Miquéa 6:4 - Tupanaarü Ore

⁴ Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Miquéa 6:4 Referans Kwoze

Wenaxarü naxümatü ga Tupanaarü mugü 7:8

Rü nüma ga Cori ya Tupana rü pexü̃ nangechaxü̃ rü nayanguxẽẽchaü̃ ga yema uneta ga nũxcümaü̃güxü̃ ga perü o̱xigümaxã naxueguxü̃. Rü yemaca̱x pexü̃ ínagaxü̃ ga Equítuanewa ga ngextá mugüruü̃gü ípixĩgüxü̃wa. Rü taxü̃ ga norü poramaxã pexü̃ ínanguxü̃xẽxẽ naxme̱xwa ga Equítuanearü ãẽ̱xgacü ga Faraóü̃.

Ínachoxü̃xü̃chiga 12:51

Rü yematama ngunexü̃gu rü nüma ga Cori ya Tupana rü nügütanüxü̃maxãchigü Equítuanewa ínanamuxü̃ ga Iraétanüxü̃.

Amúx 2:10

Rü choma nixĩ ga Equítuanewa pexü̃ íchagaxü̃xü̃, rü 40 ga taunecü ínachianexü̃gu pexü̃ chigagü nax pexna chanaxãxü̃ca̱x ga Amoréutanüxü̃arü naane.

Yeremía 32:21

Rü cuma rü curü poramaxã Equítuanewa ícunanguxü̃xẽxẽ ga curü duü̃xü̃gü ga Iraétanüxü̃. Rü yema taxü̃ ga ãũcümaxü̃gü i cuxüxü̃maxã rü cua̱xruü̃gümaxã poraãcü cunamuü̃exẽxẽ ga guxü̃ma ga yema Equítuanecüã̱xgü.

2 Chamué 7:23

Rü nataxuma i totücumü i duü̃xü̃gü i ngẽma curü duü̃xü̃gü i Iraétanüxü̃rüxü̃ ixĩgüxü̃. Rü natanüwa i ñoma i naanecüã̱x i nachixü̃anegü rü Iraétanüxü̃xicatama nixĩ i cuxunetaxü̃ nax curü duü̃xü̃gü yixĩxü̃güxü̃ca̱x. Rü cuma rü cunatachigaxẽxẽ ga yexguma natanüwa cunaxü̱xgu ga taxü̃ ga mexü̃gü. Rü yema curü duü̃xü̃gü ga Equítuanewa ícunguxü̃xẽẽxü̃pe̱xewa ícunawoxü̃ ga yema togü ga nachixü̃anegü namaxã ga norü tupanagü. Erü cuma rü nüxü̃ quixu nax guxü̃gutáma curü duü̃xü̃gü yixĩxü̃ i Iraétanüxü̃, rü ñu̱xũchi cumax, Pa Corix, rü guxü̃gutáma norü Tupana tá quixĩ.

Iraétanüxü̃arü muxchiga 12:1

Rü María rü Aróü̃ rü inanaxügüe nax chixri Moichéchiga yadexagüxü̃ yerü Moiché rü wüxi ga ngecü ga Etiopíaanecüã̱xmaxã naxãxma̱x.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

Ngechuchuarü ngúexü̃gü ga yamugüxü̃arü puracüchiga 7:36

Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.

Wiyaegü 77:20

Rü cunamu ga Moiché rü Aróü̃ nax yagagüãxü̃ca̱x ga curü duü̃xü̃gü ñoma carnérugü igagüxü̃rüxü̃.

Wenaxarü naxümatü ga Tupanaarü mugü 24:18

¡Rü taxṹ i nüxü̃ iperüngümaexü̃ ga pemax rü Equítuanecüã̱xarü mugüruü̃gü pixĩgüxü̃, rü nüma ga Cori ya perü Tupana nixĩ ga yéma pexü̃ ínguxü̃xẽẽcü! Rü ngẽmaca̱x i ñu̱xma rü pexü̃ chamu nax peyanguxẽẽxü̃ i guxü̃ma i ngẽma pemaxã nüxü̃ chixuxü̃.

Wenaxarü naxümatü ga Tupanaarü mugü 15:15

¡Rü tagutáma nüxü̃ perüngümae nax pema rü mugüruü̃gü pixĩgüxü̃ ga Equítuanewa rü nüma ga Cori ya perü Tupana nixĩ ga pexü̃ ínguxü̃xẽẽcü! Rü ngẽmaca̱x nixĩ i ñu̱xma i pexna chanaxãxü̃ i ñaa mu.

