Miquéa 6:7 - Tupanaarü Ore

⁷ ¿Rü tá nataãẽxü̃ ya Cori ya Tupana ega ngẽxguma 1,000 i carnérugü naxca̱x íchaguxgu rüe̱xna 10,000 natügü i chíxü̃ naxca̱x chiguxgu? ¿Rü tá nataãẽxü̃ ega ngẽxguma chorü chixexü̃gagu naxca̱x chayaguxgu ya yimá chaune ya yacü?

Miquéa 6:7 Referans Kwoze

Norü taxre ga popera ga ãẽ̱xgacügüchiga 16:3

Rü nagu nixũ ga yema nacüma ga nüxíraxü̃güxü̃ ga Iraéanearü ãẽ̱xgacügü nagu ĩxü̃. Rü poraãcü chixexü̃ naxü, rü nawa nangu nax norü tupananetaca̱x wüxi ga nane tüxü̃ yaguxü̃. Rü yemaacü nagu nixũ ga yema nacümagü ga chixexü̃gü ga yema duü̃xü̃gü ga Tupana íwoxü̃xü̃ Iraétanüxü̃pe̱xewa.

Wiyaegü 51:16

Erü cuma rü tama cunaxwa̱xe nax ta̱xacürü ãmare cuxna chaxãxü̃ rüe̱xna ta̱xacürü ãmare cuxca̱x chiguxü̃. Rü choma rü chi cuxna chanaxã, natürü tama ngẽma nixĩ i namaxã cutaãẽxü̃.

1 Chamué 15:22

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

Ochéa 6:6

Rü ngẽma choma pexü̃́ chanaxwa̱xexü̃ nixĩ nax aixcüma choxü̃ pengechaü̃xü̃, rü ngexrüma nax ta̱xacürü naxü̃nagü cha̱u̱xca̱x pedaixü̃. Rü ngẽma chanaxwa̱xexü̃ nixĩ nax aixcüma choxü̃ pecuáxü̃ nax perü Tupana chixĩxü̃ rü ngexrüma i ta̱xacürü ãmare i cha̱u̱xca̱x nax ípeguxü̃.

Yeremía 7:31

Rü naétü ga yema chixexü̃ ga naxügüxü̃, rü Ben-inóü̃arü doxonexü̃gu ga Tópegu rü norü tupananetaca̱x nanaxügü ga wüxi ga ãmarearü guruxü̃ nax yéma nanegü rü naxacügü tüxü̃ ínaguxü̃ca̱x. Rü choma rü tama chanamu nax yema naxügüxü̃, rü bai ga chorü ĩnüwa nagu charüxĩnüxü̃.

Wiyaegü 50:9

Rü tama pexna naxca̱x chaca i ngẽma wocaxacügü i yatüxü̃ rü carnéruxacügü i yatüxü̃ i perü naxpüü̃wa ngẽxmagüxü̃.

Norü taxre ga popera ga ãẽ̱xgacügüchiga 23:10

Rü nüma ga Yochía rü yexgumarüxü̃ ta nagu napogü ga yema guruxü̃ ga buxegü nawa tüxü̃ ínaguxü̃ ga Ben-inóü̃arü doxonexü̃wa yexmaxü̃. Rü yemaacü nanaxü nax taxuxü̃ma yema tupananeta ga Molóxca̱x naxacüxü̃ rüe̱xna nanexü̃ yéma ínagugüxü̃ca̱x.

Norü taxre ga popera ga ãẽ̱xgacügüchiga 21:6

Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guruxü̃. Rü nagu namaxü̃ ga yuü ga naãẽgümaxã nawa yadexaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax ñuxãcü duü̃xẽxü̃ nachixexẽẽgüxü̃. Rü yemaacü poraãcü chixexü̃ naxü ga Tupanape̱xewa rü poraãcü Tupanaxü̃ nanuxẽxẽ.

Norü taxre ga popera ga ãẽ̱xgacügüchiga 3:27

Rü yemaca̱x nayayaxu ga nane ga yacü ga nachicüxü ãẽ̱xgacüxü̃ íxücuchaü̃cü rü ĩanearü poxeguxü̃tápü̱xétüwa nanaga. Rü yexma nayama̱x rü norü tupananetaca̱x nayagu. Rü yemagagu rü duü̃xü̃gü rü poraãcü Iraétanüxü̃maxã nanue. Rü yemaca̱x ga yema Iraétanüxü̃ rü nanabugü ga guma norü düxenügü rü nachixü̃aneca̱x nawoegu.

Ichaía 40:16

Rü guxü̃ma i Líbanuanewa ngẽxmagüxü̃ i naeü̃gü rü tama ningu nax wüxi i ãmare Tupanaca̱x iguxü̃. Rü ngẽma Líbanuwa ngẽxmagüxü̃ i naigü rü tama ningu nax norü ãmarearü guruxü̃arü üxü yixĩxü̃ca̱x.

