Miquéa 5:5 - Tupanaarü Ore

⁵ Rü nüma ya yimá ãẽ̱xgacü rü tá nanangüxmüexẽxẽ i duü̃xü̃gü. Rü ngẽxguma ngẽma Achíriaanecüã̱xgü tachixü̃anegu chocuxgu nax nagu napogüexü̃ca̱x i tórü ĩanegü ya ípoxegugüne rü yima tórü ãẽ̱xgacü tá naxca̱x inanamuãchitanü i 7 i duü̃xü̃güarü dauruü̃gü rü 8 i Iraétanüxü̃arü ãẽ̱xgacügü.

Miquéa 5:5 Referans Kwoze

Ore i mexü̃ ga Luca ümatüxü̃ 2:14

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Chacaría 10:3

Rü ngẽmaca̱x ñanagürü ya Cori: —Choma rü namaxã chanu i ngẽma perü ãẽ̱xgacügü i pemaxã icua̱xgüxü̃ rü tá chanapoxcue —ñanagürü. Rü Cori ya Guxãxétüwa Ngẽxmacü ya norü duü̃xü̃güna daucü rü Yudátanüxü̃xü̃ tá naporaexẽxẽ ñoma cowaru i daica̱x poraexü̃rüxü̃.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

Chacaría 9:10

Rü nüma rü tá inayanaxoxẽxẽ i Efraíü̃tanüxü̃arü daiweü̃gü rü Yerucharéü̃arü churaragüarü cowarugü rü yima würagü ya dai namaxã naxügüne. Rü guxü̃ i nachixü̃anegüca̱x tá nanaxunagü i mexü̃ i ĩnü. Rü tá namaxã inacua̱x i ngẽma naane i Már i Mediteráneuwa ixügüxü̃ rü ñu̱xmata taxtü i Dauchíüxü̃wa nangu. Rü ngẽma naane i taxtü i Eufrátewa ixügüxü̃maxã tá inacua̱x rü ñu̱xmata guxü̃wama i ñoma i naanewa nangu.

Ngu̱xẽẽtaeruü̃arü ore 11:2

¡Rü togüxü̃ rüngü̃xẽxẽ namaxã i ngẽma cuxü̃́ tauxchaxü̃! Erü tama nüxü̃ cucua̱x nax ta̱xacürü guxchaxü̃ tá ínguxü̃ nawa i ñaa nachixü̃ane.

Yox 5:19

Nüma rü 6 i guxchaxü̃wa tá cuxü̃ ínanguxuchixẽxẽ, rü ngẽma norü 7 i guxchaxü̃ rü marü taxũtáma cuxna nangu.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:14

Rü nawe narüxĩ ga guxü̃ma ga churaragü ga daxũcüã̱x. Rü nümagü rü naxchiru ga imexẽchixü̃ rü cómüxü̃ ga línuchinaxca̱xmaxã nixãxchiru. Rü cowarugü ga icómüxü̃étügu naxĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:14

Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.

Ore i mexü̃ ga Cuáü̃ ümatüxü̃ 16:33

Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.

Chacaría 12:6

Rü ngẽma ngunexü̃gu rü Yudátanüxü̃arü ãẽ̱xgacügü rü ñoma wüxi i üxü i ya̱u̱xraxü̃rüxü̃ tá nixĩgü. Rü ñoma üxü i triguchapa̱xawa iyaa̱u̱xraxü̃rüxü̃ tá nixĩgü. Rü tá nanadai i guxü̃ma i ngẽma nachixü̃anegü i norü tügünecüwawa nüxna ngaixcamagüxü̃ rü ngẽma to̱xwecüwawa ngaixcamagüxü̃. Natürü ngẽma Yerucharéü̃cüã̱xgü rü wena tá norü ĩaneca̱x nawoegu rü nawa tá namaxẽ.

Chacaría 9:13

Rü choxü̃́ nangẽxma i Yudátanüxü̃ i ñoma chorü würa ya dairuü̃rüxü̃ ixĩgüxü̃ rü ngẽma Efraíü̃tanüxü̃ rü ñoma chuxchirüxü̃ nixĩgü. Rü cumax, Pa Chióü̃x, rü ñoma tara i taxrewa ãmaguxü̃rüxü̃ tá cuxü̃ chixĩxẽxẽ. Rü ngẽma duü̃xü̃gü i cuwa ngẽxmagüxü̃ rü tá chanaporaxẽxẽ nax Griégugüchixü̃anecüã̱xgüxü̃ nada̱i̱xü̃ca̱x —ñanagürü.

Amúx 1:6

Rü Cori ya Tupana rü ñanagürü ta: —Ngẽma Gáchacüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga Gáchacüã̱xgü rü ínanayauxü̃ ga wüxi ga ĩaneãcu ga duü̃xü̃gü, rü ñu̱xũchi Edóü̃cüã̱xgüxü̃ tümamaxã nayataxegü norü puracütanüxü̃ruxü̃.