Wenaxarü naxümatü ga Tupanaarü mugü 9:26

Rü chorü yumüxẽwa rü nüxna chachogü rü ñachagürü nüxü̃: “¡Pa Corix, taxṹ i cuda̱i̱xü̃ i ñaa duü̃xü̃gü i cuxrü ixĩgüxü̃ i curü poramaxã ícunguxü̃xẽxẽxü̃, rü ñu̱xũchi taxü̃ i curü poramaxã Equítuanewa ícugaxü̃xü̃!

Wenaxarü naxümatü ga Tupanaarü mugü 5:6

“Choma nixĩ i curü Tupana ga Equítuanewa cuxü̃ íchanguxuchixẽxẽxü̃ naxme̱xwa ga Equítuane ga norü mugüruxü̃ íquixĩxü̃wa.

Wenaxarü naxümatü ga Tupanaarü mugü 4:34

¿Rü nangẽxmaxü̃ i ta̱xacürü tupana i guxü̃ i nachixü̃anegütanüwa ínanguxü̃xẽxẽxü̃ i wüxitücumü i duü̃xü̃gü nax norü duü̃xü̃gü yaxĩgüxü̃ca̱x? Natürü nüma ga Cori ya perü Tupana rü Equítuanewa pexü̃ ínagaxü̃ naétüwa ga muxü̃ma ga guxchaxü̃gü. Rü inanawe̱x ga norü pora ga yexguma inawéãgu ga cua̱xruü̃gü rü taxü̃ ga mexü̃gü rü ãũcümaxü̃gü rü daigü ga pepe̱xewa Equítuanewa pexca̱x naxüxü̃.

Ínachoxü̃xü̃chiga 4:16

Rü cuma rü tá Aróü̃maxã nüxü̃ quixu i ngẽma chorü ore, ñoma chomatama nüxü̃ chixuxü̃rüxü̃. Rü nüma ya Aróü̃ rü tá chorü duü̃xü̃gümaxã nüxü̃ nixu i ngẽma cuma tá namaxã nüxü̃ quixuxü̃.

Wenaxarü naxümatü ga Tupanaarü mugü 4:20

Rü nüma ga Cori ya Tupana rü nawa pexü̃ ínamuxü̃ ga Equítuane ga pexca̱x ñoma guruxü ga nawa fieru idexẽẽnerüxü̃ ixĩxü̃. Rü yemaacü pexü̃ narüngü̃xẽxẽ nax ngẽmaãcü norü duü̃xü̃gü pixĩgüxü̃ca̱x. Rü ñu̱xma rü ta rü noxrütama pixĩgü.

Ínachoxü̃xü̃chiga 3:10

Rü ngẽmaca̱x ¡rü paxa cugü namexẽxẽ! Erü Faraóü̃pe̱xewa tá cuxü̃ chamu nax Equítuanewa ícunamuxü̃xü̃ca̱x i ngẽma chorü duü̃xü̃gü i Iraétanüxü̃ —ñanagürü.

Ínachoxü̃xü̃chiga 4:10

Rü yexguma ga Moiché rü Tupanaxü̃ nangãxü̃, rü ñanagürü nüxü̃: —Acha̱xa, Pa Corix, choma rü choxü̃́ naguxcha nax chidexaxü̃. Rü taguma choxü̃́ natauxcha woo ga ü̃pa rü woo i ñu̱xma rü ta ngẽxgumarüü̃tama chixĩ —ñanagürü.

Iraétanüxü̃arü muxchiga 33:1

Rü ñaagü tá nixĩ ga yema nachicagü ga Iraétanüxü̃ nawa ngugüxü̃ ga yexguma Equítuanewa ñoma churaragürüxü̃ yachimaãcü ínachoxü̃gu. Rü nüma ga Moiché rü Aróü̃ nixĩ ga namaxã icua̱xgüxü̃.

1 Chamué 12:6

Rü nüma ga Chamué rü ñanagürü ta nüxü̃ ga yema Iraéanecüã̱xgü: —Nüma ga Cori ya Tupana nixĩ ga Moichéxü̃ rü Aróü̃xü̃ naporaexẽẽxü̃ nax Equítuanewa perü o̱xigüxü̃ ínanguxü̃xẽẽxü̃ca̱x.

Ínachoxü̃xü̃chiga 6:27

Rü nümatama ga Moiché rü Aróü̃ nixĩ ga Equítuarü ãẽ̱xgacü ga Faraóü̃maxã yadexagüxü̃ nax Iraétanüxü̃xü̃ ínamuxü̃xü̃ca̱x ga Equítuanewa.