Miquéa 5:8 - Tupanaarü Ore

⁸ Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Miquéa 5:8 Referans Kwoze

Chacaría 10:5

Rü nümagü rü tá ñoma churaragü i ãcharaxü̃gu nügü da̱i̱xü̃rüxü̃ nixĩgü. Rü tá naporae, erü Cori ya Tupana rü natanüwa nangẽxma. Rü ngẽmaãcü tá nanaxãnexẽxẽ i norü uanügüarü churaragü i cowarugu ĩxü̃.

Miquéa 4:13

¡Inachi rü nadai, Pa Ĩane ya Chióü̃x! Erü choma ya Cori ya Tupana rü ñachagürü: —Choma rü tá cuxna chanaxã i pora nax ñoma wüxi i woca i yatüxü̃ i fierumaxã ãxchata̱xcurexü̃ rü bróũchemaxã ixãpatüxü̃rüxü̃ cunada̱i̱xü̃ca̱x i muxü̃ma i duü̃xü̃gü. Cuma rü tá nüxna cunapuxü̃ i ngẽma norü ngẽmaxü̃gü i chixexü̃wa nayauxgüxü̃, rü ñu̱xũchi tá choxna cunana i choma nax guxü̃ i naanemaxã ichacuáxü̃ —ñachagürü i choma ya Cori ya Tupana.

Chacaría 12:3

Rü ngẽma ngunexü̃gu rü Yerucharéü̃ rü wüxi ya nuta ya yaxüchicüxü̃ tá chayanguxuchixẽxẽ na̱xcha̱xwa i ngẽma togü i nachixü̃anegü. Rü tü̱xchiama tá tayapi̱x ya texé ya nangenagüchaü̃xe. Rü guxü̃ma i ngẽma nachixü̃anegü rü tá nügü nanutaque̱xegü nax Yerucharéü̃maxã nügü nada̱i̱xü̃ca̱x.

Chacaría 9:15

Rü Cori ya Tupana ya Guxãxétüwa Ngẽxmacü rü tá norü duü̃xü̃güna nadau. Rü norü duü̃xü̃gü rü tá nawa nangagü ya yima nutagü i norü uanügüarü maxgütaeruü̃chire̱x. Rü nüxchiama tá norü uanügüxü̃ nadai. Rü tá nanaxüchixü nax naporamaegüxü̃. Rü bínumaxã tá nanapagü i nümagü, ñoma nagümaxã napaxẽẽxü̃rüxü̃ ya yima tacháũgü nax ngẽma ãmarearü guruü̃arü cugüpe̱xegu nabagüãxü̃ca̱x.

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Ngechuchuarü ngúexü̃gü ga yamugüxü̃arü puracüchiga 18:6

Natürü nümagü ga yema Yudíugü rü inanaxügüe ga Paurumaxã nax nanuexü̃ rü namaxã naguxchigagüxü̃. Rü yexguma inapamüchiru ga Pauru. Rü yema nixĩ ga wüxi ga cua̱xruxü̃ naxca̱x ga yema duü̃xü̃gü nax yemawa nüxü̃ yacua̱xãchitanüxü̃ca̱x ga norü chixexü̃. Rü ñanagürü nüxü̃: —Pegagu tátama nixĩ nax ipeyarütauxexü̃, rü marü tama chaugagu nixĩ. Rü ñomaü̃cüü i choma rü tá ngẽma tama Yudíugü ixĩgüxü̃tanüwa chaxũ —ñanagürü ga Pauru.

Ore i mexü̃ ga Matéu ümatüxü̃ 10:14

Rü ngẽxguma wüxi ya ĩwa rüe̱xna wüxi ya ĩanewa tama mea pexü̃ nayauxgügu rü tama nüxü̃ naxĩnüechaü̃gu i perü ore, ¡rü ípechoxü̃ nawa ya yima ĩpata rüe̱xna yima ĩane! Rü ngẽxguma ípechoxü̃gu, ¡rü ngẽxma penapagü i perü üxaxü̃cutü!

Naanearü ügüchiga 49:9

Cumax, Pa Chaunex, Pa Yudáx, Rü ñoma wüxi i leóü̃xacürüxü̃ quixĩ. Rü ngẽxguma naeü̃ nangõ̱xguwena rü nayarümaxãchi rü waixü̃müanegu naca ñoma leóü̃ i yáxü̃rüxü̃. ¿Rü texé tá tanachixewe i ngẽxguma?

