Miquéa 5:3 - Tupanaarü Ore

³ Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.

Miquéa 5:3 Referans Kwoze

Ore i mexü̃ ga Matéu ümatüxü̃ 1:21

Rü ngĩma tá ngĩxü̃́ nangẽxma ya wüxi ya ngĩne, rü cuma rü tá Ngechuchugu cunaxüéga. Rü ngẽma naéga rü “maxẽẽruxü̃”, ñaxü̃chiga nixĩ, erü nüma tá norü pecadugüwa ínananguxü̃xẽxẽ i norü duü̃xü̃gü —ñanagürü.

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

Miquéa 7:13

Rü ngẽma togüarü naanegü rü chianexü̃ tá nananguxuchi nagagu i ngẽma norü duü̃xü̃güarü chixexü̃gü.

Ochéa 2:14

Rü ñanagürü ta: —Natürü i chomax, rü wena tá chaugüna chayapuexẽxẽ i ngẽma Iraéanecüã̱xgü. Rü chianexü̃wa tá chanagagü nax ngéma mea namaxã chidexaxü̃ca̱x rü wenaxarü choxü̃ nangechaü̃güxü̃ca̱x.

Ochéa 2:9

Rü ngẽmaca̱x i choma rü ngẽxguma norü buxwa nanguxgu rü tá chanade i ngẽma chorü trigu rü chorü bínu. Rü tá chanade i ngẽma naxchiru i carnéruta̱xanaxca̱x rü línuchinaxca̱x i nüxna chaxãchiréxü̃ nax tama nangexchiruxü̃ca̱x.

Romanos 8:29

Rü woetama nũxcümama ga Tupana rü marü tüxü̃ nacua̱x nax texégü tá tixĩgüxü̃ ya yíxema noxrü ixĩgüxe. Rü woetama nũxcümama tüxü̃ nade nax Nanerüxü̃ timexü̃ca̱x, rü Nane yixĩxü̃ ga nüxíra írüdacü natanüwa i muxü̃ma i yaxõgüxü̃.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Ore i mexü̃ ga Matéu ümatüxü̃ 12:50

Erü guxãma ya texé ya naxǘxe i Chaunatü ya daxũgucüarü ngúchaü̃, rü yíxema tixĩ ya chauenexẽ rü chaueya̱x rü chaué —ñanagürü ga Ngechuchu.

Miquéa 6:14

Rü tá pechibüe natürü taxũtáma pengãxcharaü̃gü rü tá petaiyaama. Rü perü õnagü tá pede, natürü taxuwatáma pexü̃́ name i ngẽma. Rü woo íxraxü̃maxã penguxü̃gu rü daiwa tá pexna chanapuxü̃xẽxẽ.

Yeremía 31:1

Rü nüma ya Cori ya Tupana rü ñanagürü: —Ngẽxguma ngẽma ngunexü̃wa nanguxgu rü choma rü guxü̃táma i Iraétanüxü̃arü Tupana tá chixĩ, rü nümagü rü tá chorü duü̃xü̃gü nixĩgü —ñanagürü.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Norü taxre ga to ga popera ga ãẽ̱xgacügüchiga ümatüxü̃ 30:7

¡Rü taxṹ i perü o̱xigüarü Cori ya Tupanana pixĩgachixü̃ naxrüxü̃ ga yema perü o̱xigü rü peenexẽgü ga tama naga ĩnüechaü̃xü̃! Rü yemaca̱x ga Tupana rü düxwa nagagutama ga yema duü̃xü̃gü rü togü ga nachixü̃anearü ãẽ̱xgacüme̱xẽgu nanayixẽxẽ nax nadaiaxü̃ca̱x. Rü pematama rü pexetümaxã nüxü̃ pedaugü ga yema.

Nüxíraxü̃xü̃ ga popera ga ãẽ̱xgacügüchiga 14:16

Rü nüma ya Cori ya Tupana rü to i nachixü̃aneme̱xẽgu tá nananguxẽxẽ i Iraéane nagagu ga yema pecadugü ga Yeruboáü̃ üxü̃ rü yema pecadugü ga Iraétanüxü̃xü̃ naxüxẽẽxü̃ —ñanagürü.

Amúx 5:15

¡Rü naxchi pexaie i ngẽma chixexü̃! ¡Rü nüxü̃ pengechaxü̃ i ngẽma mexü̃! ¡Rü aixcüma mea penamexẽxẽ i tümaarü guxchaxü̃ i ngẽxguma texé pepe̱xewa tayamexẽxẽchaü̃gu! Rü bexmana ngẽmaãcü tá nixĩ ya Cori ya Tupana ya Guxãétüwa Ngẽxmacü rü tümamaxã yaxãũxãchixü̃ ya yíxema Iraétanüxü̃ ya íyaxügüxe.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Miquéa 5:8

Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Wiyaegü 67:3

Pa Tupanax, rü name nixĩ nax guxü̃ma i duü̃xü̃gü i guxü̃ i nachixü̃anegüwa ngẽxmagüxü̃ cuxü̃ nicua̱xüü̃gü.

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

Yeremía 23:5

Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.

Echequié 34:16

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.

Miquéa 4:4

Rü guxãtáma taxũtáma muü̃eãcü tamaxẽ. Rü wüxíechigü rü tá tümaarü úbapechitagu, rü tümaarü igunecüpechitagu tarüngü̃. Rü ñaa ore rü noxrütama nixĩ ya yimá Cori ya Tupana ya Guxãétüwa Ngẽxmacü.

Chacaría 10:6

Rü nüma ya Cori ya Tupana rü ñanagürü: —Choma rü tá chanaporaexẽxẽ i Yudátanüxü̃. Rü tá íchanapoxü̃ i Yúchetanüxü̃. Rü wenaxarü nachixü̃aneca̱x tá chanawoeguxẽxẽ erü choxü̃́ nangechaü̃tümüxü̃gü. Rü nümagü rü wenatáxarü ñoma taguma nüxü̃ chaxoxü̃rüxü̃ chomaxã nixĩgü. Erü choma rü norü Cori ya Tupana chixĩ, rü nüxü̃ chaxĩnü i norü yumüxẽgü.