Miquéa 6:2 - Tupanaarü Ore

² Rü pema, Pa Ma̱xpǘnegü ya Taxü̃ne rü Íxrane, ¡iperüxĩnüe! Erü Cori ya Tupana rü pepe̱xewa tá nüxü̃ nixu i norü duü̃xü̃gü i Iraétanüxü̃arü chixexü̃.

Miquéa 6:2 Referans Kwoze

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Wiyaegü 104:5

Rü cuma rü wüxitama ga namaxü̃gu cunaxǘ ga ñoma ga naane nax tama ngéma yaxũgachixü̃ca̱x.

2 Chamué 22:16

Rü Cori ya Tupana rü naga ga ãũcümaxü̃gagu rü yema poraãcü cue ñaxü̃gagu rü nangótama ga már rü nango̱x ga yema ñoma i naanearü aixepewa ngẽxmaxü̃.

Wenaxarü naxümatü ga Tupanaarü mugü 32:22

Rü ngẽma chorü nu rü ñoma üxüxemarüxü̃ niyaura. Rü ngẽma üxüema rü woo naanearü aixepewa nangu nax yayauraxü̃. Rü tá nixa i ñoma i naane rü guxü̃ma i nanetüarü o i nawa ngẽxmagüxü̃. Rü woo yima ma̱xpü̃́negü rü tá niyaurapǘnegü.

Yeremía 31:37

Rü taxucürüwa texé tanangugü i dauxü̃guxü̃ i naane, rü taxucürüwa texé ñoma i naanearü aixepewa tangu nax nüxü̃ tacuáxü̃ca̱x i ta̱xacü ngẽxmaxü̃. Rü ngẽxgumarüxü̃ ta taxucürüwa nüxü̃ chaxo i Iraétanüxü̃ naxca̱x i guxü̃ma ga yema chixexü̃ ga naxügüxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 25:31

Rü ngẽma naga i ñoma duruanexü̃rüxü̃ ixĩxü̃ rü guxü̃ i naanewa nangu, erü nüma ya Cori ya Tupana rü taxü̃ i poxcu tá naxca̱x ínanguxẽxẽ i guxü̃ma i nachixü̃anecüã̱x i duü̃xü̃gü. Rü norü chixexü̃ca̱x tá nüxna nicachigü i guxü̃ma i duü̃xü̃gü i ñoma i naanewa maxẽxü̃, rü tá yu namaxã naxuegu i ngẽma chixexü̃gu maxẽxü̃. Rü nümatama ya Cori ya Tupana nixĩ i nüxü̃ ixuxü̃ i ngẽma” —ñanagürü.

Yeremía 2:9

Rü ngẽmaca̱x i chomax ya Cori ya Tupana rü pemaxã nüxü̃ chixu rü ngẽma perü chixexü̃gagu tá guxchaxü̃gü pexca̱x íchangugüxẽxẽ i pemax rü woo penegü rü petaagü.

Ichaía 43:26

Rü ngẽxguma chi nagu perüxĩnüegu nax dora yixĩxü̃ nax chixexü̃ chope̱xewa pexüxü̃, rü ngĩxã nachiga tidexagü nax nüxü̃ icuáxü̃ca̱x rü aixcüma yixĩxü̃ i nataxuxü̃ma i perü chixexü̃ i chope̱xewa pexüxü̃.

Ichaía 5:3

Rü ñu̱xmax rü ñanagürü pexü̃ ya Tupana: —Pa Ĩane ya Yerucharéü̃cüã̱xgü rü Ñaa Yudáanecüã̱xgüx ¡rü nüxü̃ pixu! ¿Rü texégagu nixĩ i ngẽma úbanecü i nangúchixaxü̃ i norü o? ¿Rü nagagutama rü ẽ̱xna chaugagu?

Ucu̱xẽgüchiga 8:29

Rü yexguma namuãgu ga yema már nax tama nachicawa yaxũgachixü̃ca̱x ga norü dexá, choma rü yéma chayexma. Rü yexguma naxüãgu ga ñoma ga naane, choma rü naxü̃tawa chayexma, rü taguma nacüwawa chataxu. Choma nixĩ ga norü taãxẽxẽẽruxü̃, rü guxü̃guma nape̱xewa chataãxẽ.

2 Chamué 22:8

Rü yexguma rü naxĩã̱xãchiane. Rü naxĩã̱xãchitanü ga ma̱xpǘnegü yerü nüma ga Cori ya Tupana rü norü numaxã nanaxĩã̱xãchixẽxẽ.

Wenaxarü naxümatü ga Tupanaarü mugü 4:26

Rü ngẽxguma ngẽma chixexü̃ pexü̱xgu, rü choma rü daxũguxü̃ i naanepe̱xewa rü ñoma i naanepe̱xewa pemaxã nüxü̃ chixu rü paxa tá ipeyarüxo nawa i ngẽma naane i nagu tá pechocuxü̃ i Yudáü̃arü tocutüwa ngẽxmaxü̃. Rü taxũtáma mucü ya taunecü nawa pemaxẽ i ngẽma naane rü noxtacüma tá ipeyarüxo.

Ichaía 3:13

Rü Cori ya Tupana rü marü nügü ínamexẽxẽ nax norü duü̃xü̃güna naca̱xaxü̃ i norü chixexü̃chiga.

Miquéa 6:1

¡Nüxü̃ pexĩnüe i ngẽma ñu̱xma Cori ya Tupana nüxü̃ ixuxü̃ i ñaxü̃: —Inachi rü ma̱xpǘnegümaxã nüxü̃ ixu i ngẽma curü guxchaxü̃gü nax yima ma̱xpǘnegü nüxü̃ ĩnüexü̃ca̱x i ngẽma cuga! —ñaxü̃.

Ochéa 12:3

Rü nũxcümacürüwa naxü̃pa nax nabuxü̃ ga perü o̱xi ga Acóbu, rü naenexẽxü̃ nanapuchica. Rü yexguma marü naya̱xgu rü Tupanamaxã nügü nawogü.