua̱xãchi nax namexü̃ i ngẽma mugü.

Norü taxre ga to ga popera ga ãẽ̱xgacügüchiga ümatüxü̃ 32:26

Natürü yemawena ga Echequía rü nüxü̃ nicua̱xãchi ga norü chixexü̃ ga Tupanape̱xewa naxüxü̃ rü yemaca̱x nüxna naxca̱x naca nax nüxü̃́ nüxü̃ yanangümaxü̃ca̱x ga yema guxchaxü̃ ga naxpe̱xewa naxüxü̃. Rü yexgumarüxü̃ ta ga yema Yerucharéü̃cüã̱xgü rü ta nügü ínaxíragü ga Tupanape̱xewa. Rü yemaacü ga yexguma Echequía maxü̃gu rü nüma ga Tupana rü tama nanapoxcu ga yema Yudáanecüã̱xgü rü Yerucharéü̃cüã̱xgü.

1 Chamué 12:23

Rü ñu̱xma i choma rü tama chanaxwa̱xe i pecadu chaxü, rü ngẽmaca̱x taxũtáma nüxü̃ charüchau nax pexca̱x chayumüxẽxü̃. Rü tá pexü̃ changúexẽxẽama nax mea Cori ya Tupanaca̱x pemaxẽxü̃ rü mea nawe perüxĩxü̃ca̱x.

Romanos 9:20

Natürü Pa Yatüx, ¿texé quixĩ i cumax rü ngẽmaca̱x ngẽmaãcü Tupanaxü̃ cuyaxũgaxü̃? ¿Cuxca̱x rüe̱xna wüxi i tü̃xü̃ i waixü̃müwa üxü̃ rü namexü̃ i ngẽma norü üruü̃maxã nax ñaxü̃? “¿Rü tü̱xcüü̃ ngẽmaãcü choxü̃ cuxü nax ngẽmaãcü chixĩxü̃ca̱x i ñu̱xmax?” ñaxü̃.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Norü taxre ga to ga popera ga ãẽ̱xgacügüchiga ümatüxü̃ 33:23

Natürü nanatü ga Manaché rü Tupanape̱xegu nügü ínarüxíxra natürü nüma ga Amóü̃ rü taguma Tupanape̱xegu nügü ínarüxíxra rü yexeraxü̃ ga chixexü̃ nixüchigüama

2 Tesalonicenses 2:16

Rü tórü Cori ya Ngechuchu ya Cristu rü Tanatü ya Tupana ya tüxü̃ ngechaü̃cü rü guxü̃guma taãxẽ tüxna ãcü rü marü tamaxã namecüma rü ngẽmaca̱x tamaxã inaxuneta nax guxü̃gutáma naxü̃tawa ingẽxmagüxü̃.

Naanearü ügüchiga 5:22

Rü nüma ga Enóx rü guxü̃guma Tupana naxwa̱xexü̃ãcüma namaxü̃. Rü Matucharéü̃ buxguwena rü 300 ga taunecü namaxü̃ ga Enóx. Rü nüxü̃́ nayexma ga naigü ga nanegü rü naxacügü.

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

1 Corintios 7:16

¿Rü cumax, Pa Ngecü i Tupanaaxü̃́ Yaxõ̱xcüx, tama ẽ̱xna nüxü̃ cucua̱x rü ngürüãchi cugagu Tupanaaxü̃́ yaxõõxü̃ ya yimá cute? ¿Rü cumax, Pa Yatü i Tupanaaxü̃́ Yaxõ̱xcüx, rü tama ẽ̱xna nüxü̃ cucua̱x rü ngürüãchi cugagu Tupanaaxü̃́ yaxõõxü̃ i ngẽma cuxma̱x?

Norü taxre ga to ga popera ga ãẽ̱xgacügüchiga ümatüxü̃ 30:11

Natürü nümaxü̃ ga duü̃xü̃gü ga Achétanüxü̃ rü Manachétanüxü̃ rü Chaburóü̃tanüxü̃ rü Cori ya Tupanaga naxĩnüe rü Yerucharéü̃wa naxĩ.

