Miquéa 6:5 - Tupanaarü Ore

⁵ ¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

Miquéa 6:5 Referans Kwoze

Iraétanüxü̃arü muxchiga 25:1

Rü yexguma Chitíü̃gu naxãchiü̃gügu ga Iraétanüxü̃, rü yema norü yatügü rü inanaxügüe ga Moáanecüã̱xgüarü ngexü̃gümaxã nax namaxẽxü̃.

Ãẽ̱xgacügü ga guxchaxü̃güarü mexẽxẽruü̃gü 5:11

¡Rü yea puchugüwa rü guxü̃ne ya ĩanewa, rü pepaxetagüãcü rü pewiyaegüãcü nüxü̃ pixu nax Cori ya Tupana rü naporamaexü̃, rü Iraétanüxü̃ rü norü uanügüxü̃ naporamaegüxü̃!

Yochué 4:19

Rü nüma ga Iraétanüxü̃ rü meama nüxíraü̃cü ga tauemacüarü 10 ga ngunexü̃gu nixĩ ga nawa yachoü̃xü̃ ga natü ga Yudáü̃. Rü ĩane ga Guirigáarü ngaicamagu nayapexgü ga Yericúarü éstewaama.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:14

Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Norü taxre ga popera ga Pedru ümatüxü̃ 2:15

Rü ngẽma ngu̱xẽẽruü̃netagü rü tama nagu naxĩ i ngẽma Tupana nüxü̃́ naxwa̱xexü̃, rü ngẽmaca̱x inayarütauxe. Rü nagu naxĩ ga yema chixexü̃ ga nagu yaxũxü̃ ga nũxcümaü̃xü̃ ga Balaáü̃ ga Bochú nane ga chixexü̃gu diẽru ngĩxü̃ yauxchaü̃xü̃.

Wiyaegü 143:11

Pa Corix, cuégagu cuxna chaca nax choxü̃ cumaxẽẽxü̃ca̱x. ¡Rü choxü̃ ínanguxuchixẽxẽ nawa i ñaa ngúxü̃ i chingexü̃! Erü cuma rü cumecüma.

Wenaxarü naxümatü ga Tupanaarü mugü 16:3

Rü ngẽxguma penangõ̱xgu i ngẽma õna i Üpetüchigaarü ngunexü̃gu pengṍxü̃ rü paũ i ngearü pu̱xẽẽruü̃ã́xü̃maxã tá penangõ̱x. Rü wüxi i yüxü tá nixĩ i penangṍxü̃ i ngẽma paũ i ngearü pu̱xẽẽruü̃ã́xü̃. Erü ngẽma paũwa tá nüxna pecua̱xãchie nax ñuxãcü ngúxü̃ pingegüxü̃ ga Equítuanewa, rü yemaca̱x ñu̱xãẽãcüma nawa ípechoxü̃. Rü ngẽmaãcü i pema rü ñu̱xma nax pemaxẽxü̃gu rü tá nüxna pecua̱xãchie ga yema ngunexü̃ ga nagu Equítuanewa ípechoxü̃xü̃.

Wenaxarü naxümatü ga Tupanaarü mugü 9:7

Rü nüma ga Moiché rü ñanagürü: —¡Taxṹ i nüxü̃ iperüngümaexü̃ nax ñuxãcü yema chianexü̃wa Cori ya Tupanaxü̃ penuexẽẽxü̃! Rü yexguma Equítuanewa ípechoxü̃xgucürüwa rü ñu̱xmata ñaa i nachicawa nax pengugüxü̃gu rü guxü̃guma tama naga pexĩnüe.

Wenaxarü naxümatü ga Tupanaarü mugü 8:18

Rü name i nüxna pecua̱xãchie ya yimá perü Cori ya Tupana, erü nüma nixĩ i pexna naxããxü̃ i pora nax pexü̃́ nangẽxmaxü̃ca̱x i perü ngẽmaxü̃gü. Rü nüma i ñu̱xma rü ngẽmaãcü nixĩ i pemaxã yanguxẽẽãxü̃ ga yema norü uneta ga nũxcüma perü o̱xigümaxã nüxü̃ yaxuxü̃.

Efesios 2:11

Rü ngẽmaca̱x i pemax nax tama Yudíugü pixĩgüxü̃, rü name i nüxna pecua̱xãchie nax tama toma i Yudíugü i togü ítawíecha̱xmüü̃pe̱xechiraü̃güxü̃rüxü̃ pexĩgüxü̃ ga noxri. Rü toma nüxü̃ tixugüe nax tama Tupanape̱xewa pimexü̃ yerü tama pegü ípewíecha̱xmüxü̃pe̱xechiraü̃gü. Rü yexguma ga pema rü tama Cristuxü̃ pecua̱xgü, rü Iraétanüxü̃na peyáxü̃gugü. Rü tama pexca̱x nixĩ ga yema unetagü ga Tupana Yudíugüna ãxü̃. Rü ñoma ga naanewa pemaxẽmare, rü tama Tupanaxü̃ pecua̱x, rü taxuxü̃ma ípenangu̱xẽxẽ.

Wenaxarü naxümatü ga Tupanaarü mugü 8:2

¡Rü nüxna pecua̱xãchie ga ñuxãcü Cori ya Tupana rü 40 ga taunecü yema chianexü̃gu pexü̃ nimugü! Rü pexü̃ naxãneexẽxẽ rü pexü̃ naxü nax nüxü̃ nacuáxü̃ca̱x rü aixcüma naga tá pexĩnüe rü tá peyangu̱xẽxẽ i norü mugü rüe̱xna tama.

