Miquéa 5:6 - Tupanaarü Ore

⁶ Rü nümagü tá nixĩ i norü taramaxã Nimróxchixü̃ane i Achíriaanemaxã inacua̱xgüxü̃. Rü tá tüxü̃ ínanguxü̃xẽxẽ naxme̱xwa i ngẽma Achíriaanecüã̱xgü i tórü naanearü üyexü̃ chopetüxü̃ nax tüxna napugüãxü̃ca̱x i tórü naane.

Miquéa 5:6 Referans Kwoze

Ichaía 14:25

Rü tá chanadai i ngẽma Achíriaanecüã̱xgü i chorü naanewa ngẽxmagüxü̃, rü yima chorü ma̱xpǘnegügu tá chayadai. Rü ngẽma nachixü̃aneme̱xẽwa tá tüxü̃ íchanguxü̃xẽxẽ ya chorü duü̃xẽgü ya chixri tümamaxã inacua̱xgüxe. Rü ngẽma guxchaxü̃gü i tüxü̃ yangexẽẽgüxü̃ rü tá inayarüxo.

Ore i mexü̃ ga Luca ümatüxü̃ 1:71

Rü yema orearü uruü̃güwa nüxü̃ nixu rü tá tüxü̃ ínanguxü̃xẽxẽ naxme̱xwa i tórü uanügü rü guxü̃ma i ngẽma taxchi aiexü̃.

Chofonía 2:13

Rü nüma ya Cori ya Tupana rü nórteguama tá nawéxme̱x nax iyanaxoxẽẽãxü̃ca̱x i Achíriaane. Rü yima ĩane ya Nínibe rü tá nanangeãcuxẽẽmare, rü wüxi i chianexü̃ i ípamarexü̃xü̃ tá nayangucuchixẽxẽ.

Naúü̃ 2:11

Rü yima ĩane ya Nínibe rü ñoma leóü̃ maxü̃rüxü̃ nixĩ ga noxri. Rü guma ĩanewa nixĩ ga norü duü̃xü̃gü rü naxacügümaxã taãẽãcüma namaxẽxü̃ ñoma leóü̃gü rü naxacügümaxã naxmaxü̃wa namaxẽxü̃rüxü̃. Rü taxúema tanachixewe. ¿Natürü ta̱xacü yixĩxü̃ i ñu̱xma nüxü̃ ngupetüxü̃ ya yima ĩane, rü ta̱xacü yixĩxü̃ i nawa yaxǘgüxü̃?

Ichaía 33:1

Pa Achíriaanex, wüxi i ngechaü̃ tá nixĩ i cuxca̱x. Cuma rü cunadaiãcu i togü i ĩanegü, natürü taguma togü curü ĩane nadaiãcu. Cuma rü cutogüechitawa̱xe, natürü taguma togü nacuechitawa̱xegü. Natürü nawena nax togüxü̃ cuda̱i̱xü̃ rü cuma rü tá ta cuxü̃ nima̱xgü. Rü nawena nax cutogüechitawa̱xexü̃ rü cuma rü tá ta nacuechitawa̱xegü.

Ichaía 14:2

Rü nüma i Iraétanüxü̃ rü tá ínanayauxü̃ ga yema duü̃xü̃gü ga ü̃paacü ínayauxü̃xü̃. Rü muxü̃ma i ngẽma nachixü̃anecüã̱xgü ga noxri Iraétanüxü̃maxã icua̱xgüxü̃ rü tá Iraétanüxü̃xü̃we narüxĩ rü tá nüxü̃ narüngü̃xẽẽgü nax nachixü̃aneca̱x nawoeguxü̃ca̱x i Iraétanüxü̃. Rü nüma i Iraétanüxü̃ rü ngẽxguma marü nachixü̃ane i Cori ya Tupana nüxna ãgüxü̃wa nangugügu rü tá norü mugüruü̃güxü̃ nayaxĩgüxẽxẽ i ngẽma duü̃xü̃gü ga noxri namaxã icua̱xgüxü̃.

Norü taxre ga to ga popera ga ãẽ̱xgacügüchiga ümatüxü̃ 33:11

Rü yemaca̱x ga Cori ya Tupana rü Achíriaanearü churaragüerugüxü̃ namu nax Manachéca̱x íyaxü̃ãchixü̃ca̱x. Rü yemagü nixĩ ga Manachéxü̃ iyauxgüxü̃. Rü nayachotamaraü̃gü, rü nayachotachacüxügü rü ñu̱xũchi cadéna ga bróũchenaxca̱xmaxã nanaxütü̱xügü. Rü yemaacü Babiróniaanewa nanagagü.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Ore i mexü̃ ga Luca ümatüxü̃ 24:27

Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Ichaía 37:37

Rü yemaxü̃ nada̱u̱xgu ga Chenáqueri ga Achíriaanearü ãẽ̱xgacü, rü ínayachaxãchi nax Yerucharéü̃xü̃ ínachomaeguãchixü̃. Rü norü ĩane ga Nínibeca̱x nataegu.

Wenaxarü naxümatü ga Tupanaarü mugü 32:2

Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:10

Rü nüma ga Cúx rü Nĩmróxnatü nixĩ. Rü nüma ga Nimróx rü wüxi ga yatü ga poraxüchixü̃ nixĩ ga ñoma ga naanewa.

Yox 29:22

Rü nawena nax chidexaxü̃ rü taxúema namaxã tarüxutaga. Rü nüma ga duü̃xü̃gü rü meama nanayauxgü ga chorü ucu̱xẽgü.

Wiyaegü 72:6

Rü chanaxwa̱xe nax yimá ãẽ̱xgacü rü meama norü duü̃xü̃güxü̃ nangü̃xẽẽxü̃ ñoma pucü i nanetügü meama iwainecüxẽẽcürüxü̃.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Ichaía 6:13

Rü woo chi 100 tanüwa rü 10 i duü̃xü̃gü íyaxüxgu nawa ya yima ĩane rü ngẽma rü tá ta nadai ñoma wüxi i nai i daxüchixü̃rüxü̃. Natürü ñoma wüxi i naixchimewa ngexwaca̱xü̃xü̃ i nane rüxüamaxü̃rüxü̃ tá nixĩ i ngẽma Iraétanüxü̃. Erü noxretama tá ínayaxü, rü ngẽmatanüwa tá ne naxĩ i duü̃xü̃gü i aixcüma chauga ĩnüexü̃ —ñanagürü ga Tupana.

Yeremía 14:22

Pa Cori ya Tupana, nataxuma i tupananetachicüna̱xã i cuxrüxü̃ nüxü̃ cuáxü̃ nax napuxẽẽãxü̃. Rü taxucürüwa i dauxü̃guxü̃ i naane nüechamatama nanapuxẽxẽ. Rü cuma nixĩ i ícunanguxẽẽxü̃ ya pucü, rü cuma nixĩ i cunaxüxü̃ i guxü̃ma i ta̱xacü i ngẽxmaxü̃. Rü cuma nixĩ i aixcüma torü Tupana quixĩxü̃. Rü ngẽmaca̱x nixĩ i cuxü̃tawa ítayanguxẽẽxü̃ i curü ngü̃xẽxẽ —ñanagürü ga Yeremía.

Chofonía 3:12

“Pa Yerucharéü̃x, cuwa tá chayaxügüxẽxẽ i ñuxre i duü̃xü̃gü i mecümaxü̃ i tama nügü icua̱xüü̃güxü̃. Rü nümagü rü tá choxü̃́ nayaxõgü.