Miquéa 6:16 - Tupanaarü Ore

¹⁶ Erü nagu pexĩ ga yema mugü rü nacümagü ga chixexü̃ ga nagu naxĩxü̃ ga ãẽ̱xgacügü ga Omrí rü Acáxtanüxü̃. Rü pema rü yema nümagü namaxẽxü̃ãcütama pemaxẽ. Rü ngẽmaca̱x, Pa Yerucharéü̃x, rü choma rü tá curü uanügüna cuxü̃ chaxã nax cugu napogüexü̃ca̱x. Rü ngẽma curü duü̃xü̃gü rü togü tá nüxü̃ nacugüe rü ãne tá ningegü —ñanagürü.

Miquéa 6:16 Referans Kwoze

Yeremía 51:51

Rü pema rü ñaperügügü: “Toma rü taxãnee i ngẽxguma nüxü̃ taxĩnüegu i ñuxãcü chixexü̃ tomaxã yaxugüexü̃ i duü̃xü̃gü. Rü ãnemaxã togü tidüchametügü, yerü yema to i nachixü̃anecüã̱xgü rü nagu nachocu ga yema nachicagü ga Tupanapatawa yexera üünexü̃”, ñaperügügü.

Yeremía 7:24

Natürü ga nümagü rü tama chauga naxĩnüe, rü bai nax choxü̃́ inaxĩnüexü̃, natürü nanueama rü norü ngúchaü̃gü i chixexü̃güweama narüxĩ. Rü tama cha̱u̱xca̱x nawoegu. Rü choxna naxãgüca̱xweama.

Yeremía 19:8

Rü choma rü daa ĩane rü wüxi i chianexü̃xü̃ tá chananguxuchixẽxẽ. Rü ngẽxguma duü̃xü̃gü nüxü̃ daugügu rü tá naba̱i̱xãchie. Rü guxãma ya nawa chopetüxe rü tá namaxã taba̱i̱xãchie nax nachitaxü̃xica ngéma yaxüxü̃.

Ichaía 25:8

Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü. Rü ñu̱xũchi guxü̃ i naanewa tá inayaxoxẽxẽ i ngẽma ãne i ñu̱xma norü duü̃xü̃gü ingegüxü̃. Rü nüma ya Cori ya Tupana nixĩ i ngẽma ñacü.

Wiyaegü 44:13

Rü ngẽma toxna ngaicamagüxü̃ i nachixü̃anecüã̱xgü rü toxü̃ nacugüe rü tomaxã naguxchigagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:20

Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.

Ochéa 5:11

Rü ngẽma Efraíü̃tanüxü̃ rü guxchaxü̃wa nangẽxmagü erü tama naga naxĩnüe i chorü mugü rü nüxü̃ nicua̱xüü̃güama i ngẽma tupananetagü.

Danié 9:16

Pa Cori Pa Tupanax, nüxü̃ tacua̱x rü cuma rü cumecümaxü̃chi. Rü ngẽmaca̱x cuxna taca nax namaxã icurüngüxmüxü̃ca̱x ya yima ĩane ya Yerucharéü̃cüã̱xgü. Erü yima ĩane rü cuxrü nixĩ, rü ngéma nangẽxma ya curü ma̱xpǘne ya üünene. Rü ñu̱xma rü guxü̃ma i ngẽma togü i nachixü̃anecüã̱xgü i duü̃xü̃gü rü nüxü̃ nacugüe i ngẽma curü duü̃xü̃gü rü nüxü̃ nacugüe ya yima Yerucharéü̃ nagagu i ngẽma chixexü̃gü i toma taxügüxü̃ rü torü o̱xigü ügüxü̃.

Echequié 39:26

Rü ngẽma Iraétanüxü̃ i togü i nachixü̃anegüwa ngẽxmagüxü̃ i norü uanügüchixü̃anegüwa rü wena tá wüxiwa chanagagü. Rü ngẽxguma rü taãẽãcü tá norü naanewa nangẽxmagü, rü taxúetama texe ítanabai̱xgügü. Rü ngẽmaãcü tá ichanawe̱x i chorü pora rü chorü üüne nax muxü̃ma i nachixü̃anegü nüxü̃ nadaugüxü̃ca̱x. Rü ngẽma Iraétanüxü̃ rü tá nüxü̃ narüngümae ga yema poxcu ga ü̃pa norü chixexü̃gagu naxca̱x íchanguxẽẽxü̃.

Auxexü̃chiga 5:1

Pa Corix, ¡nüxna nacua̱xãchi ga yema guxchaxü̃ ga toxü̃ ngupetüxü̃, rü nüxü̃ nadau nax ñuxãcü chixexü̃ tomaxã yaxugüexü̃ ga torü uanügü!

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Ichaía 9:16

Rü ngẽma norü ãẽ̱xgacügü rü chixexü̃gu nanayixẽxẽ ga Iraétanüxü̃. Rü ngẽma duü̃xü̃gü i nawe rüxĩxü̃ rü düxwa inayarütauxe.

Wiyaegü 1:1

Tataãxẽ ya yíxema tama naga ĩnüxe i ngẽma chixexü̃ i duü̃xü̃güarü ucu̱xẽ rü tama nagu ixũxẽ i nacümagü i ngẽma pecadu ügüxü̃, rü tama nanaãẽraxü̃xe i ngẽma duü̃xü̃gü i Tupanagu idaucüraxü̃güxü̃.

