Miquéa 5:2 - Tupanaarü Ore

² Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Miquéa 5:2 Referans Kwoze

Ore i mexü̃ ga Matéu ümatüxü̃ 2:6

Rü nüma rü ñanagürü: “Cumax, Pa Ĩane Pa Beréü̃ ya Yudáanewa Ngẽxmanex, rü cuma rü tama wüxi ya ngexnerüxünemare ya ĩane quixĩ natanüwa ya yima ĩanegü ya itaxü̃ne ya Yudáanewa ngẽxmagüne. Erü cugu tá nabu ya wüxi ya ãẽ̱xgacü i tá chorü duü̃xü̃gü i Iraétanüxü̃maxã icuácü”, —ñanagürü.

Ore i mexü̃ ga Cuáü̃ ümatüxü̃ 7:42

Erü Tupanaarü ore i ümatüxü̃wa rü ñanagürü: “Cristu rü tá Dabítaxa nixĩ, rü tá nango̱x nawa ya yima ĩane ya Beréü̃ ga Dabí íbuxü̃wa”, —ñanagürügü.

Wiyaegü 90:2

Rü nũxcümaxü̃chima naxü̃pa nax cunaxüxü̃ ga ñoma ga naane rü norü ma̱xpǘnegü rü woetama marü Tupana quixĩ. Rü cuma rü guxü̃gutáma cungexmaecha.

Ichaía 11:1

Rü ñoma wüxi i naixchime irüxüxü̃rüxü̃ tá nixĩ nax Dabínatü ga Ichaxíwa nangóxü̃ i wüxi i nataxa i guxãarü ãẽ̱xgacü tá ixĩxü̃.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Colosenses 1:17

Rü naxü̃pa ga guxü̃ma, rü nüma ga Cristu rü marü nüxíra nayexma. Rü nüma nixĩ i mea inanuãxü̃ i guxü̃ma rü namaxã inacuáxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:16

Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.

1 Chamué 17:12

Rü nayexma ga wüxi ga yatü ga Beréü̃cüã̱x ixĩcü rü Ichaxí nixĩ ga naéga. Rü nüma rü marü naya ga yexguma Chaú ãẽ̱xgacü ixĩxgu. Rü nüma ga Ichaxí rü nüxü̃́ nayexma ga 8 ga nanegü, rü wüxi ga nane rü Dabí nixĩ.

Naanearü ügüchiga 48:7

Rü guxema cué ga Raqué rü namagu choxna tayayu ga yexguma Padáü̃-aráü̃wa chataegugu. Rü ĩane ga Efrátaarü ngaicamagu nixĩ ga choxna tayuxü̃ ga Canaáü̃anewa. Rü yexma namagu nixĩ ga ngĩxü̃ chatáxü̃. Rü yima ĩane ya Efrátatama nixĩ i ñu̱xmax i Beréü̃gu ãégane —ñanagürü.

Nüxíraxü̃xü̃ ga popera ga Cuáü̃ ümatüxü̃ 1:1

Pexca̱x tanaxümatü nachiga ya yimá woetama marü nüxíra yexmacü ga yexguma tauta naane ü̱xgu. Rü toma ga norü ngúexü̃gü nax tixĩgüxü̃, rü nüxü̃ taxĩnüe rü toxetümaxã nüxü̃ tadaugü. Rü aixcüma nüxü̃ tadaugü rü toxme̱xmaxã nüxü̃ tingõgügü. Rü nüma rü Ore i Maxẽxẽxẽruxü̃ nixĩ.

Popera ga Yudíugü ga yaxõgüxü̃ca̱x ümatüxü̃ 13:8

Rü nüma ya Ngechuchu ya Cristu rü ĩnex rü ñu̱xmax rü guxü̃guma nanaxaixrüguma rü taguma naxüchicüxü.

Ore i mexü̃ ga Matéu ümatüxü̃ 28:18

Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.