Ore i mexü̃ ga Luca ümatüxü̃ 12:14

Natürü Ngechuchu rü ñanagürü nüxü̃: —Pa Yatüx, ¿texé perü ãẽ̱xgacüxü̃ choxü̃ tingucuchixẽxẽ nax chayatoyexü̃ca̱x i ngẽma penatüarü ngẽmaxü̃gü? —ñanagürü.

Wenaxarü naxümatü ga Tupanaarü mugü 30:15

¡Dücax! Ñu̱xma rü chanaxwa̱xe i nüxü̃ pixu i ngexü̃rüüxü̃ yixĩxü̃ i ngẽma pema penaxwa̱xexü̃. ¿Rü penaxwa̱xe i ngẽma mexü̃ i maxü̃wa tüxü̃ gaxü̃ rüe̱xna penaxwa̱xe i ngẽma chixexü̃ i yuwa tüxü̃ gaxü̃?

Ichaía 56:1

Tupana rü ñanagürü: —¡Nagu pemaxẽ i ngẽma aixcüma mexü̃ rü nagu pexĩ i ngẽma we̱xguxü̃! Erü paxa tá ichanawe̱x i chorü pora rü tá pexü̃ íchanguxü̃xẽxẽ.

Echequié 33:14

Rü ngẽxguma chi yu namaxã chixuxgu i wüxi i yatü i chixexü̃gu maxü̃xü̃, rü nüma rü nüxü̃ naxoxgu i ngẽma pecadu i nagu namaxü̃xü̃, rü mexü̃ naxü̱xgu, rü aixcüma yanguxẽẽãgu i ngẽma mexü̃ i nüxü̃ yaxuxü̃, rü natáeguxẽẽã̱xgu ga yema namücüarü ngẽmaxü̃ ga norü diẽruca̱x nüxna taxãxü̃, rü natáeguxẽẽã̱xgu ga yema naxca̱x nangĩ́xü̃, rü naga naxĩnügu i ngẽma mugü i maxü̃ ixãxü̃, rü nüxü̃ naxoxgu nax chixexü̃ naxüxü̃, rü aixcüma tá namaxü̃ rü taxũtáma nayu.

Miquéa 6:9

Rü nüma ya Cori ya Tupana rü naxca̱x naca i Yerucharéü̃cüã̱xgü. Rü ngẽma duü̃xü̃gü i naãẽxü̃ cuáxü̃ nixĩ i aixcüma naga ĩnüexü̃. Rü nüma rü ñanagürü: —¡Iperüxĩnüe, Pa Yerucharéü̃cüã̱xgü rü yima ĩanearü ucu̱xẽruxü̃gü! Rü ngẽma duü̃xü̃gü i chixexü̃gu maxẽxü̃patawa nangẽxma i ngẽmaxü̃gü i chixexü̃wa nayaxuxü̃. Rü ngéma nangẽxma i norü yáruxü̃ i chixexü̃ i naxchi chaxaixü̃.

Wenaxarü naxümatü ga Tupanaarü mugü 27:10

Rü ngẽmaca̱x i ñu̱xma i pema rü penaxwa̱xe nax naga pexĩnüexü̃ rü peyanguxẽẽxü̃ i ngẽma norü mugü i ñu̱xma pemaxã nüxü̃ chixuxü̃ —ñanagürü ga Moiché.

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Wiyaegü 101:1

Pa Cori Pa Tupanax, chorü wiyaemaxã cuxü̃ chicua̱xüxü̃ naxca̱x nax toxü̃ cungechaxü̃xü̃ rü tomaxã mea icucuáxü̃.

Yeremía 9:23

Rü nüma ya Cori ya Tupana rü ñanagürü: —Yíxema cua̱x tüxü̃́ ngẽxmaxe rü tama name i tügü namaxã ticua̱xüxü̃ i ngẽma tümaarü cua̱x. Rü woo yíxema nüxü̃ cuáxe nax duü̃xü̃gümaxã itacuáxü̃ rü tama name i ngẽmamaxã tügü ticua̱xüxü̃. Rü woo ya yíxema diẽruã́xẽ rü tama name i tümaarü diẽrumaxã tügü ticua̱xüxü̃.

Yeremía 22:16

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.