Iraétanüxü̃arü muxchiga 31:16

Erü nümagü nixĩ i Balaáü̃arü ucu̱xẽmaxã nawomüxẽẽgüãxü̃ ga Iraétanüxü̃ nax Tupanamaxã nanuexü̃ca̱x rü Baá-peúxü̃ yacua̱xüü̃güxü̃ca̱x. Rü yema chixexü̃gagu nixĩ ga Tupana nada̱i̱xü̃ ga tatanüxü̃.

Iraétanüxü̃arü muxchiga 31:8

Rü nanadai ga yema 5 ga Madiáü̃tanüxü̃arü ãẽ̱xgacügü ga Éwi, rü Requéü̃, rü Chú, rü Úru, rü Réba. Rü yexgumarüxü̃ ta nayama̱xgü ga Balaáü̃ ga Beúx nane.

Iraétanüxü̃arü muxchiga 23:27

Rü yexguma ga Baláx rü ñanagürü nüxü̃: —¡Ẽcü, ngĩxã rü tóxnamana tá cuxü̃ chaga! Rü bexmana ega ngẽma nachicawa chixexü̃ namaxã cuxuegu̱xgu i ngẽma Iraétanüxü̃ rü taxũtáma nanu ya Tupana —ñanagürü.

Iraétanüxü̃arü muxchiga 22:41

Rü moxü̃ãcü rü nüma ga Baláx rü Balaáü̃xü̃ ínayadau. Rü ma̱xpǘne ga Bamóx-baágu nanaxĩnagüxẽxẽ nax yéma nüxü̃ nadauxü̃ca̱x ga Iraétanüxü̃ íyexmagüxü̃wa.

Wiyaegü 111:4

Rü yema mexü̃ ga naxüxü̃ rü taxucürüwama nüxü̃ itarüngümae. Erü nüma ya Cori rü namecümaxüchi rü nüxü̃́ tangechaü̃tümüxü̃.

Wiyaegü 71:19

Pa Tupanax, ngẽma curü porachiga rü curü mecümachiga rü guxü̃wama nangu ñu̱xmata daxũguxü̃ i naanewa. Rü cuma rü cunaxü i taxü̃gü i mexü̃gü. Rü tataxuma ya texé ya cumaxã wüxiguxe.

Wiyaegü 36:10

Rü ngẽma curü duü̃xü̃gü i cuxü̃́ yaxõgüxü̃, rü ¡nüxü̃ nangechaü̃! Rü ngẽma duü̃xü̃gü i mexü̃gu rüxĩnüexü̃, rü mea namaxã inacua̱x!

1 Chamué 12:7

Rü pema rü ípemexẽẽgü erü Cori ya Tupanape̱xewa tá pexna nüxü̃ chacua̱xãchixẽxẽ i guxü̃ma i nüma pexca̱x rü perü o̱xigüca̱x naxüxü̃ woo tama aixcüma naga pexĩnüe.

Iraétanüxü̃arü muxchiga 33:49

Rü yemaacü ga yema Iraétanüxü̃ rü Yudáü̃cutüwa nayexmagü ga Moáanearü metachinüxü̃wa. Rü ĩane ga Bex-yechimóxwa inaxügü rü ñu̱xmata ĩane ga Abé-chitíü̃wa nangu nax naxüãcuaneãxü̃.

Yochué 2:1

Rü yexguma Chitíü̃wa nayexmagügu, rü nüma ga Yochué rü bexma inanamuãchitanü ga taxre ga ngugütaeruü̃gü, rü ñanagürü nüxü̃: —¡Ẽcü peyangugü i ngẽma naane i Yudáü̃arü tocutüwa ngẽxmaxü̃ rü ñu̱xmata yima ĩane ya Yericúwa pengugü! —ñanagürü. Rü nüma ga yema taxre rü inaxĩãchi, rü ngĩpatawa nangugü ga wüxi ga nge ga naxü̃nemaxã taxexü̃ ga Yericúgu ãpatacü. Rü Raá nixĩ ga ngĩéga. Rü ngĩma rü ngĩpatagu inapegüxẽxẽ ga yema chütaxü̃.

Yochué 3:1

Rü moxü̃ãcü pa̱xmamaxü̃chi rü nüma ga Yochué rü guxü̃ma ga Iraétanüxü̃maxã Chitíü̃wa inaxĩãchi ñu̱xmata natü ga Yudáü̃anacüwa nangugü. Rü naxü̃pa ga nax yachoü̃xü̃ rü yexmatama napegü.

Ãẽ̱xgacügü ga guxchaxü̃güarü mexẽxẽruü̃gü 11:25

¿Ẽ̱xna cuma rü nüxü̃ curüyexera ga Baláx ga Chipóx nane ga Moátanüxü̃arü ãẽ̱xgacü? Dücax, nüma rü taguma tomaxã nügü nadai.

Ichaía 1:27

Rü ngẽma Chióü̃cüã̱x i duü̃xü̃gü i wenaxarü chauga ĩnüexü̃ rü choma rü tá chorü poramaxã norü uanügüme̱xẽwa íchananguxü̃xẽxẽ.

Iraétanüxü̃arü muxchiga 25:2

Rü nüma ga ngexü̃gü rü norü tupanagüca̱x ínangutaque̱xegüxü̃wa yema yatügüxü̃ nagagü. Rü nüma ga yema Iraétanüxü̃ rü natanüwa nachibüe rü ñu̱xũchi yema Moáanecüã̱xgüarü tupanaxü̃ nicua̱xüü̃gü.

Wenaxarü naxümatü ga Tupanaarü mugü 23:6

Rü ngẽma Amóü̃tanüxü̃ rü Moátanüxü̃ ¡rü pema rü guxü̃ i ngunexü̃gü i nagu pemaxẽxü̃gu rü tagutáma namaxã perüngüxmüe rü tagutáma nüxü̃ perüngü̃xẽẽgü!