Rux 4:11

Rü nüma ga yema ãẽ̱xgacügü rü guxü̃ma ga yema duü̃xü̃gü ga yéma irüdaunüxü̃ rü nanangãxü̃ga rü ñanagürügü: —Aixcüma toma nixĩ i nua itarüdaunüxü̃ rü itarüxĩnüexü̃. Rü nüma ya Tupana i ñu̱xma cuxna imucü i ñaa nge, rü tanaxwa̱xe i ngĩxü̃ narüngü̃xẽxẽ nax naxãxacüxü̃ca̱x ngĩxrüxü̃ ga Raqué rü Léa ga ngĩwa ne ixĩcü i guxãma i yixema i Iraétanüxü̃. Rü cumax, Pa Boóx ¡rü Tupana cuxü̃ rüngü̃xẽxẽ nax wüxi ya yatü ya duü̃xü̃güpe̱xewa mecü quixĩxü̃ i nua Beréü̃wa i Efrátawa!

Naanearü ügüchiga 35:19

Rü yemaacü nixĩ ga nayuxü̃ ga Raqué. Rü yema nama ga Efrátawa nadaxü̃gu ngĩxü̃ nata̱xgü. Rü guma ĩane ga Efráta rü ñu̱xma rü Beréü̃gu naxãéga.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Yeremía 30:21

Rü natanüwa tátama nango̱x i wüxi i namaxã icuáxü̃. Rü wüxi i Iraétanüxü̃xü̃ tá nixĩ i norü ãẽ̱xgacü ixĩxü̃. Rü choma rü tá chaugüna chanangaicamaxẽxẽ, rü nüma rü tá chaucüwawa nangẽxma. ¿Rü texé tapora nax tüechamatama choxna tangaicamaxü̃? Rü ngẽma Iraétanüxü̃ rü chorü duü̃xü̃gü tá nixĩgü, rü choma rü norü Tupana tá chixĩ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 53:2

Rü nüma ya Cori ya Tupana rü nanaxwa̱xe ya yimá norü duü̃ rü ñoma wüxi i nanetü i ngexwaca rüxüxü̃ rü naxchúma̱xã i waixü̃mü i paanewa ixücuxü̃rüxü̃ nax yixĩxü̃. Rü nüma rü tama namechiwe rü ngẽmaca̱x taxúxeaxü̃́ nangúchaü̃.

1 Chamué 10:19

Natürü i ñu̱xma i pemax rü nüxü̃ pexo ya yimá perü Tupana ga guxü̃ma ga perü guxchaxü̃güwa rü perü ĩ̱xãchiãẽgüwa pexü̃ ínguxü̃xẽẽcü. Rü ñu̱xma nax nüxü̃ pexoxü̃ ya perü Tupana, rü ngẽmaca̱x wüxi i perü ãẽ̱xgacü i réica̱x ípeca nax pemaxã inacuáxü̃ca̱x. Rü ngẽmaca̱x i ñu̱xma rü chanaxwa̱xe i Cori ya Tupanape̱xewa ípengugü ya wüxitücumüchigü rü tügütanüxü̃chigü —ñanagürü ga Chamué.

Ore i mexü̃ ga Luca ümatüxü̃ 23:38

Rü norü curuchatape̱xewa nipota ga wüxi ga mürapewaxacü ga ãégatachinüxü̃ ga Griégugügawa rü Rómacüã̱xgügawa rü Yudíugügawa ümatüxü̃ ga ñaxü̃: “Daa nixĩ ya Yudíugüarü Ãẽ̱xgacü”, ñaxü̃.

Ore i mexü̃ ga Luca ümatüxü̃ 23:2

Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:2

Natürü Yudá nixĩ ga yixcüra naenexẽgüxü̃ rüporamaexü̃ rü wüxi ga nataxa rü nawa nangu nax Iraétanüxü̃arü ãẽ̱xgacü nax yixĩxü̃. Natürü yema Rubéü̃na üxü̃ naxca̱x nax nüxíraü̃cü ga nanatü nane yixĩxü̃ rü Yúchena naxü.

