Miquéa 5:11 - Tupanaarü Ore

¹¹ Rü tá nagu chipogügü ya yima perü ĩanegü, rü guxü̃táma ya yima ĩanegüarü poxeguxü̃ rü tá chayawa̱xgüxẽxẽ.

Miquéa 5:11 Referans Kwoze

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Amúx 5:9

Rü nüma nixĩ i yawa̱xgüxẽẽãxü̃ ya yima ĩanearü poxeguxü̃gü rü nagu napogüxü̃ i norü poxü̃chicaxü̃gü.

Ochéa 10:14

Rü ñu̱xmax rü tá inaxügü i ngẽma dai rü ngẽmaca̱x nanaxĩ̱xãchiãẽgü i duü̃xü̃gü. Rü guxü̃ma ya yima ĩanearü poxeguxü̃tápü̱xgü rü tá niwa̱xgü. Rü yema ĩane ga Bex-abéwa ngupetüxü̃ ga yexguma ãẽ̱xgacü ga Charmáü̃ nadaixgurüxü̃ tá nixĩgü. Rü yexguma ga guxema mamagü rü tümanegümaxã tayue.

Echequié 38:11

Rü cuma rü tá ñacurügü: ‘Naxca̱x tá íchayagoõchi i wüxi i nachixü̃ane i turaxü̃ i tama nüxü̃ cuáxü̃ nax nügü ínapoxü̃xü̃ rü ngẽma norü duü̃xü̃gü rü taãẽãcü imaxẽxü̃ rü nagu rüxĩnüexü̃ nax taxuxü̃táma i ta̱xacü nüxü̃́ ngupetüxü̃. Rü guxü̃nema ya yima norü ĩanegü rü nataxuma i norü poxeguxü̃gü rü nataxuma i norü ĩã̱xgü rü nataxuma i norü wãxtaruü̃gü.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 1:7

Rü pechixü̃ane rü naxnücüane i chianexü̃xü̃ nayanguxuchi, rü perü ĩanegü rü nixae rü niya̱u̱xragü. Rü ngẽma perü uanügü rü pepe̱xewa nanangõ̱xgü i ngẽma pema petogüxü̃ i penetüarü o. Rü guxü̃ma i perü naane rü naxnücüane i chianexü̃xü̃ nayanguxuchi yema Chodómaxü̃ ngupetüxü̃rüxü̃ ga yexguma yaxaxgu.

Auxexü̃chiga 2:2

Rü Cori ya Tupana rü noxtacüma guxü̃nema ga Acóbutanüxü̃patagü rü nayachixexẽxẽ, rü taxúnema ínayaxüxẽxẽ. Rü norü numaxã nagu napogüe ga norü poxeguxü̃ ga guma Yudáanearü ĩanegü ga imexẽchine. Rü guma ĩanegüarü ãẽ̱xgacügüxü̃ naxãneexẽxẽ namaxã ga norü ngü̃xẽẽruü̃gü.

Ichaía 2:6

Ichaía rü yumüxẽwa ñanagürü: —Pa Corix, marü nüxna quixũgachi i curü duü̃xü̃gü i Acóbutanüxü̃. Rü natanüwa nangugü rü ngéma namu i duü̃xü̃gü i ẽxü̃guxü̃xü̃ icuáxü̃ i éstewa ne ĩxü̃, rü duü̃xü̃gü i yuüxü̃ ñoma Firitéugütanüwarüxü̃. Rü curü duü̃xü̃gü rü togü i nachixü̃anecüã̱x i tama Tupanaxü̃ cua̱xgüxü̃maxã nügümaxã nanamexẽxẽ nax nügüarü ngẽmaxü̃ca̱x nataxegüxü̃ca̱x.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.