Norü taxre ga to ga popera ga ãẽ̱xgacügüchiga ümatüxü̃ 34:25

Yerü ñaa duü̃xü̃gü rü choxna nixĩgachi rü norü tupananetagüca̱x pumara ínagu. Rü yemaacü choxü̃ nanuxẽẽgü namaxã ga yema chixexü̃ ga naxügüxü̃. Rü ngẽmaca̱x nixĩ i chanuxü̃ namaxã ya daa ĩane rü taxũtáma namaxã icharüngüxmüxü̃.

Norü taxre ga popera ga ãẽ̱xgacügüchiga 21:3

Yerü wena nayamexẽẽgü ga yema tupananetagüarü ãmarearü guruü̃gü ga ma̱xpǘnetape̱xewa yexmagüxü̃ ga nanatü ga Echequía nagu pogüexü̃. Rü wena ínanaxüxü̃ ga Baáchicüna̱xãxarü ãmaregüarü guruxü̃. Rü Iraéanearü ãẽ̱xgacü ga Acáxrüxü̃ nanaxü ga wüxi ga Acheráchicüna̱xãxarü ãmaregüarü guruxü̃. Rü ñu̱xũchi nüxü̃ nicua̱xüxü̃ ga üa̱xcü, rü tauemacü rü woramacurigü.

Norü taxre ga popera ga ãẽ̱xgacügüchiga 16:3

Rü nagu nixũ ga yema nacüma ga nüxíraxü̃güxü̃ ga Iraéanearü ãẽ̱xgacügü nagu ĩxü̃. Rü poraãcü chixexü̃ naxü, rü nawa nangu nax norü tupananetaca̱x wüxi ga nane tüxü̃ yaguxü̃. Rü yemaacü nagu nixũ ga yema nacümagü ga chixexü̃gü ga yema duü̃xü̃gü ga Tupana íwoxü̃xü̃ Iraétanüxü̃pe̱xewa.

Nüxíraxü̃xü̃ ga popera ga ãẽ̱xgacügüchiga 18:4

Rü nüma ga Adía nixĩ ga naétüwa nachogüxü̃ ga 100 ga Tupanaarü orearü uruü̃gü ga yexguma Acáx naxma̱x ga Yechabé nadaixchaü̃gu. Rü nüma ga Adía rü taxretücumü ga 50 gu nayatoye rü ñu̱xũchi taxre ga ãxmaxü̃gu nayacu̱xgü rü yéma nayaxüwemüaxü̃.

Nüxíraxü̃xü̃ ga popera ga ãẽ̱xgacügüchiga 9:8

Rü daa chopata ya taxü̃ne rü ngẽma naxtapü̱xgü tá nügüétü nayi, rü guxü̃ma i ngẽma ngéma üpetüxü̃, rü tá namaxã naba̱i̱xãchi rü nüxü̃ tá nacugüe rü tá ínaca: “¿Tü̱xcüü̃ ya Tupana rü ngẽmaãcü namaxã nanangupetüxẽxẽ i ñaa nachixü̃ane rü daa napata ya taxü̃ne?” ñanagürügü tá.

Yeremía 25:18

Rü yema Yerucharéü̃cüã̱xgü, rü Yudáanearü ĩanegücüã̱xgü rü wüxigu norü ãẽ̱xgacügümaxã, yema copuwa chayaxaxexẽẽgü nax yemaacü nayuexü̃ca̱x ga norü duü̃xü̃gü rü nagu napogüexü̃ca̱x ga norü ĩanegü rü nachicaxica íyaxügüxü̃ca̱x. Rü ñu̱xma rü ta ya yima ĩanegü rü norü chixexü̃gagu baixãchixẽẽruü̃gü rü cugüruü̃gü nixĩgü. Rü duü̃xü̃gü rü chixri nachiga nidexagü.

Yeremía 29:18

Rü choma rü tá nawe chingẽchigü i ngẽma duü̃xü̃gü namaxã i dai rü taiya rü daaweane. Rü ngẽmaãcü tá chanaxü nax guxü̃ma i nachixü̃anecüã̱x i duü̃xü̃gü namaxã baixãchiexü̃ca̱x i ngẽxguma nüxü̃ nadaugügu. Rü guxü̃ma i ngẽma nachixü̃anegü i nagu tá chanawoonexü̃ i ngẽma duü̃xü̃gü rü wüxi i cua̱xruxü̃ tá chayaxĩxẽxẽ. Rü ngẽma togü i nachixü̃anecüã̱x i duü̃xü̃gü rü tá chixri nachiga nidexagü, rü tá namaxã naba̱i̱xãchie, rü tá nüxü̃ nacugüe, rü tá chixexãcü nüxü̃ narüdaunü.

Ochéa 12:14

Natürü i ñu̱xma i ngẽma Iraétanüxü̃ rü Tupanaxü̃ nanuxẽẽgü. Rü ngẽmaca̱x i nüma rü tá nanapoxcue nagagu ga yema máetagü rü yema togü ga chixexü̃gü ga naxügüxü̃.

Miquéa 2:6

Rü pemax, Pa Orearü Uruü̃günetax, rü ñaperügügü: —Tama torü me nixĩ i tomaxã nua nüxü̃ cuyarüxu i ngẽma ore i ãũcümaxü̃chiga. Erü ngẽma guxchaxü̃ i nüxü̃ quixuxü̃ rü tagutáma towa nangu —ñaperügügü.

Miquéa 6:13

Rü ngẽmaca̱x tá pexü̃ chapoxcue, rü ngẽma perü chixexü̃gagu tá pexü̃ chadai.

Wiyaegü 44:14

Rü wiyaegüãcüma ngẽma togü i nachixü̃anecüã̱xgü toxü̃ nacugüe. Rü ngẽxguma toxü̃ nadaugügu rü nanexáerugüãcüma toxü̃ nacugüe.