Ínachoxü̃xü̃chiga 18:21

¡Rü Iraégütanüxü̃wa yadexechi i yatügü nax curü ngü̃xẽẽruü̃gü yaxĩgüxü̃ca̱x! ¡Rü naxca̱x nadau i duü̃xü̃gü i nüxü̃ cua̱xgüxü̃ rü Tupanaga ĩnüexü̃, rü tama idorata̱xagüxü̃, rü tama diẽruca̱xmare daugüxü̃! Rü nüxü̃ naxuneta i ñuxre nax 1,000 i duü̃xü̃gümaxã inacúachigüxü̃ca̱x, rü togü i 100 i duü̃xü̃gümaxã inacúachigüxü̃ca̱x, rü togü i 50 i duü̃xü̃gümaxã inacúachigüxü̃ca̱x, rü togü i 10 i duü̃xü̃gümaxã inacúachigüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:6

Rü yemawena rü ñanagürü choxü̃: “Ñu̱xma rü marü ningu i guxü̃ma. Choma nixĩ i norü ügü i guxü̃ma, rü chowa nixĩ i yacuáxü̃ erü nataxuma i ta̱xacü i choweama üxü̃. Rü yíxema ita̱xawaxe, rü choma rü tá ngetanüãcüma tüxü̃ chaxaxexẽxẽ nawa i ngẽma dexáarü chuxchuxü̃arü dexá i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:8

Rü yema chomaxã idexaxü̃ rü ñanagürü ta: “Chanaxwa̱xe i Echamírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Nüxíra Yexmacü rü Guxü̃guma Ngẽxmaechacü ga yucü rü wenaxarü maxü̃cü.

Wiyaegü 132:6

Rü noxri rü nüxü̃ taxĩnüechiga nax Efrátawa nayexmaxü̃ ga yema baú ga Tupanaarü mugüchixü̃. Rü yixcüra rü Yáaarü ĩanepemagu nüxü̃ itayangau.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 2:54

Rü yema Chamátaagü nixĩ ga Beréü̃cüã̱xgü, rü Netopátanüxü̃, rü Atrú-be-yoátanüxü̃, rü yema ngãxü̃tücumü ga Manaétanüxü̃, rü Chorátanüxü̃.

1 Chamué 23:23

¡Rü mea nüxü̃ pidaugü i guxü̃ma i norü cu̱xchicaxü̃ rü ñu̱xũchi nua chomaxã nüxü̃ peyarüxu! Rü choma rü tá pewe ngéma chaxũ. Rü ega aixcüma ngẽma naanewa nangẽxmagu, rü choma rü tá naxca̱x chadauama natanügu i ngẽma Yudátanüxü̃ —ñanagürü.

1 Chamué 17:18

¡Rü ñu̱xũchi ngéma nana ta i ñaa 10 pǘta i quechu naxca̱x ya yimá churaragüarü ãẽ̱xgacü! ¡Rü cueneegüxü̃ íyadau rü ñuxãcü nüxü̃ nangupetügü, rü wüxi i norü popera nua nange nax ngẽmawa nüxü̃ chacuáxü̃ca̱x nax meama nüxü̃ nax ínangupetügüxü̃! —ñanagürü ga Ichaxí.

Wenaxarü naxümatü ga Tupanaarü mugü 1:15

Rü yexguma ga choma rü yema petanüxü̃tanüwa nüxü̃ chixunetachigü ga yatügü ga naãxẽxü̃ cuáxü̃ rü nawa nangóxü̃ nax mea duü̃xü̃gümaxã inacuáxü̃. Rü ñu̱xũchi nüxna chixãgachigü nax pemaxã inacua̱xgüxü̃ca̱x. Rü nümaxü̃ rü namaxã nüxü̃ chixu nax 1,000 ga yatügümaxã inacuáxü̃ca̱x, rü togü nax 100 maxã inacuáxü̃ca̱x, rü togü nax 50 maxã inacuáxü̃ca̱x, rü togü nax 10 maxã inacuáxü̃ca̱x. Rü yexgumarüxü̃ ta nüxü̃ chaxuneta ga ãẽ̱xgacügü ga wüxitücumüchigü ga Iraétanüxü̃maxã icuáchigüxü̃.

