Miquéa 6:15 - Tupanaarü Ore

¹⁵ Rü tá petoe, natürü taxũtáma penabuxu i norü o. Rü tá penawaxi i ngẽma oribugü, natürü taxũtáma pexca̱x nixĩ i norü chíxü̃. Rü tá penama̱i̱xtüxü̃ i ngẽma úbagü, natürü taxũtáma peyaxaxgü i norü bínu.

Miquéa 6:15 Referans Kwoze

Chofonía 1:13

Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.

Amúx 5:11

Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Yeremía 12:13

Rü yema chorü duü̃xü̃gü rü trigu inatogü, natürü tuxumare nüxü̃́ narüxügü. Rü guxü̃ma ga norü puracügü rü natüca̱xmamare nixĩ. Rü taxuxü̃ma ga trigu nabuxgü nagagu ga yema chorü nu ga taxü̃ —ñanagürü.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Lebítanüxü̃arü puracüchiga 26:20

Rü natüca̱xmamare tá peanewa pepuracüe, erü taxũtáma ngẽma waixü̃müwa narüxü i penetügü. Rü ngẽma ori̱xgü i peanewa rüxügüxü̃ rü taxũtáma nixo.

Ore i mexü̃ ga Cuáü̃ ümatüxü̃ 4:37

Rü aixcüma nixĩ i ngẽma ore i ñaxü̃: “Wüxíe tixĩ ya namaxã toexe i Tupanaarü ore rü toguxe tixĩ ya yíxema Tupanaca̱x duü̃xü̃güxü̃ dexe”, ñaxü̃.

Abacú 3:17

Rü woo i ngẽma igunecü rü yangechacugu, rü woo i ngẽma úba rü ngẽma oribu rü nangearü õõ̱xgu, rü woo ngẽma naanegüwa rü nataxuxguma i ori̱x i buxgüxü̃, rü woo nayuegu i ngẽma carnérugü i nachitaxü̃wa, rü woo marü nataxuxguma i wocagü i naxpüü̃wa, natürü i choma rü taãẽãcüma ta nüxü̃ chicua̱xüxü̃ ya Cori ya Tupana ya chorü maxẽẽruxü̃.

Ãẽ̱xgacügü ga guxchaxü̃güarü mexẽxẽruü̃gü 6:4

Rü Iraétanüxü̃arü naanewa nangugü rü guxü̃ma ga tümanetügügu nidaugü rü tümaxü̃nagü nanadai ñu̱xmata Gáchaarü naanewa nangu. Rü taxuxü̃ma ga Iraétanüxü̃arü ngõ̱xruxü̃ ínayaxügüxẽxẽ, rü bai ga carnérugü, rü bai ga wocagü, rü bai ga búrugü ga íyaxügüxü̃.