Miquéa 6:11 - Tupanaarü Ore

¹¹ ¿Rü ñuxãcü tá nüxü̃ changechaü̃xü̃ i ngẽma ngĩ́xwa̱xexü̃ i yáruü̃maxã puracüxü̃?

Miquéa 6:11 Referans Kwoze

Ochéa 12:7

Rü Tupana rü Iraétanüxü̃xü̃ ñanarügü: —Pemax rü taxetanüxü̃ i womüxẽẽwa̱xegüxü̃ pixĩgü. Rü ngẽmaca̱x yimá perü yáruxü̃ ya tama mecümaxã nüxü̃́ pengĩ̱x i duü̃xü̃gü.

Lebítanüxü̃arü puracüchiga 19:36

Rü name nax ngẽma curü yáruxü̃ rü ngẽma curü ngugüruxü̃ rü aixcümama namexü̃. Rü choma nixĩ ya perü Cori ya Tupana ga Equítuanewa pexü̃ íchanguxü̃xẽẽxü̃.

Ucu̱xẽgüchiga 16:11

Ngẽxguma texé tümaarü yáruü̃wa rüe̱xna tümaarü ngugüxü̃wa tangĩ̱xgu, rü Tupana tá tüxü̃ napoxcu. Erü guxü̃ma i ngẽma yáruü̃gü rü ngugüruü̃gü, rü Tupana nixĩ ya nango̱xẽẽcü.

Wenaxarü naxümatü ga Tupanaarü mugü 25:13

Rü ngẽxguma ta̱xacüca̱x cutaxegu rüe̱xna ta̱xacümaxã cutaxegu rü tama name nax curü yáruü̃wa cungĩ́xü̃. Rü ngẽxgumarüxü̃ ta ega ta̱xacü i ãchíüxü̃maxã cutaxegu rü tama name nax wüxi i cupaxü̃ i nawa cungĩ́xü̃wa cunangugü.

Ucu̱xẽgüchiga 11:1

Nüma ya Cori ya Tupana rü nüxü̃ naxo i ngẽma yáruxü̃ i tama ngugügu nayáxü̃, natürü namaxã nataãxẽ i ngẽma yáruxü̃ i aixcüma mea ngugügu nayáxü̃.

Echequié 45:10

Rü ngẽxguma ta̱xacü ipeyáxgu rü name i aixcüma yáruxü̃ ya mecüwa ipenayá. Rü ngẽxguma ta̱xacürü achiü̃xü̃ pengugügu rü name i naxpáxü̃ i aixcüma mea ngugüguxü̃wa penangugü.

Amúx 8:5

Rü pegüna pecagü rü ñaperügügü: “¿Ñuxgu tá nangupetüxü̃ i ngẽma ngexwacaxü̃cü ya tauemacüarü peta nax ngẽmaãcü wena namaxã itaxegüxü̃ca̱x ya tórü trigugü? ¿Rü ñuxgu tá nangupetüxü̃ i ngẽma ngü̃xchigaarü ngunexü̃ nax wena namaxã itaxegüxü̃ca̱x ya tórü trigugü?” ñaperügügü. Rü pema rü chixecü ya yáruxü̃wa ipenayá i perü trigugü. Rü íxraxü̃ i ngugüruxü̃wa penangugü i ngẽma trigu Rü naétü nagu perüxĩnüe nax penatatanüxẽẽxü̃ i perü trigugü.

Chacaría 5:8

Rü yexguma nüma ga yema Tupanaarü orearü ngeruxü̃ i daxũcüã̱x rü choxü̃ ñanagürü: —Ngẽma nge rü ngẽma pecaduchiga nixĩ —ñanagürü. Rü yexguma ga yema nge rü íixũxũchaü̃, natürü nüma ga yema Tupanaarü orearü ngeruxü̃ rü ngĩxü̃ nimucuchiama rü ngĩxü̃ narüngataxü̃ namaxã ga yema naxã́taxü̃ ga plomunaxca̱x.

Ucu̱xẽgüchiga 20:10

Cori ya Tupana rü naxchi naxai i ngẽma yáruü̃gü i tama aixcüma ngugügu yaxü̃ rü ngẽma ngugüruü̃gü i tama mea ããcuxü̃.