1 Chamué 8:12

Rü ngẽxgumarüxü̃ tá ta tüxü̃ naxuneta ya toguxegü nax 1,000 i churaragüarü ãẽ̱xgacü nax tixĩgüxü̃ca̱x, rü toguxegü nax 50 i churaragüarü ãẽ̱xgacü nax tixĩgüxü̃ca̱x. Rü ñuxre i pemax, rü tá norü naanearü aimüanewa pexü̃ napuracüe, rü toguxe rü tá norü nanetüarü buxgüwa pexü̃ napuracüexẽxẽ, rü toguxe rü tá naxnegüarü üwa pexü̃ napuracüexẽxẽ, rü toguxe rü tá naweü̃ ya dairuü̃arü üwa pexü̃ napuracüexẽxẽ.

Ínachoxü̃xü̃chiga 18:25

Rü nayadexechi ga yema Iraétanüxü̃ ga iyatüxü̃ ga yexera cua̱x nüxü̃́ yexmagüxü̃ nax yemaacü namaxã inacua̱xgüxü̃ca̱x ga 1,000 chigü, rü 100 chigü, rü 50 chigü, rü 10 chigü ga duü̃xü̃gü.

Ore i mexü̃ ga Matéu ümatüxü̃ 2:1

Rü Ngechuchu rü Yudéaanewa yexmane ga ĩane ga Beréü̃gu nabu ga yexguma Eróde ãẽ̱xgacü ixĩxgu ga yema nachixü̃anewa. Rü yexguma nixĩ ga ĩane ga Yerucharéü̃wa nangugüxü̃ ga ñuxre ga yatügü ga nüxü̃ cua̱xüchigüxü̃ ga woramacuriwa ngúexü̃ ga éstewa ne ĩxü̃.

Naanearü ügüchiga 35:16

Rü yemawena rü Betéwa inaxĩãchi nax ĩane ga Efrátawa naxĩxü̃ca̱x. Natürü yexguma Efrátaxü̃ yangaicagügu rü ga Raqué rü ixíraxacüama. Rü poraãcü guxchaãcü ixíraxacü.

Ãẽ̱xgacügü ga guxchaxü̃güarü mexẽxẽruü̃gü 17:7

Rü yexgumaü̃cüxü rü Yudáanearü ĩane ga Beréü̃wa nayexma ga wüxi ga ngextü̱xücü ga tama yémacüã̱x ixĩcü. Rü nüma rü Lebítanüxü̃ nixĩ.

Rux 1:1

Rü yexguma Iraéanecüã̱xgümaxã inacua̱xgügu ga yema ãẽ̱xgacügü ga guxchaxü̃güarü mexẽẽruü̃gü ga Tupana nüxü̃ unetaxü̃, rü ínangu ga taxü̃ ga taiya ga guxü̃ma ga yema naanewa. Rü yexgumaü̃cüxü rü Yudáanewa nayexma ga wüxi ga yatü ga Erimeréxgu ãégacü ga Beréü̃arü ĩanegu ãchiü̃cü. Rü nüma ga Erimeréx rü naxma̱x ga Noemímaxã rü nanegü ga Maróü̃ rü Querióü̃maxã Beréü̃wa inaxĩãchi nax Moáanewa naxĩxü̃ca̱x. Rü nümagü rü Efrátacüã̱x nixĩgü yerü Efráta nixĩ ga to ga naéga ga Beréü̃. Rü Moáanewa nangugü rü yexma nayaxãchiü̃gü.

Ichaía 55:4

Rü choma rü gumá ãẽ̱xgacüxü̃ chaxuneta nax chauétüwa yadexaxü̃ca̱x nape̱xewa ga yema togü ga nachixü̃anegü. Rü nüxü̃ chaxuneta nax namaxã inacuáxü̃ca̱x rü nangúexẽẽãxü̃ca̱x ga yema togü ga nachixü̃anecüã̱xgü.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Miquéa 4:10

Pa Ĩane ya Chióü̃x, ¡ínaxã̱ũ̱xcüta rü aita naxü ñoma wüxi ya ngexe ya íxraxacüchaü̃xerüxü̃! Erü ngẽma curü duü̃xü̃gü rü cuwa tá ínachoxü̃ rü ngürüanegumare yapexü̃tanüãcü tá Babiróniawa nangugü. Natürü wüxi i ngunexü̃ rü nüma ya Cori ya Tupana rü tá ngéma norü uanügüme̱xẽwa ínananguxü̃xẽxẽ i curü duü̃xü̃gü.