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

Iraétanüxü̃arü muxchiga 24:9

Rü ngẽxguma ipecagügu nax pepeexü̃ca̱x rü ñoma wüxi i leóü̃ i pexü̃rüxü̃ pixĩgü rü taxúetama tügü ítarüpora nax pexü̃ ítaba̱i̱xgüxü̃ca̱x. ¡Rü mexü̃ tüxü̃ ngupetü ya yíxema mexü̃ pemaxã ueguxe, Pa Iraétanüxü̃x, rü chixexü̃ tüxü̃ ngupetü ya yíxema chixexü̃ pemaxã ueguxe! —ñanagürü ga Balaáü̃.

Wiyaegü 44:5

Rü cugagu tá nixĩ i nüxü̃ tarüporamaegüxü̃ i torü uanügü. Rü cuégagu tá nüxü̃ tarüyexera i ngẽma toxü̃ daixchaü̃xü̃.

Wiyaegü 104:20

Rü cuma rü cunaxẽanexẽxẽ i ngẽxguma nachütagu. Rü ngẽxguma i ngẽma naeü̃gü rü naixnecüwa ínachoxü̃.

Ichaía 5:29

Rü naga i ngẽma norü churaragü rü ñoma wüxi i leóü̃ i aexü̃xü̃ ingũ̱xunecüxüxü̃rüxü̃ nixĩgü. Rü nayange i naeü̃ rü taxúema tapora nax nüxna tanapuxü̃.

Echequié 39:10

Rü ngẽxguma i ngẽma Iraétanüxü̃ rü taxuca̱xtama norü üxüca̱x naxoegaãẽgü. Rü taxuca̱xtama naanegüwa rü naixnecüwa norü üxüwa naxĩ, erü guxü̃nema ya yima cuxnegü rü tá üxüwa nüxü̃́ name. Rü ngẽmaãcü i ngẽma Iraétanüxü̃ rü tá nüxí pexna nanapuxü̃ i perü ngẽmaxü̃gü yema pema norü yemaxü̃gü nüxna pepuxü̃xü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma, rü aixcüma tá ngẽmaãcü ningu’ ” —ñanagürü.

Miquéa 2:12

Rü nüma ya Cori ya Tupana rü ñanagürü: —Choma rü tá chanangutaque̱xexẽxẽ i guxü̃ma i Acóbutanüxü̃. Rü ñoma carnérugü i wüxiwa ingexmagüxẽẽxü̃rüxü̃ rü tá chanade i ngẽma íyaxügüxü̃ i Iraétanüxü̃ i aixcüma chauga ĩnüexü̃. Rü woo taxũtáma namu natürü ñoma namuxü̃rüxü̃ tá tagaãcüma naxãũgatanü.

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.

Miquéa 5:3

Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.

Chacaría 11:6

Rü ngẽxgumarüxü̃ ta i ngẽma duü̃xü̃gü i ñaa nachixü̃anewa maxẽxü̃ rü taxũtáma choxü̃́ nangechaü̃tümüxü̃gü. Rü to i nachixü̃aneme̱xẽgu rü ngẽmaarü ãẽ̱xgacüme̱xẽgu tá chanayixẽxẽ. Rü ngẽma ãẽ̱xgacü rü tá nanachixexẽxẽ i ñaa nachixü̃ane. Rü ngẽxguma i choma rü taxúexü̃táma naxme̱xwa íchapoxü̃. Rü choma i Cori ya Tupana nixĩ i nüxü̃ chixuxü̃ i ngẽma —ñanagürü.

Maraquía 4:3

Rü ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃ rü pema rü nawa tá pengagü i ngẽma chixexü̃ ügüxü̃ ñoma waixü̃müte̱xewa pengagüxü̃rüxü̃.

Chacaría 14:18

Rü ngẽxguma Equítuanecüã̱xgü rü tama ngéma naxĩxgu, rü Cori ya Tupana rü taxũtáma norü naanegu nanapuxẽxẽ. Rü ngẽxgumarüxü̃ ta i ngexü̃rüüxü̃ i to i nachixü̃ane i tama düxenügüchigaarü petawa ũxü̃ rü Tupana rü tá da̱xaweane naxca̱x ínanguxẽxẽ.