Amúx 1:3

Rü Cori ya Tupana rü nüxü̃ nixu rü ñanagürü: —Ngẽma Damácucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chapoxcuexü̃, yerü nüma rü nanadai ga chorü duü̃xü̃gü ga Garaáxcüã̱xgü ñoma fierumena̱xãmaxã ta̱xacü ipoxü̃rüxü̃.

Yeremía 33:15

Rü ngẽxguma nawa nanguxgu i ngẽma ngunexü̃, rü wüxi i nataxüchi ya ãẽ̱xgacü ya Dabítaxa rü ñaa nachixü̃anearü ãẽ̱xgacü ya mecü tá nixĩ. Rü nüma rü aixcüma meama tá duü̃xü̃gümaxã inacua̱x i ñaa nachixü̃anewa.

Ichaía 65:8

Nüma ya Tupana rü ñanagürü: —Ngẽxguma poraãcüma yaxãxtüü̃gu i úbagü rü duü̃xü̃gü rü tama nanaxaiya̱xü̃gü, erü nüxü̃ nacua̱xgü nax tacütama ya bínu nawa nüxü̃́ ínguxuchixü̃. Rü ngẽxgumarüxü̃ tá ta i chomax, rü ngẽma nax nüxü̃ changechaü̃xü̃gagu i ngẽma chorü duü̃xü̃gü rü taxũtáma chanadai i guxü̃ma i Iraétanüxü̃.

Ichaía 59:19

Rü ngẽxguma nüxü̃ nadaugügu i Tupanaarü pora, rü guxü̃ma i duü̃xü̃gü i éstewa rü ñu̱xmata oéstewa maxẽxü̃ rü tá muü̃maxã nidu̱xrugü. Erü nüma ya Cori ya Tupana rü ñoma natü i nagoxü̃chíüxü̃ i tacü ya buanecü icuexü̃chíüxü̃rüxü̃ tá ínangu.

Ichaía 44:28

Rü choma rü Chíru ya Pérchiaarü ãẽ̱xgacüxü̃ ñacharügü: “Cuma rü chorü duü̃xü̃güarü dauruxü̃ quixĩ rü tá cunaxü i guxü̃ma i ngẽma choma chanaxwa̱xexü̃”, ñachagürü. Rü Yerucharéü̃chiga rü ñacharügü: “Cuma rü tá wena cuxü̃ namexẽxẽgü”, ñacharügü. Rü chopata ya taxü̃nechiga ñacharügü: “Yimá nutagü ya namaxã cuxü̃ inaxügücü rü tá wena nanucu” —ñanagürü.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Ucu̱xẽgüchiga 30:29

Nangexma i tomaepü̱x rüe̱xna ãgümücü i poraexü̃ i ngẽxguma yaxũxgu, rü tama muü̃xü̃, rü ñaagü nixĩ: leóü̃ i yexera nüxü̃ imuü̃xü̃ i taxuecha̱xwa iñaxü̃, rü ota i yatüxü̃ i nügü írütaxü̃, rü chíbu i yatüxü̃, rü nachixü̃anearü ãẽ̱xgacü ya norü churaragüpe̱xegu ixũcü.

Ucu̱xẽgüchiga 30:18

Nangexma i tomaepü̱x rüe̱xna ãgümücü i nacüma i choxü̃́ guxchaxü̃ nax nüxü̃ chacuáxü̃, rü ñaagü nixĩ: ñuxãcü dauxü̃gu yañaxü̃ i ngẽma ĩyü, rü ta̱xacümaxã nügü yatúmarexü̃ i ngẽma ãxtape, rü ñuxãcü mea natoxpe̱xexü̃ ya wapuru ya taxüchine i márwa, rü ñuxãcü wüxi i ngextü̱xücü rü wüxi i pacümaxã nügüxü̃́ nangúchaü̃güxü̃.

Wiyaegü 72:7

Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.

Ucu̱xẽgüchiga 6:16

Nangexma i 6 rüe̱xna 7 i ngẽma Cori ya Tupana naxchi aixü̃.

Ichaía 14:25

Rü tá chanadai i ngẽma Achíriaanecüã̱xgü i chorü naanewa ngẽxmagüxü̃, rü yima chorü ma̱xpǘnegügu tá chayadai. Rü ngẽma nachixü̃aneme̱xẽwa tá tüxü̃ íchanguxü̃xẽxẽ ya chorü duü̃xẽgü ya chixri tümamaxã inacua̱xgüxe. Rü ngẽma guxchaxü̃gü i tüxü̃ yangexẽẽgüxü̃ rü tá inayarüxo.

Chacaría 10:11

Rü ngẽma már i Equítuanewa ngẽxmaxü̃wa rü tá nichoü̃. Rü norü yuape rü tá ichayanaxoxẽxẽ. Rü taxtü i Níru rü tá chayapachitamaxẽxẽ. Rü Achíriaanecüã̱xgü i nügü icua̱xüü̃güxü̃ rü tá chanaxãneexẽxẽ. Rü tá ichanaxoxẽxẽ i Equítuanearü pora.