Lebítanüxü̃arü puracüchiga 18:21

¡Rü taxṹ i tupananeta i Molóxarü ãmareca̱x cuyaguxü̃ ya wüxi ya cune! ¡Rü taxṹ i ngẽmamaxã choxü̃ cunuxẽxẽxü̃! Erü choma nixĩ i Iraétanüxü̃arü Tupana chixĩxü̃.

Popera ga Filemúü̃ca̱x naxümatüxü̃ ga Pauru 1:12

Rü ñu̱xma rü cuxca̱x chanatáeguxẽxẽ i nüma i Onéchimu. Rü chanaxwa̱xe i mea cunayaxu, ñoma choxü̃ cuyaxuxü̃rüxü̃.

Amúx 5:22

Rü tama chanaxwa̱xe i naxü̃nagü cha̱u̱xca̱x nax ípeguxü̃. Rü woo i ngẽma perü ãmare i trigu rü tama chanaxwa̱xe. Rü taxũtáma chanayaxu i ngẽma wocaxacügü i ngüexü̃ i cha̱u̱xca̱x pedaixü̃ nax ngẽmamaxã choxü̃ perüngüxmüexẽẽxü̃ca̱x.

Echequié 23:37

Rü ngĩma rü choxna iyangeãxẽ rü imáetagü rü ngẽmaca̱x nagümaxã iyaxãũãchime̱xẽ. Rü choxna iyaxĩgachi nax nüxü̃ yacua̱xüü̃güxü̃ca̱x ga ngĩrü tupananetachicüna̱xãgü. Rü yema ngĩrü tupananetagüca̱x tüxü̃ íigu ga guxema chauxacügü rü chaunegü ga ngĩwa choxü̃́ yexmagüxe.

Yeremía 19:5

Rü naétü ãmarearü guruü̃gü naxügü nax yemawa naxacüxe tüxü̃ ínagu naxca̱x ga tupananeta ga Baá. Rü ngẽma nacüma i chixexü̃ rü tama choma chanamu nax naxügüã̱xü̃ca̱x rü taguma namaxã nüxü̃ chixu rü bai i ñuxgu chauãẽwa ínanguxü̃ ga yema.

Yox 29:6

Rü yexguma ga lechi rü taguma nataxu ga chopatawa, rü chorü oribugü i nutatanügu togüxü̃wa ne naxũ ga taxü̃ ga chíxü̃.

Ãẽ̱xgacügü ga guxchaxü̃güarü mexẽxẽruü̃gü 11:39

Rü yexguma nangupetügu ga taxre ga tauemacü rü ngĩnatüca̱x itaegu. Rü ngĩnatü rü ngĩmaxã nayanguxẽxẽ ga yema Cori ya Tupanamaxã nüxü̃ yaxuxü̃. Rü Yetéacü rü iyu taxuxü̃ma ga yatüxü̃ ngĩxü̃ne cuáãcüma.

Lebítanüxü̃arü puracüchiga 20:1

Rü nüma ga Cori ya Tupana rü Moichémaxã nidexa rü ñanagürü nüxü̃:

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Ucu̱xẽgüchiga 21:3

¡Nagu namaxü̃ i ngẽma nacümagü i mexü̃, rü ngẽma nixĩ i guxü̃ma i ãmaregüarü yexera Tupanaca̱x rümemaexü̃!

Ichaía 1:1

Ñaa nixĩ ga ore ga Amú nane ga Ichaíaãẽwa Tupana ínguxẽẽxü̃ ga yexguma Yudáanecüã̱xarü ãẽ̱xgacügü yixĩxgu ga Uchía, rü Yotáü̃, rü Acháx rü Echequía. Rü yema orewa nüxü̃ nixu nax ta̱xacü tá nüxü̃ ngupetüxü̃ ga Yudáane rü ĩane ga Yerucharéü̃.

Ochéa 5:6

Natürü wüxi i ngunexü̃gu rü tá Cori ya Tupanaca̱x nadaugü rü naxca̱x tá nanadai rü nayagu i ãmaregü i wocagü rü carnérugü. Natürü taxũtáma nüxü̃ inayangaugü erü nüma ya Tupana rü marü nüxna nixũgachi.

Wiyaegü 51:18

Pa Cori Pa Tupanax ¡cuxü̃́ nangechaxü̃tümüxü̃ ya yima cupata ya Chióü̃wa ngẽxmane erü nüxü̃ cungechaü̃! ¡Rü curü duü̃xü̃güxü̃ rüngü̃xẽxẽ nax wena inachixẽẽxü̃ca̱x ya Yerucharéü̃arü poxeguxü̃!

Yeremía 6:20

¿Ta̱xacüca̱x i pema rü Chabáwa cha̱u̱xca̱x ne penana i pumaragü iyixichixü̃, rü ñu̱xũchi nanetügü i yixichixü̃ i yáxü̃guxü̃ i nachixü̃anegüwa ne penaxü̃? Choma rü tama chorü me nixĩ i ngẽma perü ãmaregü i cha̱u̱xca̱x ípeguxü̃, rü woo ngẽma togümare i perü ãmaregü i choxna pexãgüxü̃ —ñanagürü.